روان ..ههه والله زمن انقلب السحر ع الساحر شگد كان احمد يتفستق براسي هسة يتمنى مني كلمة بس انت اجيت وتحمل الي راح يصير
فاروق ..بعد ما طلگت روان تعبت حيل سافرت اغير جو نفس الشي تعبت بالزايد اريد اخابرهة ما اگدر لان انتهى كلشي واني نهيته مستحيل اتراجع
كنت من اشتاقلهة اخلي ايمان تخابرهة حتى بس اسمع صوتهة نهى عرفت اني طلگت روان ورجعت تزن وتتوسل حتى ارجعهة بس اني گلبي خلصان رأسا وبدون مقدمات طلگتهة وانطيتهة حقهة وبنتي اشوفهة دائما وبقيت وحدي اريد الملم اشتات نفسي
اعتزلت كلشي من بيتي لدوامي ومن دوامي لبيتي اريد ارتاح بس كنت دائما اروح لمكان دوام روان اوگف بمكان بعيد حتى متشوفني بس اني اشوفهة ارتاح بشوفتهة
حبهة دمرني خلاني اتصرف تصرفات متليق بعمري وبمركزي ماكنت متوقع يجي يوم واتصرف بهذه الطريقة بس حبهة كان اقوى مني
روان ..خلي اتصل بأحمد
الو هلو احمد
احمد ..هلا بحبيبتي وگلبي وروحي
روان ..احمد اريد اسألك سؤال وجاوبني بصراحة
احمد ..عيوني الج انتي مو تسألين انتي تأمرين
روان ..شگد انطاك فاروق مقابل انت تطلگني
احمد ..اهوووو روان هم رجعنه يمعودة الي فات مات خلي نبدي من جديد
روان ..ادري بس اريد اعرف حتى اگولك قراري
احمد ..انطاني گاع كبيرة بعتهة واشتريت عمارة بمنطقة راقية و بعت بيتنة واشتريت بيت اكبر واحسن وبدلت سيارتي وعالج ابوية وتعينت
روان ..خوش طفرة والله زين كان عرض مغري من حقك توافق ع هيج عرض تبيعني وتبيع الخلفني هم
احمد ..لا حبي مستعد استغني عن كووولشي علمودج
روان ..متأكد
احمد .ايي متأكد
روان ..زين اقبل نرجع بس قبل كلشي تسجل العمارة بأسمي
احمد ..ماشي اني مستعد
روان ..فكر زين
احمد ..ميحتاجلهة تفكير اشتريج بروحي
روان .. خير ان شاء الله…
بعد محجيت وية احمد فعلا نفذ الوعد ورحنة ثاني يوم وسجل العمارة بأسمي وضل يلح عليه ع الزواج واني اصلا نفسي تلعب منه وما عندي ثقة بي لان الي يبيع مرة يبيع الف بس ردت اگرصه
اخذت العمارة وضل يتوسل گتله لتحلم ارجعلك وگام يهدد ويحجي گتله العمارة اخذتهة اني
انت كافي عليك البيت والوظيفة صارت مشاكل اهواية بس فضت وهيج انطوت صفحة احمد من حياتي نهائيا واني الي طويتهة لان بعد ما له مكان بحياتي
بقيت اروح وارجع لدوامي واعتزلت كووولشي طبعا بهذه الفترة اهواية تقدمولي واني ارفض بس بقى بالي يم فاروق دائما احجي وية ايمان واسأل عليه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
