# قلوب _مشوهه ۸
سندس: حياتي سيئه وياخالد يشك بيه وبتصرفاتي غير الضرب اللي محصلته منه يوميه يجي من شغله معصب يطلع قهره بيه خصوصا لما عرف اني مو بنيه يجي ويروح يغلط عليه أدعي على منير ليل نهار صرت البس حجاب ميقبل أطلع سافره أشك بنفسي حامل بس اخاف يكول مو مني اني غلطت بس تبت بعد اللي صار واللي سواه منير بيه موتوني من الضرب ابويه وفارس .فارس راد يقتلني ابويه كال انطيها لخالد يوميه تموت مراح يخليها ترتاح اعرف خالد ميتعاشر فعلا الموت اهون من معاشرته.
منير: وصلت لندن رحت للشقه تلكتني شجون بالبواجي والاحضان عبالك تاركها سنه مو اسبوع سألتها منو يعرف بسفري من أهلج كالت محد كتلها ماقبل تحجين اي شي بيناتنا لأحد اذا سمعت كايله كلمه أحرك الاخضر واليابس تعرفيني. بقينا بلندن أسبوعين ورجعنا يوميا جنت اطلع واعوفها بحجه الشغل مرات اطلعها ويايه.
شجون : اني ماعرف جايه شهر عسل لو شهر عمل مدالحك اشوفه يوميا يكوم يبدل ويطلع يرجع تالي الليل واني اغسل وابدل واتحضر هو ولايمه اشبيه قبل الزواج بس يشوف خيالي يبوسه هسة كلشي ماكو لابوسه لا لمسه اني ابوسه حتى نوم ماكو عبالك اخوان ينطيني ظهره وينام سمعت من ناديه المتزوجين الجدد ميتفاركون وهاي شغلات اهوايه تصير اخاف مريض يستحي مني لو شنو معقول ماأثيره لو هو هيجي بارد المن اسال اخاف يعرف وهو مهددني ماحجي شي .اليوم راح نرجع للعراق احسن مليت وحدي اهنا حضرت نفسي كالي غيري لبسج مو حلو مكياجج طوخ اني ماحب هيجي طلعت ملابسي مو عاجبه شي كالي لما نرجع عوفيها اهنا لاتجيبيها وياج اهناك هم تلبسيها الي .مسمعت كلامه خليتها بجنطه ثانيه حرامات انطيها لناديه هي هم عروس جديد تفرح بيها ليش اذبه .
ناديه: من عرفت شجون ترجع وراح تجي يمنا طيران رحت لبيت اهلي نظفنا البيت وسوينا الاكلات اللي تحبها زينت غرفه الضيوف علمود زوجها يجي اول مرة يشوف بيتنا راح ابات يمها اليوم مشتاقتلها اهوايه ابويه اخذ اجازة من الدوام علمودها امي تصيح كعدي كافي حامل مو زين عليج .
شجون : وصلنا للقصر هو نزلني وراح بحجه عنده شغل دخلت تلكوني عمي واختي وبناتها تفاجأو هو ماكو كتلهم عنده شغله ضروريه ميتأجل شفت ابويه ركضت عليه بسته جان فرحان ابتسام كالت من انتي ماكو مبوز وعصبي ميحجي كلمه بس شافج اتغير موده كعدت وياهم أستأذنت من عمي ابو منير اروح ازور خالتي لان تليفون منير مغلق وعد ميقبل احجي وياه يكولي مشغول خطيه هو وداني بنفسه حتى نزل كعد وياهم ناديه جرتني لغرفتنا القديمه.
ناديه : شفت شجون وحدها زوجها مو وياها مبين عليها تمثل الفرحه انتظرت حماها يطلع رأسا أخذتها لغرفتنا سألتها شبيج متحملت بجت كالتلي على تصرفات منير سألتها على علاقتهم كالت 3 مرات صارت وكلش جان بارد بس يريد يخلص وينطيني ظهره حتى حجي حبيات ماكو هدئتها سويتلها عصير كتلها عادي طمنتها متكبر السالفه وتغث نفسها بس بداخلي أحسه ميريدها الله يستر.فرحتها كتلها راح تصيرين خاله فتحت عينها وكالت شبسرعه حملتي برهوم صاروخ ضربتها على راسها اشبيج لسانج متبري منج عيب.
شجون : بقيت 5 أيام ابيت خالتي فرحت بحمل ناديه اجي واروح اضحك عليها واحجي على ابراهيم وهي تستحي وتخجل اموت بيها انطيتها الملابس كلها اهوايه فرحت بيها. ابويه دز عليه السايق يرجعني مجنت ناويه ارجع بس خالتي كالت عيب هسة همه يجيهم ضيوف لازم تكونين موجودة انطيتها فلوس كتلها ضميها ويا الذهب .رجعت هو ماكو ابتسام سوتلي حفله اتونست اهوايه بيها بعد ايام رجع سلامه جان بارد لاحضن لا بوسات محجيت شي بالليل بدلت انتظرته ماكو نعست كلت لسالي تجيبلي مي سالتها بابا منير رجع ياريتني مسئلت كالت من زمان بس هو بطابق الرابع ينام يعني رجع ونايم وحده واني شنو وضعي كتلها لمي غراضي وملابسي كلها وديها لجناح بابا منير .بدلت ملابسي وتعطرت صعدت للطابق مالته اول مرة اروح لان المصعد يقفل ماكدر اروحله اخذت الرمز من مروة طابق رابع جنه متروس نباتات زينه وعلى الحايط حوض اسماك بقيت اتفرج اذا الممر هيجي غرفته شلون صاير شفت جانيت طلعت من الجناح اتخبلت لزمتها من شعرها ولج شتسوين يم زوجي ساعه 1 بالليل جاوبت عوفيني مخبله جان عندي شغل يمه عليمن ياشغل شفت منير طلع مثل سوبر مان يحجي ويغلط عليه واني مو راضيه اعوف شعر جانيت وهي تصيح كوه عفتها واني جسمي يرجف من العصبيه دخلت للجناح بعده يصيح ويهزني صاير نار مجاوبته انتبهت عليه جان بس لابس شورت كتله شتسوي اهنا ويا هاي الناقصه تالي الليل وانت مصلخ كال جان عندي شغل هي راحت اني بدلت انتي جيتي وافتهمتي غلط عيب عليج تشكين بحبيبج وانتي تعرفيني اختاريتج من بين كل البنات بعدني بحاله شك اعرفها اكثر من مرة شايفتها بأوضاع مو زينه ويا وعد بس ماعندي دليل جان بعده يحجي واني ممنتبهتله باوعت واكفين بصاله واكو غرف مشيت ردت افتح الباب ركض لزم ايدي كالي تعاي مشتاقلج اخذني لغرفه ثانيه مرتبه وحلوه بس بالي يم ذيج الغرفه شنو بيها سالني شجابج اهنا كتله بأستهزاء زوجي والمفروض اكون وياك بنفس المكان راد يلمسني مخليته كتله تعبانه اريد انام هو عبالك ممصدك كالي براحتج حبيبتي هالمره اني انطيته ظهري هو طلع رجع بعد فتره وجان بيده كاسه ويشرب جان يتغزل بيه واني سويت نفسي نايمه.
منير: بعد رجعتنا أهملتها لشجون ركزت على شغلي المحامي طمني خلال شهر كلشي راح يتحول باسمي زورنا اوراق ملكية بيوت كريم وأحمد خليت جانيت تسوي علاقه ويا أحمد ضعيف كدام النسوان واني ركزت على سكرتيرة كريم كلما تشوفني تنسى نفسها وتباوعلي غركتها بالهدايه خليتها خاتم بأصبعي غير حجي حبيات وغزل خلت كريم يوقع على تنازل وهو ميدري انتهيت منهم بقت البلوه وهاي هم راح اخلص منها خلال شهر واصير الكل بالكل وأخيرا راح ارتاح منهم والتفت لحياتي .رجعت ويا جانيت صعدنا لجناحي بقينا سويه مابين شغل وغراميات متكعد راحه لحد ساعه وحده بالليل مخلي تلفزيون جبير بغرفه نومي بيها كاميرات داخل القصر اشوف كلشي بيها ومربوط بتليفوني وين ماكون اعرف شيصير ومايصير بالقصر شفت شجون بالممر تباوع على المكان بسرعه طلعت جانيت من غرفتي رجعت البس شفتها تضرب جانيت طلعت ركض ملحكت البس بس شورت كوه طلعتها بين ايدها متصورت تكون شرسه هيجي صيحت عليها ردت أضربها بس أتذكرت بعدني احتاجها ردت انسيها اللي صار غازلتها رادت تدخل غرفه نومي مخليتها اخذتها لغرفه ثانيه كلت لوتشوفين الغرفه تجيبين نهايتي ردت انام وياها مقبلت سألتها ليش جايه اذا مو مشتاقتلي باوعتلي وكالت بكل برود والله بيتك بيتي وهذا جناحك مو عاد مكاني وين ماتكون اكون وياك وهاي الجلبه اذا شفتها أهنا مرة ثانيه أموتها غلست على حجيها اكول بنفسي هاي ناويه تعيش ويايه عبالها زواجنا عادي ميخالف اتونسي هسة وحركي دمي بعدها احركج انتي واهلج شفتها نامت رحت رتبت الغرفه على السريع جبت كاس اشرب حتى اوهمها انه جنت أشرب شلون بلوه بليت نفسي.
