على استحياء

part 17

فاروق ..دكتورة طمنيني عليهة ع الطفل

الدكتورة ....الحمدلله هي بخير بس خسرت الجنين روان لو سمحتي حابة اسألج كم سؤال

روان ..بتعب تفضلي دكتورة

الدكتورة ..انتي تتعالجين من مرض شي

روان ..لا

الدكتورة ..تحاليلج بينت انه انتي ماخذة علاج جدا قوي ادى الى اسقاط الجنين وكان من الممكن انه تنحرمين من الحمل والانجاب نهائيا

روان ..تبلعمت و خفت لا فاروق حس بشي ياربي شلون لان شكل فاروق تغير حيل

فاروق ..دكتورة شوكت نگدر نطلع من المستشفى

الدكتورة.. باجر ان شاءالله اكتبلكم خروج لان اليوم لازم تبقى روان خسرت اهواية دم

روان ..طلعنة ثاني يوم بس فاروق ما نطق وياية ولا حرف ولا گالي الحمدلله ع السلامة بس اني بداخلي ميتة ما اريد اخسره

وتندمت ع تصرفي رجعت للبيت يومين فاروق ماكو اتصل بي مغلق ياربي شلون بس يجي اعتذر منه واعوضه عن كلشي صار

فاروق ..من عرفت بروان حامل صرت اسعد انسان وعلاقتي بيهة كووولش حلوة وتمنيت يجيني ولد ومن حبيبتي احلى شعور

بس فجأة صار عدهة نزيف وديتهة للمستشفى وعوفت انه هي مسقطة الجنين بعدهة تكرهني والي صار بيننا كله تمثيل كرهت نفسي وكرهتهة وكرهت كلشي ومقهور حييييل ليش هيج سوت

اني صح غلطت من غصبتهة ع الزواج بس حاولت اصلح غلطي عبالي نست بس الضاهر هي ما نست وانتقمت مني طلعت امشي ما ادري وين اروح وما ادري شأسوي ومتعصب اخاف أأذيهة بقيت بدوامي وغلقت تلفوني اريد افكر اريد اتخذ قرار لا اگدر وياها ولا اگدر بلياها شلون راح اتصرف ما اعرف

روان ..اجة فاروق الحمدلله حضنته حبيبي وينك ضل بالي عليك

فاروق ..تعالي اريد احجي وياج

روان ..صعدنة وگعدني گدامة وما اعرف شلون اوصف شعوري احباط ع خوف ع ترقب

فاروق ..بصرامة. راح اسألج وجاوبيني بصراحة انتي متعمدة سقطتي الجنين

روان ..صفنت ما اعرف شأگول

فاروق ..سألتج جاوبيني

روان ..اييي

فاروق ..خلص الهنا وانتهى كلشي

روان ..يعني شنو

فاروق ..يعني الي بيني وبينج انتهى حضري نفسج اوديج لبيت اهلج وورقة الطلاق تجيج للبيت

روان ..ابجي فاروق اسمعني الله يخليك خلي افسرلك

فاروق ..روان انتي الله يخليج لتصعبيهة اكثر اني تعبان بعد ما بيه حيل

لاول مرة بحياتي احس الكلام يتعبني لاني هلكان من الداخل مو سهلة عليه افارگ حب حياتي واشوف دمعتهة بس بعد منگدر نعيش سوة لان راح يبقى بداخلهة هاجس الانتقام واني غصبتهة ع هذه الحياة احررهة احس مرات التمسك بالاشياء الي نحبهة مؤلم اكثر من ما نتخلى عنهة

روان.. عافني فاروق بعد ما تعودت عليه وحبيته اني صح غلطت بس هو هم غلط اريدة اشتاق لحضنة ولحبه وحنانه وشلون يعاملني مثل الطفلة

شگد كنت احب احمد بس ما حسيت ويا بالمشاعر الي احسهة وية فاروق حب فاروق صافي وترف مابي خبث اشتري ايامي ويا بعمري اني هسة ببيت اهلي وفاروق طلگني وانطاني حقي بدون نقص وبدون ما اطالب بشي بس الغصة الي بگلبي واشتياقي اله يومية اباوع ع رقمه اريد اتصل بس ماكو داعي الي بيننا انتهى

اكيد هسة رجع مرته خلي يعيش ويرتاح اني اذيته اهواااااااية التفكير والوحدة اذوني صارت بية حالة نفسية بابا و ماما مقهورين عليه ويحاولون وياية بس اني احس نفسي كنت بنص زوبعة فرتني  فرتني واخر شي شمرتني مكسرة والكسر مو بعضامي لا الكسر بگلبي وبروحي ونفسيتي ومشاعري

مرت 7 اشهر ع طلاگي اقترحو اهلي ارجع لدوامي وفعلا سوولي واسطة ورجعت بس هالمرة رجع لحياتي احمد يتوسل حتى ارجعله بس اني ما اريده وكارهته يتصل بية ويوگفلي يم دوامي مثل المراهقين

احمد ..حبيبتي كافي عناد تعبتيني انسي الي صار

روان ..انسى شنو الي انساه بالظبط الحب الي حبيتكيا لو انسى شلون بعتني لو انسى شلون صبرت وياك ع الحلوة والمرة شأنسى

احمد ..انسي كلشي والله اعوضج ومستعد اسجل كلشي باسمج بس گولي ايي

روان. ...روح هسة عود افكر واردلك خبر

احمد ..شوكت خاف تتأخرين عليه

روان ..احمد گتلك لتلح عوفني براحتي

احمد ..براحتج حبيبي بس لتتعصبين

تصويت 😍😘