على استحياء

part 1

‏ستواجه صنفاً لا يفكر إلا بنفسه
واخر يخذلك في منتصف الطريق
واخر ينكر معروفاً لك وكأنه لم يعرفك يوماً....

اني روان مواليد 90 مُدرسة انگليزي شكلي عادي شعري طويل ملامحي حلوة وكل الي يشوفني يگولي عندج جاذبية اني من عائلة ميسورة الحمدلله والدي ضابط كبير

ووالدتي ربة بيت واني اكبر اخوتي عندي اخوان اثنين واخت هي اصغر وحدة بينة علاقتي طيبة باهلي بالاخص بابا كووولش متعلق بية واني هم امووووت عليه

راح احجيلكم قصتي من البداية من كان عمري 18 سنة كنت صف سادس اعدادي...

ام روان ..ها ماما حضرتي نفسج يلا نروح عيب تأخرنة

روان ..ييي ماما جيت
رحنة لبيت خالتي عدهم حفلة 🎉 طهور ابنهم الصغير رحنة للحفلة وجايين عمامهم وخوالي والاقارب

اني طلعت برة اريد اخلص من الهوسة اكو سيارة بالگراج ضليت واگفة گدام الجامة اعدل بشعري وكانت الشمس عاكسة ع السيارة مشفت احد بداخلهة

ضليت واگفة اسوي حركات گدام الجامة واعدل بملابسي وبشعري فجأة انفتح باب السيارة ونزل منهة ولد يجنن گمر ويضحك علية اني ضليت صافنة مدري ع جماله مدري ع فشلتي گدامه باوع عليه ودخل محجة ولا كلمة اني دخلت جوة ركض

لج دعاء... دعاء بنت خالتي ونفس عمري اني وياها صديقات

دعاء. .شبيج شكو

روان ..لج كنت واگفة اعدل نفسي گدام هذه السيارة وهيج وهيج صار

دعاء. .ههههههههه هذه سيارة احمد ابن عمي

روان ..صدقة لالله عندج هيج ابن عم حلو واني ما ادري

دعاء ..يييي صدگ هو حلو ومثقف وخريج

روان ..يعني مخلص جامعة

دعاء ..ييي محامي بس ممتعين خطية...

احمد ..

اني احمد مواليد 85 محامي بس ممتعين عندي سيارة اشتغل بيهة ومشي اموري احنة عائلة ع گد حالنة و عندي 3 اخوات وحدة متزوجة واثنين طالبات وعندي اخ واحد هم طالب ووالدي ووالدتي

يگولون اني كووولش حلو اليوم اجيت لبيت عمي عدهم حفلة 🎉 مال طهور هستوني وگفت السيارة اجتي بنية حلوة وگفت گدام السيارة وضلت تعدل بروحهة مشافتني خطية لان الشمس عاكسة ع الجامة

بس من فتحت الباب نصدمت خطية فشلت خلصت الحفلة وهي ضلت ببالي سألت دعاء عليهة وگتلهة اريد رقمهة وانطتني الرقم واتصلت بيهة وحجيت وياها...

روان ..اني دا اقرة اتصل عليه رقم غريب جاوبتة

الو
احمد ..الو شلونج روان

روان ..انت منو

احمد ..اني معجب بيج واريد اتعرف عليج

روان ..اهوووو رجاءاً بعد لتتصل وتضل تعاكس اني مو مال هذه السوالف وسديتة ورة شوية هم دگ وكلساع يدگ اخر شي دزلي رسالة والله اني مدا اعاكسج اني اعرفج وانتي تعرفيني جاوبي وشوفي اني صار عندي فضول منو هذا

اتصل بية

روان ..الو منو انت

احمد ..اني احمد ابن عم دعاء

روان ..فرحت ..اهااا ابوالسيارة

احمد ..ييي ابو السيارة شلونج

روان ..الحمدلله انت شلونك

احمد ..تمام خو ما ضجتي لان اتصلت بس صراحة اني معجب بيج وحبيت اتعرف عليج

روان ..گلبي گام يدگ حيل اول مرة اسمع هيج كلام من ولد

..لا مضجت بس منين جبت رقمي

احمد ..اخذته من دعاء ممكن نبقى نتواصل اني وياج دائما

روان ..والله ما ادري شأگولك

احمد ..گولي اييي

روان ..ما اعرف خليهة للايام..

. ومرت الايام وبقينة اني واحمد نتخابر ويجي يم المدرسة اشوفة وعلاقتنة صارت قوية وحبينه بعض...

احمد ..اني احب روان وبس تكمل السادس اروح اخطبهة بس خايف من الفرق الطبقي الي بيني وبينهم يعني هم حالتهم توووب واحنة ع گد حالنه...

روان ..دا امتحن بكلوريا وبس اخلص يجي حبيبي يخطبني ما اعرف شنو رد اهلي خايفة من بابا... .

خلصت الامتحانات وطلعت النتايج والحمدلله ناجحة فرحت واهلي فرحو وبابا ذبح وسوالي حفلة 🎉 واتفقنة اني واحمد يجي يخطبني هو واهله

اجوي وخطبوني بس بابا رفض اكثر من مرة اجوي وبابا يرفض بحجة الدراسة انقهرت حيييل ونفسيتي تعبت و بيوم سمعت ماما وبابا يحجون

ام روان ..الظاهر بنتك تريده لان متاكل وبس تبجي

ابو روان ..ليش هي تعرفه حتى تنقهر

ام روان ..والله ما ادري بس نفسيتهة تعبانة

ابو روان ....هي طفلة ومتعرف مصلحتهة هذا كحيان و يشبعهة فگر وبعدين هو مميت عليهة هذا ميت ع الخير الي هي بي

ام روان ..والله ما ادري شأگولك

ابو روان ..حاجيهة ووعيهة وخلي تگابل دراستهة ومستقبلهة احسن من هالخرابيط

تصويت 😘😍

تصويت 😍😘

ضيفوني سناب حبايبي