# قلوب_ مشوهه 11
منير. بعد اللي صار رجعت لغرفتي أخذت جانيت كأنما تخلصت من كابوس كلش ارتاحيت واخيرا راح أرجع لطبيعتي مليت من التمثيل سمعت صوت تليفون الجناح مهتميت اكثر من مرة يرن شلته سارا كالت شجون تنزف بدلت على السريع نزلت شفتها غركانه بالدم وغايبه عن الوعي الخدم يحاولون يصحوها مترد فكرت بنتي راح تموت من وراها والله أخليج عبرة اذا صار بيها شي وديتها للمستشفى دخلوها للعمليات ورا ساعه جتي امي وابويه والتؤام عرفو من الخدم جايين بلبس الحفله واكف على اعصابي سألوني شصاير جاوبت بعصبيه ماعرف عوفوني بعد انتظار طلع الدكتور كال المريضه صحتها مو زينه متسممه اني مهتميتلها قطعت كلامه كتله بنتي بخير جاوبني لا هي جانت ميته من يومين شلون معرفتو جابولي بنتي ملفوفه نفس مابيها تذكرت حرماني من أمي عفتهم ورجعت للقصر .بعد ايام راحت مسألت عليها حضرت غراضي ومستمسكاتي وغراض اخواتي نزلنا اهلي جانو كاعدين لأول مرة اتواجه ويا امي كالتلي عفيه عليك ابني دمرت عائلتي وهسة جاي تحرمني من بناتي ولك ليش بشنو قصرت جاوبتها بصياح مقصرتي بس بحياتج مدافعتي عني كدام اهلج رضيت بكلشي محميتيني منهم لو جنت ابن بطنج هم هيجي جنت تتصرفين علمودج أبوج وامج حرموني من امي كالت دمرت اختي صايره جسد بلا روح كتلها اني من اجيتكم ولحد الان جسد بلا روح كالت وهسة تريد تنهزم باوعت لأبويه كتله اني ضحيت علمودك ورجعت يمك مرتين اتمنى انت مرة توكف ويايه وتجي راح نعيش مثل الملوك كتله بابا اطلع من اهنا اذا انت مو ويايه وجهي مراح تشوفه طول ماانت حي اختار يا اولادك يا اولاد عمك طول مانحجي امي تحجي عليه حاولت ويا اخواتي ميسافرون ويايه جاوبوها حياتنا ويا اخونا مراح نعوفه أخذتهم كلهم وسافرنا لأوروبا حتى امي انجبرت تجي ويايه اريد ابدي حياة بعيده عن شجون واهلها قبل ماصعد للطيارة وكلت محامي يرفع دعوى طلاق راح أطلكها لأن وعدت امي أعوفها.
شجون : كاعده اباوع على الفراغ الايام متمشي يمي عادي اليوم بعشرة يمي أحسبها سمعت خالتي تصيحني كمت كالتلي تعاي لغرفتي رحت طبيت سدت الباب طلعت صندوك بيها ذهب وفلوس عرفت فلوسي شمرتها على السرير كالتاي كعدي خلينه نحسبها كتلها ماريد شي خلي الج اريد اكعد وحدي ردت اطلع لزمت ايدي ضربتني كالت كافي اللي راح وين شجون القويه ام اللسان اريد بنتي شجون ماريد زوجه منير بجيت صيحت ماريد شي لاتكولين زوجه منير طلكني جاوبتني كابوس وراح بعدج صغيرة جاوبتها دا أحس نفسي 60 سنه كالت استغفري ربج ودتني اتوضى صليت انطتني قرأن ارتاحيت كالتلي ركزي ويايه بدينا نحسب الفلوس والذهب طلعتلي مبلغ كلش زين كتلها خالة اريد افتح مصنع البسة ضحكت عليه كالت مصنع مرة وحده بقت الفكرة ابالي رجع رامي وابوه كالعاده جايبلي بيبسي واني كرهت كلشي جنت أحبه بالماضي يريدون يغيرون نفسيتي باوعلي ابو رامي كال احس اليوم صرتي أحسن جاوبته الحمدالله حجيتلهم على شغله المعمل كالو خلي نسال ونشوف شلون تصير كتلهم اني شفت بالتلفزيون فاتحين دورات يعلمون البنات فأني راح اسوي مثله بس أشغل يمي الايتام والارامل والمطلقات رامي ضحك كال ليش بس هالفئه كتله ببرود لأن اني مثلهم يتيمه ومطلقه غيرو الموضوع بدلت ملابسي وعيني على المرايه مقتنعت بنفسي خابرت هبه كتلها اريد مركز تجميل راح اغير نفسيتي تعبت كالتلي اجي وياج جاوبتها لا.رحت ويا خالتي ولو هي مو مقتنعه بس كتلها خليني براحتي بنتي لاتشكين بنفسج ترى انتي حلوة كل الناس تكول لاتعلقين نفسج بحجي منير اللي راح راح . أتذكرت اللي صارشفت نفسي بالمستشفى جسمي كله يون من الالم باوعت وين أني عرفت بالمستشفى مديت ايدي على بطني ماكو شي انتفاخ ماكو صيحت بهيستريا وين بنتي منير الله ياخذك رجعلي بنتي طبت الممرضه وياخالتي يريدون يسكتوني خالتي كالت ارتاحي كتلها اخذها مو منير أخذ بنتي حرمني من كلشي وهسه يريد يحرك كلبي ليش يا ملعون ياكافر حضنتني كالت خلي أيمانج بالله قوي انتي بعدج صغيره والحياة كدامج صيحت يعني صدك اخذها الله يحرك كلبه مثل ماحركني كالتلي جان ميت ابطنج صارله يومين شلون محسيتي انهاريت أكثر بقيت بالمستشفى مابين الابر والعلاج لا احجي ولا اجاوب أخر يوم جتي الدكتورة كالتلي بنتي الطفلة جانت ميته يومين بجسمج الله لطف بيج ومتسممتي جنتي تروحين بيها كالتلي شنوجنت استعمل اعشاب او ادويه اللي سببت بوفاة الطفله جاوبتها بس عصاير اتذكرت منير جان حريص يشربني حليب وعصاير يوميا يخلي الخدم يسووها الي كرهته اكثر يعني جان ناوي يقتلني شلون وحش هذا حتى بنته مسلمت منه حسبي اللله ونعم الوكيل بعدها رجعت لبيت خالتي أخواني مسئلو عليه لأن عرفو خسرت كلشي واني هم عفتهم بس سندس وهبه جانو يخابروني سألتهم على علاقتهم بمنير سندس نكرت بعدين حجتلي شلون جانت عايشه ومو منير أول واحد جان قبله ابن خالتها موعدها بالزواج بعدين هاجر وراها تحولت احلامها على منير وصار اللي صار كالتلي ليل نهار أستغفر ربي ولحد الان يدزلي صور يهددني بيها كتلها شيريد يريد ينام وياج كالت لا بس يدز الصور .وهبه نفس الشي كالت جنت وياه سنه بس بقيت بنيه غير شغلات جان يسويها ويايه لعبت نفسي من الحقير شلون لعب بكل عائلتي بكل برود .صحيت على صوت الدكتور يصيح بأسمي
