فاروق ..شوف زوجهة عوفة عليه بس هي اريدك انت تقنعهة
ابو روان ..يعني شلون اقنعهة هذا الشي مستحيل
فاروق ..براحتك و قضيتك شوف غيري يدبرلكياها
ابو روان ..ع بختك يعني لو بنتي لو اني اروح بيهة ترة هذا ابتزاز
فاروق ..ليش تسمي ابتزاز بالعكس بنتك اعيشهة ملكة احسن من الفگر الي هي متزوجته وانت اطلعك مثل الشعرة من العجين بدون متصرف ولا دينار
ابو روان .. وانت شمدريك هو فگر
فاروق ..اني اعرف كلشي عنهم بالتفصيل
ابو روان ..شلون يعني
فاروق . ع بختك ابو روان تتوقع هذا الشي صعب عليه ع العموم اريد جوابك
ابو روان .. والله حيرتني ودوختني افكر بالموضوع واردلك خبر
فاروق ..ماشي انتضر بس لتطول عليه لان قضيتك اذا طولت ومنحلت بسرعة انت تروح بيهة
ابو روان ..الله كريم الله كريم
ابو روان ..رجعت للبيت دايخ وتعبان ومالي خلگ شي
ام روان ..ابو روان عيني صبيت غدة تفضل
ابو روان ..ما اريد
ام روان ..ليش متريد شبيك خو ما اكو شي
ابو روان ..والله يا ام روان تعبان حسبة تجيبني وحسبة توديني
ام روان ..يمعود داحجي مو ضل بالي
ابو روان ..الضابط فاروق الي كلفته بموضوعي اليوم طلب مني طلب ميخطر لا ع البال ولا ع الخاطر
ام روان ..شنو شطلب منك
ابو روان ..يريدني اطلگ روان وازوجهيا
ام روان ..يووووومة هذا شنو من طلب اكيد تخبل
ابو روان ..ويگولي اذا متسوي الي اريده روح شوفلك احد ثاني يحل قضيتك
ام روان ..هذا من كل عقله
ابو روان ..ايي ويگولي ما اريد منك فلوس وعوف زوجهة عليه بس روان عليك انت تقنعهة
ام روان ..يعني شنو عوف زوجهة عليه ليروح يأذي الولد
ابو روان ..لا سألته گال بالعكس ما اطخ شعراية منه
ام روان ..والله ما ادري شأگولك...
فاروق ..حجيت وية ابوهة لان مگدرت اطلعهة من راسي وهو تفاجأ من طلبي حقه لان فعلا طلبي غريب بس هو يعرف اذا محليتله القضية يروح بيهة دا انتضر جوابه بس تأخر عليه
مرت الايام...
ابو روان... فاروق يتصل بية ويلح يريد جواب
الو اهلا فاروق شلونك
فاروق ..بعدني انتضر جوابك
ابو روان ..اني ما اگدر اسوي شي بس انت اذا تريد اقنع زوجهة يطلگهة واذا طلگهة يصير خير
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
