♥سأنتظرك
الجزء18
بقلمي السيدة العلوية
هيلين:هو هذا سبب خوفي اخاف اقصر وية ضياء ومثلما تعرفين دوامنا مو بوقت معين يعني تجي مرات انغمس بالعمليات هواي..والعيادة..
الاب:هو مثلج طبيب يعني يتفهم طبيعة دوامج وحاولي ترتبين بين وقتج وبين البيت ..
الام:ماما صلي ركعتين لله عزوجل واطلبي من عنده المساعدة ويارب بجاه محمد وال محمد اشوفك عروسة..
هيلين:ان شاء الله راح اصلي..عن أذنكم..
فعلا ..ضياء انسان محترم وطبيب شاطر بس لو شوية هالعصبية هههه راح اصلي وهو ربي يدليني..صليت وحسيت بأنشراح واطمئنان وثاني يوم ..
هيلين:صباح الخير دكتور
ضياء:صباح الخيرات ...
هلين:اني موافقة على الموضوع اللي طرحته..
ضياء:صدك♥ان شاء الله راح اسعدج وربي يوفقنا ..لعد الخميس نجيكم ونجيب السيد يعقدلنا وبعد شهر نتزوج بس بينما ارتب وضع البيت..
هيلين بخجل:ان شاء الله وفعلا تمت الخطوبة والعقد وصرت زوجة لضياء..
ضياء:الف مبروك دكتورتي..
هيلين:الله يباركلي بيك
ضياء:شعجب تأخرتي بالرد هههه يوم وثاني يوم جنج بابا مستعجلين
هيلين:عمووو تعال شوف ابنك شيكول هههه
ضياء :يمعودة اكعدي مابية حيل محاضرة من الوالد ههه لااا صدك فرحان بيج حيل..
هيلين:احس ربي هو اللي ارسلك الي لان جنت مامقتنعة ومن صليت هالركعتين انشرح صدري ونفسيتي اطمئنت
ضياء:تصلين؟
هيلين:اكيد اصلي ونضرت لضياء بعيون مستغربة وانت!؟
ضياء: لااا بين سطر وسطر ..
هيلين:الخاطري لاتتركها..
★اول مرة اشعر بقلبي يخفق بحب حلال ونظرت الى تلك التي ارسلها ربي لي ليسعدني..♥
ضياء:تدللين ..
وبعد الشهر تم الزواج ..
كان زواجنا بسيط فقط اهلي واهلها وعائلة خالي واولاده ..جدا كانت جميلة بفستانها الابيض وحجابها وكل شيء ..اخذت زوجتي وصعدنا الى الغرفة التي حجزناها بالفندق وكان الامر رائع لان الله عزوجل كانما بعث لي اياها لتكون سبب سعادتي ...
ضياء:صباح الورد ..
هيلين بخجل:صباح العافية ..
ضياء:تدرين هيلين احس تغيرت حياتي 180درجة
هيلين: للاحسن لو ..
ضياء :قبل ان تكمل جملتها...اكيد للاحسن ..هو شهر من اقتربتي مني لكن كدرتي تغيريني ..
هيلين:ان شاء الله دائما ربي يقدرني واسعدك يازوجي وصديقي واخوية وكل شي..
■■ان العلاقة الزوجية بناء مقدس لكن للاسف اصبحت تلك العلاقة مجرد هيكل خارجي عند البعض ..يتصرفون بهيئة معينة في المنزل وهيئة اخرى عند الخروج..اصبح البعض لايطيق الحياة الزوجية بل ان بعضهم يعتبرها عائق امام حريته ويعتبر ان الزواج غلطة لانه يعتبره سجن في حال انه حتى السجن تستطيع ان تستثمره لمصلحتك ولما يبنيك كجسد وروح متكاملة النضج..هل تذكرنا الامام موسى ابن جعفر{عليه السلام}كان دائما يطلب من الله ان يفرغه لعبادته واعتبر السجن هدية من الله ..ذلك الامام العظيم الذي يعلمنا ان نأخذ كل شي من الله على انه هدية نفرح بها لانها لو كانت مصيبة فان الله عزوجل بها يرفع من مقامنا♡♡ولو كانت عطاء فانه يريد ان يرى شكرنا..هو يقترب منا فما بالنا لانفهم ..بعضهن يجعلن الحياة الزوجية بالنسبة للزوج جحيم بتصرفاتها وتذمرها وتفضيلها مايقول الاهل على مايقول هو الزوج وايضا هناك رجال كذلك■■
مرت الايام سعيدة والزوجين في قمة التفاهم والود ..وطارق يشعر بان هيلين سبب سعادة البيت..
بعد ثلاثة اشهر..
هيلين تتصل بوالدتها:ماما تكدرين تجيني اليوم..
الام:اي حبيبتي بس خيرج خومابيج شي..
هيلين:لا بس محتاجتك بمشوار معي..
بعد فترة..
هيلين:اريد اروح اسوي تحليل واحتاجك وياي ماما ..
الام:ان شاء الله ..وفعلا واتضح ان هيلين حامل
أنت تقرأ
سأنتضرك
Romanceسأنتضر الفرج وكأنني على موعد معه ان يتأخر الفرج فهذا لا يعني انه لن يأتي فأقدار الله مبطنة بالرحمات ولكننا قوم مستعجلون
