فاروق ..بس ميخالف بسيطة الة اربيهة اني زعطوطة تحجي وياية بهالطريقة يصير خير
روان ..ضليت ابجي ونمت گعدت الصبح لگيته گاعد يباوع ع التلفزيون يمكن من البارحة منايم
فاروق ..حضري نفسج نتريگ و نروح للبيت
روان ..اوك
تريگنة ورحنة للبيت طبعا اني مشايفة بيتهم تفاجأت بي بيت فخم ومرتب دخلنة تلگتنة مرية وسلمت علينة
فاروق ..ايمان اخذي روان ودليهة المكان اني طالع عندي شغل
ايمان ..ايي من عيوني… تفضلي حبيبتي روان اهلا وسهلا بيج نورتي بيتج
روان ..شكرا
صعدنة فوگ بيت كامل وكبير واثاث يجنن و مرتب
ايمان .. اني ايمان اخت فاروق الكبيرة واني ساكنة وياكم هنا بس غرفتي جوة اعتبريني اختج الكبيرة و هذا بيتج كامل وفاروق أثثة احسن اثاث قبل عرسكم باسبوع بس مراح تحتاجين المطبخ لان فاروق يحب كلنه ناكل سوية جوة بغرفة الطعام يلا اخليج براحتج الساعة ب2 نتغدة
روان ..اوك ..ضليت اباوع ع المكان شگد حلو وكبير ومرتب اتذكرت غرفتي وية احمد شگد صغيرة واثاثهة بسيط بس كنت سعيدة وهسة قصر واحلى اثاث بس السعادة وين اااااااااااخ ياگلبي
صارت الساعة 2 نزلت لگيت مرة د تتوسل بفاروق صفنت من شافتني ضلت تخزر بية
فاروق ..نهى شوفي ترجعين بس لخاطر بنتي وتحترمين نفسج فهمتي
نهى ..الي تريدة يصير
روان ..ايمان هاي منو
ايمان ..هاي نهى مرت فاروق وهاي ريم بنتة
روان ..ليش دتتوسل بي
ايمان ..فاروق مو ع اصطلاح وياها صارلهة اسبوعين يم اهلهة بس لخاطر بنته متحملهة
روان ....اهاااا وبنته شگد عمرهة
ايمان ..10 سنين
روان ..اجوي بابا وماما جايبيلي اشكال والوان وانطوني فلوس بضرف وگعدو وسولفنة بس اني كل تصرفاتي وياهم و وية فاروق من ورة خشمي من راحو صعدت لغرفتي اجة فاروق
فاروق .. بعصبية اسمعي گولي لاهلج من يجون مرة ثانية ليجيبون وياهم شي بعد ولينطوج مصرف انتي ع ذمة رجال واني ما اخليج تعتازين شي
روان ..اعتقد ما بيهة شي بعدين اهلي ميحبون يروحون لاحد ايدهم فارغة
فاروق ..اني گلت الي عندي و كلامي يتنفذ بدون نقاش
روان ..والله اني مو جندي عندك حتى تتأمر علية
فاروق ..لزمتهة حيل من زندهة احترمي نفسج ما دام النفس عليج طيبة الكلام الي اگوله يتنفذ والي تجادلني اگص لسانهة
روان ..ابجي وخر ايدك اذيتني
فاروق ..عفتهة ونزلت بالحديقة ادخن
اووووووف هاي شلون بيهة اهواية تعاند واني ما اريد أأذيهة بس دتجبرني
ايمان ..ها حبيبي فاروق شبيك اشو مو ع بعضك
فاروق ..ايمان اريدج تفهمين روان ع اطباعي وع قوانين البيت لان اني اعصاب وما اعرف اتفاهم
ايمان ..ان شاءالله هسة اروح احجي وياها
روان ..ابجي الله لينطيك ولينطي اهلي واحمد شگد اكرهكم حسبي الله عليكم سويتو حياتي تعيسة اندگ الباب تفضل
ايمان ..ها روان حبيبتي ممكن احجي وياج
روان ..تفضلي
ايمان ..شبيج حبيبتي ليش دتبجين
روان ..هيج ماكو شي
ايمان ..حبيبتي اعتبريني اختج صديقتج لتحسين روحج غريبة هنا هذا بيتج
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تصويت
أنت تقرأ
على استحياء
Romanceالقصة تدور احداثها حول الحب وغدر الحبيب ومعاناة الشخص الي ينغدر من اقرب الناس له لكن بعدها يأتي العوض والسعادة
