نهى ..هاي شلون اطيرهة منا خلي انفذ الخطة الي ببالي ماكو غير اخوية مثنى خلي اتصل بي
نهى ..الو هلو مثنى شلونك
مثنى ..هلو نهى شخبارج
نهى ..ضلعي اريد منك خدمة ماكو غيرك يساعدني بيهة
مثنى ..گولي
نهى ..شوف اريدك تجيني الساعة وحدة الة ربع يعني قبل ليجي فاروق بشوية بس لتجيب سيارتك
مثنى ..ليش
نهى ..اريد اخلص من روان
مثنى ..زين ماشي بس شأسوي بعد
نهى ..انت بس تعال والباقي علية ومن تجي اتصل بية لتدگ الباب
مثنى ..ساعة واني يمج
نهى ..اني اعلمج روان ام لسان 😝 خلي يفيدج لبسج المدلع والتموع مالتج…
مثنى ..الو نهى اني وصلت
نهى ..فوت الباب مفتوحة ادخل للحديقة
مثنى ..خاف احد يشوفني
نهى ..لك لا محد يشوفك هنة بالمطبخ
مثنى ..فتت هسة اني بالحديقة
نهى ..اسمع من تسمع صوت سيارة فاروق بالباب ادخل للمطبخ واگعد على اساس صارلك اهواية گاعد
مثنى ..يمعودة شيخلصني من فاروق يقتلني و الله
نهى ..لا ميقتلك راح تحصل كم كفخة تحمل لخاطري واني هم راح يكفخني بس ميخالف بس اتخلص من هاي الحوبة
مثنى ..يلا يلا اجة فاروق
روان ..اني كالعادة لابسة مشخلع وواگفة يم ايمان بالمطبخ ودخل فاروق
فاروق ..هااااااااي شنوووووو بعصبية
روان ..اندارينة اني وايمان شفنة اخو نهى گاعد وفاروق عيونة صايرة براسة
عزززززززة اني ما ادري استر روحي ما ادري انصدم من الموقف لزمة فاروق جنزة الدم من كل مكان يطلع و موت نهى موتهة هي تگله ما ادري هنة مدخلاته اني صعدت ركض متت خوف من فاروق اجاني للغرفة
فاروق ..جريتهة من شعرهة لج شلون هيج لابسة وواگفة گدامه وماخذه راحتج
روان ..والله ما ادري اسأل ايمان والله العظيم ما ادري
فاروق ..شنو اني گواد مرتي ماخذه راحتهة گدام الغريب صوجي اني انطيتج عين
ايمان ..خلي اصعد احجي وية فاروق تخبل راح يموت البنية
نهى ..والله ثم والله اذا صعدتي اني الي اموتج بأيدي
ايمان ..لج انتي متخافين الله البنية راح تموت بأيده وهي مالهة ذنب
نهى ..طبهة مرض خلي تنگلع اريد اخلص منهة وانتي فوتي لغرفتج ممنوع تطلعين فهمتي فووووووتي
فاروق..موتتهة كتل روحي بعد ما اريدج تعبتيني انتي طالگ اتصلت ع ابوهة گتله تعالو اخذو بنتكم بعد ما اريدهة وطلعت
روان ..ابجي واتوجع كل مكان بجسمي يوجعني من الضرب اجة ابوية اخذني عرفت هذه لعبة من نهى بس ما اعرف ليش وشلون نكسر خاطري ع فاروق
ابو روان ..والله الة اگلب الدنيا عليه شلون هيج ضاربج
روان ..ابجي
ابو روان ..بابا حبيبي لخاطري بس گوليلي ليش ضربج شصاير
روان ..بابا رجاءاً لحد يتدخل شغلة بيني وبينة واني استفزيتة وصلت لبيت اهلي
امي شافتني تخبلت رادو يخابرون ع فاروق يحجون ويا طلبت منهم محد يتدخل
فاروق ..مقهور واحس كلبي يريد يطگ لان ضربتهة وطلگتهة وافتر بالسيارة ما ادري وين اروح بس شلون شلون هيج لابسة وواگفة گدام هذا الكلب واني اغار عليهة من هذا الهوى رجعت للبيت
نهى ..حبيبي والله تعاركت وية مثنى
فاروق ....اشششش روحي بعد ما اريد اشوف وجهج بهذا البيت يلا اخذي غراضج وانگلعي
نهى ..لا عفية كافي عاد يومية طاردني
فاروق ..انتي مو خوش ادمية اني بعد ما اريدج انام واگعد ما الگاج بالبيت
نهى ..بداخلي ..الله لاينطيكم ماكو خطة سويتهة ونجحت وياكم بسيطة اروح بس متخلص مني والله الة اسوي حياتكم جحيم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تصويت 😍😘
أنت تقرأ
على استحياء
Romanceالقصة تدور احداثها حول الحب وغدر الحبيب ومعاناة الشخص الي ينغدر من اقرب الناس له لكن بعدها يأتي العوض والسعادة
