فرحت لاخوية لان تخرج ورگصنة اني واهلي طبعا طول الحفلة صديق بابا عينه عليه هو كووولش حلو ومرتب وهيبة وثگيل بس نضراته غريبة مع العلم شافني احمد حاضني واضحك واتشاقة وية احمد بس هو ولا كأنه من خلصت الحفلة سألت ماما عنه
روان ..ماما منو هذا ابو القاط الاسود الي بابا ضل گاعد يمة
ام روان ..ياهو كلهم لابسين قوط
روان ..شبيج هذا ابو شوارب كان يدخن وبابا ضل يسولف ويا طويل وهيبة
ام روان ....هاا هذا الضابط فاروق الي گتلج هو ح يلم السالفة مال ابوج
روان ..ييي بس تدرين شگد باوع عليه حتى ضليت مرتبكة من ورة نضراته
ام روان ..لا ولج خوش رجال ومتزوج وعنده بنية وبعدين هو كبير مو صغير
روان ..والله ما ادري
فاروق .. اني مواليد 75 ضابط وصاحب نفوذ بالدولة والف واحد يحسبلي حساب وكلمتي ماشية بعملي وببيتي حالتي توووووب جدا
عندي املاك وخير متزوج وعندي بنية علاقتي وية زوجتي مو هلگد وعندي سوالف نسوان وطلعات وسفر احب امتع روحي والي تعجبني اجيبهة ولو اني لحد الان ماكو وحدة رفضتني كلهن يتمناً كلمة مني تزوجت ع زوجتي مرتين بس طلگتهن بسبب مشاكل واني هم امل بسرعة...
صديقي ابو روان واگع بمشكلة ويريدني اساعده واني اگدر افض مشكلته سهلة جدا وعزمني ع حفلة 🎉 التخرج مال ابنه بالحفلة شفت بنية حييييل عجبتني حلوة ومرتبة يعني صدگ الي يشوفهة يحس بيهة انثى من ناحية الشكل والتصرفات وبالاخص من رگصت وشلون تتموع بجسمهة حيل دخلت مزاجي
بس عرفتهة بنت ابو روان ومتزوجة ضجت گلت ميصير اخرب حياتهة لاني بداخلي اشتهيتهة خلي اطلعهة من راسي احسن...
روان ..حبيبي احمد شبيك ضايج
احمد ..ماكو شي حبي
روان ....لا حياتي شلون ماكو شي احجي الله عليك
احمد ..ابوية تعبان واريد اودي لايران بس ما عندي
روان ..ولا يهمك حبيبي اخذ ذهبي بيعة وودي عمو
احمد ..اصيلة حبيبتي اشكرج بس ما اگدر
روان ..ليش متگدر لا ترة والله ازعل عليك بعدين اني وياك واحد
