سأنتضرك

Untitled Part 22

بقلمي السيدة العلوية
تقية:اي والله اختنكت من الكتمة مال البيت بس اخاف نتوه..
معصومة:ههههه لاتخافين وياج اني ..نتمشى بهاي الحديقة كلش حلوة..
فعلا خرجنا وغيرنا جو وسبحان الله تعرفنا على عائلة عراقية ..امي كانما لكت روحها جدا تعلقت بيهم..من النجف ..وبمرور الايام زاد تعرفنا عليهم ..
بدأت بالدراسة وكنت احرص على عدم تضيع اي فرصة لان مصاريف الدراسة ليست بالامر الهين..
بالجامعة تعرفت على فتاتين من لبنان من جنوب اللبناني..
هالة وزمرد..بدات اتأقلم مع البلد والاجواء لكن امي صحتها لم تعجبني..
بيوم من الايام عندما اكملت المحاضرة انتبهت هالة لي
هالة:معصومة ماذا بك
معصومة:خايفة حيل على امي وبدأت دموعي تنزل
زمرد:لا اله الا الله ماذا بها .اقلقتينا معصومة !
معصومة:سولفت وياهم كل حياة امي ..وهسة امي مااعرف احس بيها مرض وجاي تخفي عني حتى لاتخوفني ..
زمرد:لاتخافي هو الحنين لخالك صدقيني..
معصومة:دموعي لم تتوقف أه اتمنى هيج بس يكون السبب..
بعدها رجعت للبيت وحاولت اسعد امي واغيرلها الجو..
معصومة:ماما زمرد واهلها عازمينا بيتهم يوم الجمعة شنو رأيج ؟
تقية:طيب لعد عود نسوي اكلات عراقية وناخذها ويانا..
فعلا بيوم الجمعة امي كانت مستمتعة وشفت ضحكاتها وفرحت مع عائلة زمرد وعجبتها بغض الاكلات اللبنانية وهم ايضا اعجبهم طعام الي سوته ماما..امي كدرت شوية تتأقلم ..واني الايام كانت تمر عندي وانا مشغولة بالدراسة.

نعود الى ضياء الذي كان يبكي عندما اغلق دفتر مذكراتها..لكن ماهو سبب هذا البكاء ..ولاول مرة يقترب من معصومة ليمسك يدها على غير العادة ..
ضياء:اشتاقيت اسولف وياج ولو عمري ماعرفتج قبل اني متأكد انتي اختبار من ربي ..عمري مااخذلج مثل ... لتقطع كلماته عبرة ودموع غزيرة..

مرت سنة واني الحمدلله كدرت اكمل دراستي او جزء منها وعلاقتي بصديقاتي الجدد صارت قوية (زمرد و هالة)
وحلت ايام محرم الحرام هناك ..ولان المنطقة التي نحن بها لايوجد سوة بيوت قليلة للعرب والشيعة بالاخص ..فقد طلبت مني هالة اني نذهب الى ولاية اخرى سيتم بها احياء ليلة عاشوراء ..كنت مترددة جدا ..لكن ردت اروح وياهم..
تقية:شبيج معصومة شو تتصفنين؟!بيج شي ماماتي ؟
معصومة:محتارة كلش ماما ..
تقية :علمود الروحة وية صديقاتج ؟
معصومة:اي ماما
تقية:ياعمري روحي وياهم وداعيلي وياج هنيالة اللي يواسي الزهراء بعزيزها الحسين
معصومة:مافكرتي تجين وياية؟
تقية:حبيبتي اتعب من المسافات البعيدة مو مثل قبل ..روحي ولاتقلقين واذا تأخر الوقت وفكرو يباتون ابقي والصبح تعالي..

فعلا ذهبنا ..
●○اه ياحسين ومصابة ..اه ياحسين ومصابة
لاجلة العين سجابة
اه ياحسين ومصابة
خوية وياروح الهادي
اه ياحسين ومصابة
ياحسين يالذكرك بطرف لساني..اه ياحسين ومصابة..
حاشاك لان يوم الحشر تنساني ..اه ياحسين ومصابة .
.وانة اعتقادي بدفترك عنواني اه ياحسين ومصابة
هالة:هل زرتي كربلاء معصومة؟
معصوبة:عمري ماتشرفت وهذه امنية حياتي ..
زمرد:نحن ذهبنا مرتين ..ولله الحمد..
قراءة قرأن وصلاة وادعية وقصائد تنعي سبط الرسول ودموعي تنهمر ..احسست بوجع وألم..
اخرجت دفتري لاكتب مااشعر به
♡اني من اهم واكثر اللحظات عندما اتذكر سيدي علي الاكبر وهو يرتمي وقد اثخن بالجراحات على فرسه لعله يوصله الى خيام الاهل ..خيام العز والفخر..واه اه ياقطرات الدم النازلة من جراح قد شملت كل جزء بجسد مرهق عطشان واذا بالدماء تحجب الرؤية لتذهب به الى معسكر الاعداء ..اه لقلبك يامولاي الحسين..
واه لقلبك مرة اخرى وانت تمشي امام الخيام ومن حولها تحاول