# قلوب_ مشوهه .نايمة على ظهري ورافعة رجليه اباوع على التلفزيون بعد ماكملت شغلي قصدي زحلكت من الشغل خليتها على بنت خالتي واختي ناديه اعشق التلفزيون والاكل والسوالف عفت الدراسة من وصلت رابع اعدادي كوة جنت انجح كل سنة خالتي وزوجها جانو يتوسلون بالمدرسات بس حتى انجح ماحب الدراسة بنظري المرة تعرف تكتب وتقرا كافي المهم تتعلم طبخ وتنظيف لان مستقبلها هذا لاشهادة ولا بطيخ كلش رومانسية عايشة بعالم الخيال اعشق افلام الزمن الجميل مرات اتخيل نفسي شادية لو فاتن حمامة وزوجي او حبيبي احمد رمزي عمر شريف .نسيت اكوللكم اسمي شجون عمري 20 سنة عايشة يم بيت خالتي او بالاصح فتحت عيني هم عائلتي أمي ماتت اثناء ولادتي وابوية مشايفته بحياتي اعرف هو واحد مليونير بس وينه ماكو بس مسجليني بأسمه ماعرف وين هو وين عايش خالتي متقبل تجاوبني اهواية جنت اسألها لما دخلت للمتوسطة جانت تكولي اني امج وزوجي ابوج والله لو جنت عند ابويه الحقيقي مجان يحبني بكده ابو رامي الله يخليه النا والنعم الاب والزوج مخلوني احس اني يتيمة ابد لو ماالناس تسأل ماتذكر اني يتيمه خالتي عدها 3 ابناء (رامي 27.ناديه19.رافد7)زوج خالتي يشتغل موظف بسيط وانسان ملتزم اهواية وخالتي تشتغل خياطة ورامي متعين جديد هذا اول شهر اله بالتوظيف عايشين بيت قديم وبسيط بس عبالك جنة عمرنا محسينا احنا دون الناس منطقتنا شعبية بسبب خياطة خالتي اكثر نسوان المنطقة يوميا زايرينا فأحنا ناخذ اخبار المنطقة منهم كل بيت اني وناديه نعرف كم نفر شياكلون وين يروحون عبالك استخبارات اي وحدة تجي ناخذلها مي او جاي نكعد وياها ناخذ معلومات المنطقه هاي هوايتنا اني وهي وخالتي كل دقيقة ترزلنا على سوالفنا وترجع تضحك علينه متعودين عليها تعصب بسرعة وتنسى وترجع تضحك اما بالليل يبدي كعدة العائلية نخلي حب وفواكه مرات حلويات و ابو رامي يحجيلنا قصص زمان او اخبار العالم لحد تالي الليل ورامي يومية يرجع من الشغل نكوله لاترجع وايدك فارغة حتى لو بطل ببسي المهم تجيبلنا هو ممقصر مفلسينه اني وناديه اليوم راس الشهر اول راتب لرامي عازمنا اني وناديه على المطعم لاتريكنا ولاتغدينا نريد ناكل بالمطعم رجع رامي واني بعدني على نومتي سمعت خالتي وجع كومي اخوج اجه متستحين كبرتي الطول طول نخله والعقل صخله ضحكت عليها اروحلج فدوة ام رامي الوردة اليوم البيت فارغ سوي رومانسيات لبابا .خالتي .امشي ولي ادبسز يمتى اشوفكم بيتكم وارتاح انتي ونادية نادية مخطوبة لابن عمها اسمه ابراهيم
.نادية :اني اخت وبنت خالة شجون اني وهي تؤام احبها اكثر من روحي ولو هي تستغلني ونصابة مخليه الشغل عليه وتروح تسولف ويا النسوان بس ميخالف عسل على كلبي كملت تنظيف البيت غسلت رحت اصيحها شفت امي ترزلها تستاهل ضحكت عليها وركضت ركضت ورايا تصيح الا افلش وجههج تضحكين عليه مرت ابراهيم الخايس اي اي ولج انتي جلبة لو بنية عزة اشسويتي بركبتي باجر ابراهيم يجي ميكول منو مسوي بيج هيج.
