روان ..ابجي وتلگتني ماما وسولفتلهة هي وبابا انقهرو عليه وبابا گال راح يحجي وية احمد
ابو روان… رايح لاحمد
احمد ..اهلا عمي تفضل
ابو روان ..يا نذل يا حقير تبيع بنتي علمود كم فلس
احمد ..ما اگدر اباوع بعين ابو روان عمي رجاءاً لتتجاوز
ابو روان ..لك حافي منتف عرفتك من البداية مو كفو بس ميخالف يصير خير
احمد ..راح ابو روان واني ضليت مقهور بس اني لازم اسوي هيج والا راح ابقي طول عمري ع هالوضعية
روان ..صارلي اسبوع ببيت اهلي واحمد ولا سأل عليه ولا يرد ع اتصالاتي كوووولش مقهورة اني مسويتله شي ليش يتصرف وياية هالشكل
ام روان ..روان هاي ورقة الج تعالي وقعي الرجال دينتضر ع الباب
روان ..ورقة ايش هذه طلعت وقعت فتحت البريد دعوة طلاق رأسا فقدت فتحت عيني بابا وماما يبجون عليه
روان ..ابجي بابا احمد يريد يطلگني ليش بابا اني شمسوية اشو ساندته وگفت ويا مادياً ومعنوياً ليش هيج يسوي بية
بابا وماما يبجون وواحد يباوع ع الاخ مشت الايام وتطلگت من احمد بدون ما اعرف الاسباب ونفسيتي كوووولش متأزمة و خلصت العدة
وعرفت صديق بابا الظابط فاروق متقدملي بس موافقت
ام روان ..ليش ماما رفضتي خوش قسمة
روان ..ماما الله يخليج شنو خوش قسمة اكبر مني ب15 سنة ومتزوج وعنده طفلة بعدين اني بعده جرحي مطاب
ام روان ..بنتي الرجال ميعيبة عمر لو شكل الرجال الي يعيبة جيبة وهو ما شاء الله جيبة مليان وشكله مرتب وحتى ممبين عليه الكبر ونفوذ وسلطة واذا ع مرته ترة الشرع محلله اربعة
روان ..هاي شنو ماما اشو صايرة مادية
ام روان ..لا حبيبتي شنو مادية اني ادور راحتج وشفتي انتي اتزوجتي الي حبيتي والفقير شسوالج
روان ..ماما رجاءاً سدي الموضوع نهائيا اني هذا فاروق مبالعته و مبين عليه ابو نسوان اهواية متزوج ومطلگ واني بعد ما بيه حيل تمرمط اريد استقر لهذا السبب فكرة الزواج شلتهة من راسي نهائيا
فاروق ..هذا احمد طلگ روان واجاني وسجلت بأسمه الگاع وعينته وسفرت والده للعلاج يعني وفيت بوعدي وانتضرت روان تكمل عدة حتى اتقدملهة وحجيت وية ابوهة بس رافضة ما عندي غير حل لازم اضغط ع ابوهة بموضوع التحقيق خلي اتصل بي
الوو اهلا ابو روان شلونك
ابو روان ..تمام انت شلونك
فاروق ..بخير هااا بشر ع موضوعي شصار
ابو روان ..والله البنية ميبسة راسهة تعبنة اني وامهة وياها بس هي رافضة
فاروق ..هاااا حاول تقنعهة حتى بعدين لتلومني ع موضوع التحقيق
ابو روان… اووف ماشي ماشي
ابو روان ..والله تعبني هالموضوع وهذا ديلوي ذراعي شسوي ما ادري
ابو روان ..ام روان موصلتي الحل وية بنتج
ام روان ..هاي شوفة عينك يومية افتح الموضوع وياها وهي معاندة حتى تگلي ليش هلگد تلحين ع هذا الموضوع بالذات
ابو روان ..حاولي وياها بعد لان التأخير مو بصالحي
ام روان ..ميخالف اليوم بالليل احجي وياها
ام روان ..خلي احجي وياها وافضهة اليوم روان بنيتي تعالي اگعدي يمي دا احجي وياج
روان ..تفضلي ماما
روان ..باعي بنتي هذا فاروق خوش قسمة لتضيعيهة من ايدج اسمعي كلام امج
روان ..اهووووووو ماما شنو هذا الاصرار ترة غريبة تصرفاتج
