فاروق ..تعبتني تلبس وتسوي حركات گدامي و تدري بية نفسي بيهة ما اعرف شنو غايتهة من هالتصرفات حتى وية اهلهة تصرفاتهة متغيرة يمكن دتعاقبنة بس الي دتسوي نجح وياية عذبتني حييييل افففف استغفر الله العظيم
روان ..نزلت يم ايمان اجاني فاروق
فاروق ..ابوج صار كذا مرة يتصل بية يگول ليش روان متجينة
روان ..ايي اتصل بية گتله ما عندي مجال
فاروق ..حضري نفسج اوديج اذا تريدين
روان ..لا ما اريد اروح
فاروق .. بكيفج…
ايمان ..ليش متروحين تشوفيهم خطية حتى مو هلگد تجاوبين ع اتصالاتهم
روان ..خلي يضوگون شوية من العذاب الي شفته
ايمان ..يمعودة سلميهم بأيد الله هو ياخذ الحق
روان ..ونعم بالله بس ربي حلمه طويل واني ما عندي صبر بعدين اني مو مثلج اسكت عن حقي
ايمان ..يمعودة قابل شأريد اسوي
روان ..لاااا تگدرين تسوين اهواية امور بس انتي مع احترامي الج فطيرة
ايمان ..هههه مثل شنو هذه الامور
روان ..اخابره واطيح حظه واتطلگ واتزوج واحد يقدرني
ايمان ..لا خليهة بيد الله هو حاكم عادل
اجتي نهى ..اشوفجاً هالايام 24 ساعة سوية خوش مسويات عصابة
روان ..ليش شنو مضايقتج گعدتنة
نهى ..وليش اتضايق ومنو اليسوة اتضايق علمودة بس يا ترى د تقشبون بمنو
روان ..والله كلماً يشوف الناس بعين طبعه عن اذنج حبي ايمان صاعدة فوگ ارتاح وصعدت
نهى ..خفت وبلت شلون لسان 😝 لج ايمان امشي عدل لا والله تعرفين شأسوي بيج
ايمان ..عيب تحجين وياية هيج اني اكبر منج
نهى ..اكبر مني والله وطلع لسانج بس رافگتي هذه الدايحة بسيطة اني الج
روان ..اتصلت بية ماما…
الو هلو ماما شلونج
ام روان ..لج انتي ما بگلبج رحمة شهرين مشايفينج وابوج مريض من وراج ومتقبلين تجين
روان ..ليش شبي بابا
ام روان ..مريض وتعبان بسببج تعالي شوفي شوفي اخوتج
روان ..والله ما عندي مجال وتعبانة وسلميلي ع بابا ان شاءالله يگوم بالسلامة
ام روان ..هاااا هاي صدگ انتي هيج صايرة
روان ..ماما الله يخليج راسي يوجعني باي وسديته…
ضليت ابجي لان مقهورة ومشتاقتلهم بس گلبي مليان حقد وقهر و نمت
روان ..عدت الايام واني ونهى مناوشات بيناتنة فد يوم تعاركنة عركة عادية
وصعدت فجأة اسمع صوت عالي مديت راسي سمعت نهى وبتهة ريم يبجون ويحجون وية فاروق
نهى ..شوف مرتك المتوحشة شسوت بينه (خرمشت روحي وشگيت ملابس بنتي ونبجي )
فاروق ..شكو شنو السالفة
نهى ..شفتهة تكتل ريم اجيت ادافع ع بنتي وحطتني فوگاها ضرب وكتل
فاروق ..شنو السبب
نهى ..والله ما اعرف شبيهة شاشت علينه اسمع فاروق لهنا وكافي لو هي بالبيت لو اني وبنتي…
صعد فاروق رحت لايمان والله اذا تفتحين حلگج اگص لسانج
روان ..يا بت الكلب بسيطة اني الج ع السريع شگيت دشداشتي ولغمطت الحمرة وكفشت شعري وحطيت اي شدو بنفسجي ع زندي ع اساس هي عضتني وگمت ابجي
اجة فاروق
فاروق .. هاي شبيج ليش تبجين
روان ..شفتهة شلون ضربتني هاي عود اني بحمايتك هنا
فاروق ..ليش ضربتج
روان .. ابجي شوف شعري شوف ايدي شوف صدري من شاف صدري داخ
فاروق ..اليوم اطيحلج حظهة گومي اغسلج
روان ..لا ما اريد خليني ابجي ع حظي
فاروق ..حبيبي لا الله يخليج لتحرگين گلبي والله اخذلج حقج
روان ..حطيت راسي ع صدره وابجي بس كله كذب هو صخن وحضني حيل استغل الوضع
فاروق ..اليوم ما ابقيهة بالبيت بس انتي لتنقهرين
روان .. طردهة فاروق وراحت لاهلهة
نهى ..هذه الحقيرة هي الي ربحت بس اني الهة خلي تصبرلي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تصويت 😍😘
أنت تقرأ
على استحياء
Romanceالقصة تدور احداثها حول الحب وغدر الحبيب ومعاناة الشخص الي ينغدر من اقرب الناس له لكن بعدها يأتي العوض والسعادة
