# قلوب_ مشوهه.4
رامي : من يوم مراحت شجون واني كلبي مثل النار كلش خايف عليها هي تختلف عنهم بكلشي بيئتها غير متربيه بين ناس عايشين على البساطة اما همه طبقه راقيه ماعدهم رحمه يدوسون على اي شي في سبيل هدفهم اهواية اتعصبت منها لما عرفت بيها مسافرة ويا ابن زو ج خالتها فكرت باسوء الاحتمالات بس سمعت صوتها وعرفت هي عبالها يصير ابن اختها عذرتها وقررت ارجعها لبيتنا وتعوف كلشي وترجع لحياتها ماريدها تتأذى مثل امها كتلها راح اجي اخذج وافقت بعد ساعات خابرتني كالتلي راح ابقى لان اذا رجعت يمكم راح يحرموني من الميراث واني اريد ارجع مكانه امي لاول مرة حجيت عليها تبيع نفسها علمود الفلوس وكرامتها ولج راح يخبلوج عبالج راح يرضون تورثين بكل سهوله سديت التليفون بوجهها.
منير : سمعت صوت هوسة وصياح خابرت المطبخ كالولي بابا احمد وكريم جايين يضربون شجون مادري شلون لبست ونزلت على السريع شفتهم لاعبين بيها طوبه وامي متكدرلهم بس تتوسل يخلوها جريتها من ايدهم صيحت عليهم هاي شكو باوعلي كريم وعندك عين تسال بعد سوالفك وياها هاي مثل امها اول ماشافتك بدت سوالفها وياك احنا نعرف كلشي وبعدين انت خطيب بنتي ست البنات شلون تباوع على زباله مثل هاي لاهي بجمالك ولا من مستواك بنت الحرام اول ماسمعت الكلمه كتله واني هم ابن حرام شلون تقبل تزوجني بنتك وجهه صار 😧كتلهم هذا بيتي ماسمحلكم تتجاوزون بيها واذا كلش عدكم غيره هاي اختكم اخذوها وياكم اذا خايفين مني عليها وجهه اتغير احنا اسفين مو قصدنا عليك احنا نعرف تربيه اختنا ابتسام شلون واثقين بيك بس بنت الزانيه لا منعرفها بس مبينه هي شنو طلعت شجون لغرفتها طلبت من الخدامه تغسل وجهها مديت ايدي على شعرها صاحت وخر مني جذاب انت هم مثلهم ردت ابينلها اني مو مثلهم بس حسيت الوقت مو مناسب غيرت خططي ونزلت يم ناصر.
شجون :بعد ماحجبت ويا رامي نزلت اكل شي من مشاكل اليوم ملحكت اكل شفت ابتسام وبناتها يشربون كهوة صاحتني ميار اروح اشاركهم كتلها جوعانه كالت ساعه 5 هسة بعد 3 ساعات يحطون العشا مهتميتلها رحت للمطبخ اكلت سمعت صوت اخواني فتت سلمت محسيت الا وهمه جاريني واحد يضربني واحد يجر شعري غير الكلام الجارح بحقي وبحق أمي لاول مرة حسيت ابتسام اختي جانت تتوسل بيهم يعوفوني الا ان وصل منير وخلاني بغرفتي رزلهم رزاله خلاهم ميسوون فلس طردهم طردة محترمه اول ماكعدت حسيت ايده على شعري صيحت عليه لان ميصير غريب عليه.
منير: خابرت سندس رحت التقيت بيها بقيت يمها ساعه هددتها تصير عاقلة طول ماني يمها تحجي على شجون وامها وسوالفهم اللي من تاليفها هي وامها العكروبه بس ميفيد وياها نمت وياها بدلت ملابسي رجعت صالحت امي اخذت خواتي وطلعنا نتعشى بره مسألت على شجون لا يحسون على شي بقيت وياهم لحد الليل مخلو ملابس مشتروها مع العلم كل سفرياتي ارجع لكل وحدة بيهم جنطه خاصه من هدايا ميشبعون سألتهم على علاقتهم بخالتهم كالو منحبها مو من مستوانا ضحكت عليهم تربيتي بس شجون مفتاحي للوصول لازم امثل زين كدامها.
