# قلوب_مشوهه 12
منير : رجعت للعراق بعد غياب سنه امي رجعت قبلنا حسيت أبويه مقهور ودايما ضايج صاير بين نارين قررت نرجع حتى هم أباشر بنفسي شغلي بالشركه عرفت شجون وامي عايشين بالقصر ماعرف بيا عين ترجع تعيش ويايه ميخالف هي متوب راح اتسلى بيها والعب بأعصابها لحد ماطيرها كومه أخبار تجيني بس اني ماهتم خلصت دورها يمي انشالله تحترك بنار جهنم وصلنا عرفت امي مسويه عزيمه لأخوانها حجيت بغضب ويا ابويه كتله أني ممنبه عليكم الحشرات ميدخلون لبيتي باوعلي وكالي عيب ترفع صوتك عليه وثانيا ماطول غاصبني أعيش وياك لازم تتحمل تصرفاتنا والا خلينا نرجع لبيتنا بعدها باقيه مثل ماهو ياعديم التربيه والاحترام.
شجون : رحت لبيت أخواني بعد السؤال والعتاب قررنا نطوي الماضي ونبدي من جديد بقينا يوميا نلتقي شويه هملت شغلي فارس اقترح عليه افتح بوتيك وهو يساعدني يجيبلي غراض من كل الدول حجيت ويا المحامي مالتي سالت على موضوعي كالي احسنلج تعوفي القضيه ترى منير مدعوم من جهات عليا أكبر مني ومنج كتله شنو اكبر اصغر كالي أشتكي يم ربج ماعندج حل انتي مو كده عوفج منه كتله مراح اعوفه بس خليني ساكته حاليا لحد مانشوف نهايتها أخ منك حقير وافقت افتح بوتيك بمكان راقي كلفتني 3أرباع فلوسي والمعمل خليتها على خالتي هبه وسندس ديعلموني اسماء المصممين والماركات قررنا نسوي ديكور البوتيك بايدنا احنا الثلاثه بالرغم من اعتراض فارس جنا يوميه نروح من الصبح نبقى لحد الليل نصبغ نكتب أشعار جان اختصاص هبه اني وسندس مساعدات بعد 3 أساليع كملنا كلشي وفارس جاب البضاعه موقع البوتيك قريب على القصر كلش صعب اروح وأجي على بيت خالتي ابتسام اقترحت ابقى يمها لأن وحدها وهم فرصه أحرك ذكرياتي بنفس المكان اللي انولد بيه وأثبت لنفسي وللناس اني شجون اللي ماتنكسر يوميه بالليل اتخيل دخله منير عليه وصدمته بشكلي وأسلوبي . اليوم مسويين حفله بالقصر ابتسام عزمت كل معارفها من النسوان زوجات اخواني هم ماقصرو ردت اعرفهم على البوتيك واكسب زبائن من الطبقه الذهبيه لبست فستان اوف وايت وكعب عالي كلهم جانو يسألون ابتسام منو هاي متزوجه لو لا اشكد فرحت بداخلي خلاني فخورة بنفسي اكثر كملت الحفله سندس وهبه جانو كاعدين بأحد الغرف أستأذنت اروح ابدل وارجعلهم.
منير: وصلنا دخلت القصر صاير هوسة امي من الفرحه جانت تبجي كعدت شويه وياها عرفت سندس وهبه باقين مرايحين ناويين يباتون يم شجون الخاتون ماخذه راحتها اهوايه سالت سالي وين موجودات طبيت عليهم عبالك شايفين ملك الموت سندس ركضت تلبس نقابها وهبه تعدل ملابسها كتلهم ماشالله اخواتنا الداعيات حفيدات ناصر ولج انتي وهي عليمن هالحركات نسيتو ايام زمان جنت احجي عليهم اشوفهم ساكتين ويبجون وكفت وجهي عليهم وظهري على الباب اجاني صوت شجون انداريت باوعت وين شجون هاي وحده ثانيه مستحيل تكون هي كالتلي ممكن تعوف خالتك ويا صديقاتها استاذ منير باوعتلها بأستهزاء ياخاله تقصدين حضرتج مو جنتي تتمنين انام وياج منين صرتي خالتي هسة تتذكرين اشكد ونستج جاوبتني برافو أستاذ منير
شجون : كملت لبسي نزلت شفت ابو رامي والتوأم سلمت عليهم عرفت الحقير راجع لمعت عيني بفرحه باوعتلهم جانو مصدومين بشكلي رحت على الغرفه اللي تركت هبه وسندس بيها اول ماوصلت شفت ظهره واكف بكل جبروت يحجي عليهم بعدين شافني بقه صامت ممصدك هاي اني جاوبني بحقاره رديت عليه كتله برافو أشكد ونستني بفلوسي تدري يامنير اول مرة اسمع الرجال يبيع نفسه لمرته علمود فلوس شلون ونسه جنت اغمز بعيني واعض على شفتي جاوبني لو ما امي حلفتني جنت دافنج هسة لسانج طولان جاوبته كله من خيراتك عيون خالتك .هذا حالنا يوميه مناكر ويا بعض مرة حاول يبوسني ضربته على خده كتله لاتكررها نفسي تلعب منك..
منير: البلوة شجون صايره عذاب وجسمها يخبل وين جانت قبل دا احاول اغويها ماتنطيني مجال شفتها خابصه نفسها علمود البوتيك رحت عليها شافتني كالت هاي شنو عيونك الحلوات من ورا النسوان متشوف بيهن مو كاتبه بوتيك نسائي جاوبتها مو انتي تعلميني اني زبون وأدفع للي يعجبني وبقيت اباوعلها بنظرات كتلها جاي اخذ هديه لحبيبتي .الكاتبه justme
