بقلمي السيدة العلوية
بعد اسبوع وانا ارى معصومة بدأت تتحسن لكن لحد الان مانطقت لان يحتاج وقت حتى نسوي علاج طبيعي
لهذا قررت اعود للعراق واستقر مع والدي وعمتي همات وافقتني لكن صغيرتي ماذا ستقول دكيت باب غرفتها وانتضرت وبعدها دخلت
ضياء:شلونها العلوية؟
معصومة:أشرت برأسي باني بخير
ضياء:معصومة عندي موضوع وياج واتمنى تسمعيني وبعدها ثقي اي قرار تتخذينة اني موافق عليه
اني تعبت من الغربة معصومة وصح بالبداية استقريت هنا لان جنت لاهي ومااهتم بس بنفسي وطموحي وحتى طارق والدي المسكين ماكدر يمنعني ومن رجعت فترة للعراق انصدمت وحدث اللي سولفتلج عنه..ورجعت للغربة وسبحان ربي لكيتج وانتي برغم معاناتج ومرضج كدرتي تخليني اتغير ..الفرق بيناتنه كبير بالعمر وانتي الدنيا كلها كدامج واني اريد ارجع استقر بالعراق واعيش وية والدي وعمتي هناك وادري انتي مستغربتني ويجوز ضايجة من عندي لان على ذمتي ..فيابنت الحلال اني انتضر ردج ..تكملين وياية واوعدج مااخذلج لو..(وماكدر يكملها وخرج بسرعة ضياء)
♥♡معصومة♥♡
من صحيت لحد الان من الغيبوبة واني ماشفت احد اهتم بية مثل هذا الانسان..صح فرق العمر كبير لكن هالشخص كدر يحميني ويكون أمني واماني بمكان غريبة بي اني ..ماانكر اني ماعندي اي مشاعر تجاه هذا الشخص سوى مشاعر العرفان والشكر لكن اني متأكدة ربي راح يخلق بداخلي مودة ورحمة تجاهه
عند العشاء ليلا...
جلسنا اني وعمة ضياء وكانت تسولف وياي صح مرات لغة الاشارة تخوني ومااعرف اوصل قصدي وافتقدت ضياء الي كان غائب على العشاء..وتأخر الوقت وهو برة وبدأت اقلق ..العمة نامت وبقيت منتظرة اشوف ضياء
♡ضياء♡
كنت مستحيل ابقى بالبيت..بقت الافكار تاخذني وتجيبني..واتصلت بهاشم
هاشم:عمي بس الله الكبير ليش هيج وين غايب
#سأنتظرك♥
ضياء :شلونكم اخباركم..
هاشم:الف الحمدلله والله مشتاقيلك مابيك جية
ضياء:هو هاي المفاجاة اللي ضامها الك..اني وعمتي راح نجي ونستقر بالعراق ..بس مااوصيك لاتكول للوالد خلي اسويها مفاجأة..
هاشم :بطن عيني تدلل ..بس احسك مو على بعضك بيك شي
ضياء(تمنيت اسولفلك ):لااا سلامتك بس ادعيلي ..
♡♥معصومة♥♡
بعدما تأخر الوقت وقلقي الزايد قررت اصلي وادعي ربي يساعدني حتى اتخطى هاي الازمة وبقيت ادعي الى ان سمعت ضياء رجع ..فرحت كلش لان هذا الشخص فعلا كان يعنيلي الامان ..والاطمئنان..لهذا كمت باسرع قوتي وتوجهت لغرفة ضياء وبلاوعي وبلا شعور وكانما ربي الهمني التصرف وكانما ربي يكولي انه ضياء هو الشخص اللي اني اهديته لك..وقفت وكان ضياء متفاجأة بشوفتي..
أنت تقرأ
سأنتضرك
Romanceسأنتضر الفرج وكأنني على موعد معه ان يتأخر الفرج فهذا لا يعني انه لن يأتي فأقدار الله مبطنة بالرحمات ولكننا قوم مستعجلون
