ايمان ..شوفي اني اريد انصحج والله اني حبيتج من اول مدخلتي للبيت اكسبي زوجج وخلي بجانبج انتو من اجيتو ضايجين اكيد هو يشوفج ضايجة وتبجين هو هم يضوج وانتو عرسان جدد
و مبين ع فاروق يحبج لان هو اتزوج قبلج 2 ع نهى مجان يهتم بس هسة اشوفه ضايج علمودج اذاً هو يحبج وهو مو ع اصطلاح وية مرته اكسبي
روان ..ليش مو ع اصطلاح وية مرته
ايمان ..شوفي ح اسولفلج بس ما اريد السالفة تطلع هو مرة اجة من وكت من الدوام وسمعهة تحجي وية امهة عليه اشكال حاجية عليه وهو سامع كل الحجي
كتلهة وطلگهة بس ضلو يتوسلون هي واهلهة بي وسنة كاملة يلة رجعهة لخاطر بنتة بس هو من النوع يشيل بگلبه ومينسى ف ضل حاقد عليهة ويضوج منهة تزوج عليهة مرتين بس هي وكحة تسوي مشاكل ويطلگهن
روان ..شعجب عدهم بس بنية وصارلهم اهواية متزوجين
ايمان ..ورة مصار عدهم ريم هي تمرضت فترة طويلة من طابت صارت المشكلة
ورجعتله گاللهة مااريد اطفال بس هي حبلت وخلاهة تذبه
روان ..هاااا
ايمان ..ييي ديري بالج وصيري سباعية
روان… مرت الايام
اني ما انزل ولا اگعد وياهم بس وقت وجبات الطعام ايمان تجي تگعد يمي نسولف معلية باحد هو باليوم الي يبات يمي ينام بالهول ما احجي ويا
ايمان ..ليش تشمتين العالم بيج بعدين صح فاروق غلط بس مو هو الي باعج هو اشتراج العتب ع زوجج الحقير
روان ..ادري ...الله يطلع حوبتي بي
ايمان ..ابجي ايبااااه شوفي احنة شگد وفيات قصتج هيجت علية المواجع تعرفين اني بشبابي حبيت من كل گلبي والشخص الي حبيته تزوجته
بس ببداية زواجنة تأسر بحرب ايران وضليت انتضرة وأسأل عليه وسنة تجر سنة الى ان اكتشفت انه هو طالع من الاسر ورايح لامريكا وعايش حياته و متزوج وعنده اطفال ومكلف خاطره يسأل عليه حتى وهاي دتشوفين حالي صرت بقايا انسان
روان ..معقولة وليش متطلگتي
ايمان ..ضليت متأملة واهلي ميدرون هو سافر لامريكا عبالهم مات بس اني عرفت من اخته لان بقيت اروح واجي عليهم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
