#قلوب_ مشوهه 17 والاخير
منير : حياتي تسوء من السيئ للأسوء ماأتحمل اعيش بدونهم فراقهم صعب رجعت جثثهم لموطنهم جانيت لبريطانيا ووعد لأسرائيل هذا أقل شي أسوي الهم جان بينا مشروع مشترك كثفت جهودي وهدفي وزيدت المشروع وصلته لأكثر من دوله هذا جان حلمنا احنا الثلاثه منخلي لايتيم ولافقير بدون مآوى هدفنا جان دار رعايه الاطفال اليتامى والمتشردين جان عمري 27 سنه جانيت أقترحت نتبرع للجمعيات الخيريه شويه شويه وسعنا نطاق التبرعات فتحنا ملاجئ جنا احنا الثلاثه نتنافس ياهو منه يفتح بأكثر من دوله جنا نشتغل ويا مافيا وعصابات وتزوير اموال وتجارة الماس بس ربحها جان لهذا الشي هذا سرنا ومحبتنا وأخلاصنا صحيح كل واحد بينا جان من غير دين بس هدفنا أقوى من كلشي حمايه الطفل يمكن لأن عشنا كأيتام ومتشردين جنا اكثر الناس اللي يفهم شعورهم رحت للسعوديه لأول مرة أدخل مسجد دخلت للمكه حسيت أني ولاشي شفت الناس اللي تبجي واللي تدعي والمريض سألت نفسي منير عمرك صليت عمرك قريت كتاب الله مع العلم تعرف اكثر من لغه ماعندك عذر ياعذر أتذكرت وجه شجون من تصلي او اذا فاتها صلاه تنخبص كعدت على ركبتي يالله سامحني.
شجون : أجتمعنا أبيت اخويه أحمد كريم جان جاي من السفر جان متزوج وحده أصغر من سندس اولاده مقبلو يحجون وياه حقهم شلون اب خله اولاده محتاجين وعافهم بدون فلس فارس يشتغل ويايه يجيب غراض للبوتيك حسن مهاجر وسندس عايشه ابيت أحمد هبه تشتغل ويايه بقسم المكياج جان متغير مربي لحيه ولابس بنطلون قصير يحجي بالدين جابو أسم وعد وجانيت كال هذا اقل من جزاهم جانو كفار جان يحجي حجي يسطر الراس كالي فلوسج حرام تدعين النسوان للخطيئة متحملت كتله ليش شايفني فاتحه ملهى لو مرقص كال مو تجيبين شغلات مو زينه وملابس عاريه يلبسوها بالشوارع انتي راح تتحملين ذنبهم كتله لعد مرتك شنو تلبسلك بالبيت جبه راد يضربني أحمد وكف بيناتنا كالي صدك ممتربايه حقج زوجج واحد لقيط وكافر شتطلعين انتي عايفج ودايح ورا الساقطات ردت اطلع احمد مخلاني كعدوني غصب هذوله الاثنين بعدهم ممتقبليني كأخت وخاصه كريم كلشي صاير ميعجبه بس اولادهم لا احس براحه وياهم سندس صاحتني كالتلي سويتلنا كعده بالحديقه نتونس احنا البنات رحت شفت فارشين بالحديقه ومخلين حلويات واكلات كتلهم حرام عليكم ليش تخربون ريجيمي كعدنا نسولف لحد تالي الليل سالوني ممشتاقه لمنير كتلهم هو الهوا والمي .
منير : رجعت للعراق كلت خلي أركز بشغلي المهم ريحت أصدقاء عمري عفت كلشي مو زين حركت اوراق الماضي وبديت من جديد انسان ثاني أصلي واصوم تعلمت بسرعه قررت انطي اختي مروة لرامي ميهمني المال بكد مايهمني اخلاقه وتربيته بدلت ملابسي نزلت شجون جانت توها جايه من برا شافتني ممصدكه الدموع بعيونها مثل خواتي جنت مزين راسي لما جنت بالحج هسه شعري خفيف هجمو عليه كتلوني بالاحضان والبوس وشجون تدفع بيهم وخرو من زوجي جانو يتعاركون اشكد مشتاق الهم شافني ابويه رحت بست ايده وراسه كتله سامحني اذا يوم أذيتك او رفعت صوتي عليك نزلت ابوس رجله لزمني وجان يبجي كالي انت سامحني حرمتك من امك وخربت حياتك سالني جنت مسجون ابني جاوبته لا بابه ياسجن لعد شعرك كلهم ينتظرون الاجابه باوعت لشجون كتلهم جنت باحلى مكان بالدنيا جنه الأرض اخواتي كالو ماليزيا أشرلتلهم لا بيت الله فتحو عينهم حضنت شجون وبستها من راسها كالتلي يعني صرت مسلم ضربتها على راسها على الخفيف مخبله شنو صرت مسلم مو ابويه كدامج يصلي ويصوم كالت مو جنت على ديانه سكتت كتلها كملي وعد تقصدين مو لا أني مسلم بس مجنت أصلي وأصوم ايام وراحت اتعشينا ورحنا لجناحنا شفتها دخلت لغرفتها وسدت الباب كلت ياربي هاي يمتى ترحمني رحت صليت ونمت حسيت بأيد على ظهري مااشوف شي الغرفه ظلمه نفسها سريع متجاوب هاي شجون شبيها جريت ايدها ردت ابوسها مديت ايدي على شعرها هاي مو شجون فتحت الاضويه شفت خدامه شجون سالي ضربتها ضرب تتوسل بيه اعوفها كالت بابا اني يحبك انت اكرهه شجون اني من زمان احبك اني يموت بيبي شجون لزمتها من شعرها كلت لاتكون شجون تجربني اخذتها وهي تتوسل بيه فتحت الباب جانت شجون لابسه ومحضره نفسها 👸ذبيتها داخل الغرفه كتلها سمعي لاتجربيني بهيجي أشياء أني تبت علمود خوفي من الله عيب عليج تلعبين ويايه اذا ردت اخونج مراح أسويها ويا خدامه مع الاسف عليج.
