# قلوب _ مشوهه 15
شجون : منير جاوبني تحجيلي ماضيك لو ناوي تمشيني بكذباتك وتمثل عليه دور العاشك ترى ماصدكك لزم ايدي كال انتي اول وحده تساليني على حياتي الماضيه وماتصور الماضي يفرحج جريت ايدي كتله لاتلعب عليه شجون اللي جنت تعرفها دفنتها ويا طفلتي اللي ملحكت اشوفها بفضل ابوها كالي اني اعترف قسيت عليج ذيج الليله واللي صار جان صعب عليج وعليه اني لما شفتها اتذكرت امي سالته واني ليش مسألت عليه جنت بين الحياة والموت لو مهمتك انتهت من شفت الشي اللي يربطنا مات وتخلصت منه جاوبني على شنو تلمحين شجون شنو قصدج قصدي سيد منير شنو جنت تشربني حتى اموت وتخلص مني لان الدكتورة كالتلي جنتي تشربين ادويه او اعشاب اثناء الحمل سببت بموت الطفله ماكو غيرك جنت يوميه تحرص على عصائر وحليب طعمها غريب مراح اجاوبج لان متصدكيني شلون قررتي من نفسج تتهميني دوريلج على الجواب خلينا نرجع .
منير : عرفت مشواري صعب ويه شجون مراح تنسى بسهوله اني بنفسي ممصدك شلون اتعلقت بيها بهالشكل تأمرني واني ماشي وراها مثل الطلي مدااحس بنفسي اول مره أحس هيجي احساس شعور حلو لما سالتني عن الماضي فرحت اول شخص يسألني على الماضي ويهتم بيه ردت احجيلها كامت تحجي على طفلتنا أنصدمت من حجيها اريد اتخلص منها صدك مجنت أحبها هيه بس احب طفلتي مستحيل ئأذي قطعه مني ماعرف بدت تخبص بالحجي سدت نفسي على الطلعه رجعت لغرفتي حتى مكتلها تنام يمي اني ساكن بالفندق علمودها اصلا ميعجبني المكان لأن عادي ورخيص هسه لو جانيت ووعد يشوفوني ساكن اهنا ينجلطون اني دايما نحس وياهم اطلع عينهم أختار ارقى مكان همه عكسي يدورون راحه اني احب الفخفخه خابرتهم حجيتلهم على زواجي وعد عصب كال منير ديربالك منها اذا لعبت بيك اذبحها بيدي ولايهمني شي انت وجانيت كلشي بحياتي انت تعرفني اي واحد يأذيك اشرب من دمه جانيت كالت منير اتمنى اختيارك يكون صح هالمره وترتاح لانك فعلا تستحق ليش الاغراب دايما ويايه وعائلتي ضدي مرات اكول لو راجع لأهلي وماعندي فلوس جانو يعاملوني مثل هسة لو لا ابقى منبوذ مثل ماجيت عدهم اول مرة .جنت نايم سمعت صوت تليفوني شجون تبجي منير الحكني مادري شلون لبست طيران على غرفتها شفتها تبجي هي وفارس سالتهم شكو عبالي شجون بيها شي كالت اخويه اتزوج على ام فارس فهي متخربطه ماخذيها للمستشفى طلع عدها الخبيث بأخر مراحله ردنا نرجع حجز ماكو ياريت تدبرلنا حجز جان فارس يبجي مثل الطفل ردت أحزن وياهم متأثرت بحكم معرفتي السابقه بيهم يحبون نسوان اهوايه وام فارس اهوايه جانت ملعونه باوعتلي اعرفك فرحان وتتشمت بينه هسه بس ماكو احد يدبرنا غيرك جاوبتها مو فرحان واني اشوفج تذرفين دموعج على احد ردت اكوللها على ناس متستاهل هسة تتهمني بزواج اخوها ومرض زوجته خليني ساكت أحسن.
شجون : اليوم خلصت ايام العزا صارلي اسبوع مشايفه منير من يوم رجعتنا من فرنسا واحنا مبتعدين هو كال اريدج تجيني بقناعتج أني صح جبرتج ترجعيلي بس ماغصبج تبقين يمي مكلنا لأحد اني رجعت لمنير لان وضع البيت متكهرب اخويه من جهه مسافر منعرف وين وزوجته بين الحيا والموت فقدت النطق جانت بس تباوعلي وتبجي بقت اسبوع وماتت سندس انهارت وفارس انكسر من جهه ابوه ومن جهه امه أخويه جان بايع حصته من الشركه والمزرعه عائلته صارت على الحديدة حتى بيت ماعدهم ماخذ الفلوس ورايح سمعت منير منطيهم بيت لحد مايوكف فارس على رجله من جديد سندس صاحتني واخذتني لغرفه وسدت الباب جابت قرأن كالتلي حلفيلي بعد اللي راح تسمعي مني متتغيرين ويايه لان اني ماعندي ذنب حلفتلها كعدتني كالت تدرين منو السبب بموت بنتج تريدين تعرفين لو نسيتي ومرتاحه كتلها ميحتاج اعرف منير باوعتلي كالت هو صح دمرنا وسوا اشياء اهوايه مو زينه ويانه بس مستحيل يقتل شي يملكه كتلها شكو كالت .
