#قلوب_ مشوهه 14
رامي : حجيت ويا شجون ردت أسالها على مروة اريد اتقدملها بس خايف يرفضوني ناديه كالت انساها لان مستحيل منير ينطيك اهوايه حاولت متطلع من بالي كتلها اذا تقدمت لمروة تتصورين تقبل بيه رأسا كالت اشحدها ترفضك شاب متدين صايم ومصلي ادب وأخلاق كلشي بيك وألاهم اختك شجون الورده عابتلج اني وين وانتي وين كتلها جديات ترى اخوج كلبه دك وحانت ساعه الصفر للعش الزوجيه اتمنى من الله تصير من نصيبي كالتلي أنطيك رقمها خابرها كتلها عيب عليج شنو مفكرتني لا ديني ولاتربيتي تسمح حيوانه هيجي شايفتني عصبت منها .
منير : الصبح كمت خابرت أداره الفندق كتلهم حضرو صينيه ريوك لشخصين وياها ورد ابيض ودوها انطيتهم رقم جناح شجون تذكرتها البارحه شسويت بيها هسة أكيد بس تشوفني تذبحني خابرت تليفون غرفتها كتلها لو بنت ابوج هسة تفتحين الباب بس سمعت صوتي سدته .
شجون : جنت كاعده ابجي على حضي يمتى راح ارتاح من منير وافعاله شيريد مني هالمرة فلوس واخذها كلبي وكسرها جرح جرحني ضربت على صدري وانت يمتى راح توكف دكاتك لمنير مو كافي تليفوني يرن حبيبي رامي جاوبته واني مسويه نفسي أضحك هاحبيبي اتعجبت سألني على مروة طلع الخبيث عاشك واني اخر من يعلم بس ناديه المكروهه تعرف اني الج ردت العب بأعصابه كتله تريد رقمها لو جنت كباله جان يموتني اكيد هسة صاير وجهه طماطه يستحي ياريت منير يحمل ربع اخلاقك سديته ردت اخابر ناديه تليفون الغرفه يدك سمعت البلوة سديته بسرعه بدلت هدومي الباب يدك واحد يحجي فرنسي عابتلك علأساس اني اهوايه افتهم E النوب فرنسي فتحت الباب شفت بالون ورود ابيض والعامل يجر عربانه اكل جان يحضر الميز دخلت اجيب فلوس اكراميه جيت شفته ماكو عامل منير كاعد بكل برود حبيبتي شنو رايج بالمفاجأه طبيت لغرفه النوم وقفلت الباب عليه كتله لخاطرالله عوفني متحس يأخي ماريدك كالي راح اعوفج بس قبلها شوفي موبايلج جاني رساله رامي مربوط بمكان وسخ صيحت وفتحت الباب ولك حقير الا اشرب من دمك جريت السكينه اتقربت عليه وهو متحرك يباوع بعيوني كالي تعاي موتيني حتى رامي يروح بيها محد يعرف مكانه غيري كتله شتريد سوي بيه عوف رامي كالي تزوجيني.
منير : رميت قنبله بوجه شجون وعفتها رحت دورت على احلى فستان عرس اشتريت هدايا ولبس ومجوهرات اريد حبيبتي فوك الكل بنفسي كلت منير منو حبيبتك صدك احبها لعد الرغبه مجان بس جسد لو جان جسد بارحه جانت كدامي اكدر اسوي بيها كلشي بس اريدها بالحلال لاول مرة عندي رغبه حلال وشجون بالذات لأن هي انظف بنت قابلتها سمعت موبايلي يدك للمرة مليون أعرف منو المتصل بس اريد أضغط عليها توافق سديته ورجعت للفندق دزيت الغراض الها كتبت بورقه اذا تردين رامي يرجعلكم تعالي لغرفه رقم فلاني.
شجون : خابرت ناديه كوه لازمه نفسي لاتكشفني اخاف صورة رامي مفبركه ويريد يخوفني اول مافتحت خط بجت كالت شجون لحكينا رامي من البارحه مجاي للبيت دورنا عليه بكل مكان اني وكعت بالكاع بجيت شكوللها اني السبب اني راح أحرك كلب امج وابوج اللي ربوني كتلها ماكو شي انشالله يرجع خليج واثقه الله كريم كالت شجون متفتهمين منو ينخطف يرجع حي مو وكت خبالج سدته سمعت الباب ركضت اكيد منير لازم اوافق رامي يروح بيها فتحته جانت عامله الفندق دخلت غراض وانطتني ورقه وراحت بدلت رحت لغرفه فارس شافني تخبل اشبيج شجون صارلج يومين مو على بعضج كعدت كتله فارس انت صدك معتبرني عمتك لو بس مجامله كالي شنو تريدين اثبات صح قبل مجنت احبج لان ماعرفج بس هسة وياج للموت احجيلي شبيج ردت اكوله خفت لايسوي منير بيه شي خطيه كتله اني بعدني احب منير كام على حيله كال تخبلتي شنو تحبين منير مو طوينا صفحه منير كدامج طريق ثاني واني كتلج اني وياج ممحتاجه للحقير نسيتي اللي سواه بيج وبعائلتنا كتله فارس ابوس ايدك افهمني هو يريد يرجعني واني احبه اريد استقر بعدين متريدني ارجع فلوسكم وممتلكاتكم جاوبني منريد شي مرتاحين ماسمحلج تذبين نفسج بالنار علمود أحد كتله مراح تمنعني اني اتفقت وياه يجي لفرنسا حتى نتزوج اهنا واريدك تثبتلي انه انت ويايه صدك توكف بظهري وتقابله حتى نتفق على كلشي بالبدايه موافق حجه عليه وتعصب شويه شويه هدء كالي ليش تبجين كتله لان محد بيكم يقبل ارجعله واني ماتحمل بعد مشت الكذبه عليه رحنا لغرفته شاف فارس لونه صار اصفر بنفسي كلت هاي البدايه ياحيوان.
منير: بدلت هدومي رتبت غرفه النوم خليت ورد وشموع كومه ملصقات حب باللغه الفرنسيه ربطتها بالبالون كلت راح تجي واقراها واحد واحد ونروح للسفارة نعقد وارجع اعيش وياها ونبدي شهر عسل جديد كومه شغلات ابالي سمعت صوت الباب تعطرت طلعت شفتها جايه وعيونها منفوخه من البجي وياها فارس 👿 كعدنا كالت حبيبي اني فهمت لفارس نريد نرجع لبعض واريدك هسة تطلب ايدي منه لأن هو ولي امري بنفسي كلت اللهم طولك ياروح فوك ماجايبتلي هالبلوه ويحجي ويايه من ورا خشمه تريدني اتنازل واطلبها منه بس ميخالف ردت احجي كالت حبيبي شنو سويت حجيت ويا المحامي مثل ماتفقنا علمود ترجع حصص اخواني من الشركه اني اهنا عقلي وكف 😱 هاي شجون يمتى صارت شيطانه مكدرت اكول لا انكشف جاوبتها بهدوء مثل ماتريدين من باجر راح يبدي شعندي غيرج وسألتني بشكل غير مباشر على رامي كتلها باجر ورا مانعقد بالسفارة توصل لبيت خالتج مثل ماهو حسيت فارس ضايج منها لما تكولي حبيبي . اشسويت بنفسك منير راح توكعك لالا متكدر اني راح ابقى مسيطر عليها. صحتني من شرودي كالت ليش ننتظر باجر اليوم نروح ونخلص كلشي.
شجون : اخذت فارس بعد ماقنعته لغرفه منير كعدنا نحجي خليته بدوامه شويه وينفجر كوه لازم نفسه سالته على رامي كتله الغراض اللي ردتها منك يمتى توصل لبيت خالتي كالي ورا مانعقد باجر يعني خالتي تبات اليوم محروك كلبها كتله لا اليوم نروح مثلت زين كدام فارس وهو مو راضي بس ميريد يكسرني عقدنا
بالسفاره صرت مرته لفيت حبل الاعدام على ركبتي مرة ثانيه فارس استأذن حتى ناخذ راحتنا صعدت وياه بالسياره كالي مبروك حبيبتي كتله هسة تخابر يرجعون رامي لبيته والا هسه انتحر واموت نفسي كالي اليوم مفروض أحلى يوم بحياتنا ليش تجيبين طاري الموت باجر صيحت لا هسة رحنا للمطعم ماكلت شي بعد ساعه جان يحجي ويتغزل بيه اني مو يمه
اصلا بس دموعي تنزل شفت اسم ناديه على الشاشه جاوبتها واني ارجف سمعت صوت رامي كتله انت بخير جان يضحك يكول مابيه شي شويه مكبسلين ماخذيني بالغلط يومين بقيت مسوو بيه شي خدموني اهوايه تذكرتج لما اكلوني كباب وببسي ياريتج ويايه ضحكت واني ابجي لو تدري اني السبب متتذكرني بحياتك حجيت وياهم كلهم حسيت منير ضايج سديته كال سويت اللي عليه خلينه نرجع ونبدي حياتنا.
منير: اخيرا رجعت شجون يمي ماعليه من احد بس هي خايفه من ردت فعل أهلها لما يدرون رجعتلي ميهمني المهم اني وياها رجعت رامي لبيته اصلا ريحته يومين من الشغل دللناه أكل وشرب ومكان حلو بس عينه معصوب حتى ميشوف المكان جان بمزرعتي جانت تحجي بالتليفون ولا بستني ضجت منهم مراح اخلص من بيت خالتها حتى مااكلت شي الناس تتمنى تدخل هذا المطعم وهي ولا عبالها اشك شافت هي وين رجعنا للفندق حسيتها مرتبكه كتلها روحي لغرفتج يمتى ارتاحيتي اني بأنتظارج جانت ممصدكتني كتلها شجون ثقي بيه اني اريدج لان احبج اتغيرت لايمكن أذيج بعد اليوم اقسملج مأذيت رامي لأن انتي تحبينه ولو اغار منه بس خوفتج حتى ترجعيلي بس اياني واياج اذا حاولتي تلعبين بيه راح تشوفين وجهي الثاني ودعتها ورحت نمت.
شجون : بقيت اسبوع بفرنسا بعد مارجعت لمنير فارس راد يرجع مقبلت كملنا شغلنا اشترينا الغراض والملابس شحنتها للعراق منير عرفني على مصمم ازياء عربي طلبت منه يسويلي اوردر للعراق حتى اعرضها بالبوتيك جابلي دعوه حضور عرض ازياء رحنا وياه اني وفارس جان يعرف اهوايه رجال اعمال اجنبيين فارس كالي لاتستغربين من شي بحكم جان عايش باوروبا أكثر حياته وشغله اللي ميندري شنو يشتغل ايده واصله هو ووعد كتله هو شجابه بالنص كالي هو يهودي عنده علاقات وياه حكومه اسرائيل خالد كشفه لما جان يشتغل بشركه عربيه رأسمالها يهودي وعد جان من اعضاء المجموعه خالد خاف عاف الشغل حتى لايتورط وياهم عزه يمكن هذا منير هم يهودي علمود هاي لايصلي ولا يصوم خلي اتأكد منه اعرف امه أجنبيه بس ديانتها ماعرف اتعشينا على يخت جان ياكلني بعيونه واني ولايمه سالته منير جاوبني عيونه كتله احجيلي على حياتك مو تريد نبدي صفحه جديده اريد اعرف ماضيك.الكاتبه justme
