ام روان ..تذكرين حفلة 🎉 تخرج اخوج من گلتيلي الظابط فاروق ضل يباوع عليج وهو نفسه الي لازم قضية ابوج وگله اخلصك من المشكله بس راد مبلغ كبير وابوج گلة
اصبرلي بين ما ادبرلك المبلغ وعزمة للحفلة وحط عينة عليج وراها هيج وهيج صار
روان .. مصدومة يعني احمد باعني واني اگول اني ممسوية شي ليش تصرف هالشكل اثاري قابض الثمن وانتي وابوية تعرفون بكلشي وساكتين بصوت عالي ليش ليش
ام روان ..لا ماما حبيبتي بس اسمعيني
روان ..حبيبتج اني وبنتج وگاعدين تتاجرون بية بلة احمد نگول ميخالف رجال ممكن يبيع بس انتو اب وام شلون انطاكم گلبكم
ابو روان ..شنو هذا العياط شبيكم
ام روان ..روان عرفت كلشي
ابو روان ..ليش گلتيلهة
روان ..ابجي ليش متريدني اعرف تريد تسوگني مثل البهيمة للجزار
ابو روان ..انتي اعز من روحي بس اني مضطر اذا متزوجتي نضيع اني وامج واخوتج بعدين هو خوش انسان
روان ..تهسترت اطلعو بررررررة ما اريد اشوف احد برررررررررررررررررررررررة
وطلعو وقفلت الباب ابجي وابجي يا احمد يا كلب هيج تبيعني خلي اخابره واطلع نار 🔥 گلبي
يدگ وميجاوب ادزلة رسالة
( جاوبني يانذل جاوبني اذا انت رجال )
اتصل بية
احمد ..الو
روان ....ابجي واعيط يا حقير يانذل تبيعني واني حبيتك من كل گلبي وعاملتك مثل المي بالصينية
احمد ..روان بس خلي افهمج
روان ..شتفهمني يا جربوع خنت الحب والعشرة لك وگفت بوجه اهلي علمودك
احمد ..لتغلطين وگتلج بس افهمج
روان ..روح الله ليوفقك وان شاءالله حوبتي تطلع بيك وسديته
دزلي رسالة
..روان والله اني احبج اني صح اخذت الفلوس وطلگتج بس والله متعذب واني ادري بيج تحبيني و مراح تقبلين بي ف گلت اعدل وضعي وارجعج واعيشج بسعادة ..
روان ..الحقير يضحك عليه مدري يضحك ع روحة والله لو اتزوج من كلاب الشارع بعد ما ارجعلك حسبي الله ونعم الوكيل بيكم مثل ما كسرتو گلبي وضليت ابجي واون للصبح
ابو روان ..انتي ليش حجيتيلهة ما گدرتي تضمين السالفة
ام روان ..ايي مو معاندة اجيتهة بكل الطرق وما قبلت ما عندي غير حل
ابو روان ..خلي تجي تاكل من البارحة حابسة روحهة وگوليلهة ابوج ميبيعج ولا يفرط بيج والي يصير بية خلي يصير روان وصلة من گلبي
ام روان ..هسة اروح احجي وياها ولو هي متقبل تحجي وية احد
ام روان ..ماما حبيبتي الله يخليج كافي باعي عيونج شلون مورمة كافي ارحمي نفسج
روان ..ساكته ومحجيت ولا كلمة
ام روان ..بنيتي ابوج يگول الي تريدي انتي يصير ولتنقهرين محد يغصبج ع شي
روان ..ماما الله يخليج اطلعي وعوفيني وحدي
ام روان ..حبيبتي نزلي اكلي ابوج فد مرة نفسيته تعبانة
روان ..ماما رجاءاً عوفيني وحدي
ام روان ..اوووووف هذا شلون قهر وطلعت وسديت الباب
روان… بيني وبين نفسي احس روحي وحيدة ومتخبطة واهتزت ثقتي بالكل اذا الشخص الي حبيته من كل گلبي باعني يعني باعني بالمعنى الحرفي يعني قبض فلوس وراح يعيش حياته
وماما وبابا اعز شخصين بحياتي فكرو بمصلحتهم وما همتهم مشاعري ولا همتهم حياتي و شنو الي ح يصير بية من اتزوج واحد قاسي ومتزوج وابو نسوان واكبر مني اااااااااااخ يا خيبتي بأعز ناسي اريد اعاقبهم وأأذيهم مثل ما أذوني وحرگو گلبي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
