#قلوب_مشوهه 13
شجون : اليوم أسافر لأول مرة راح أحضر عروض الازياء ويا فارس أحساسي مابين الخوف والمتعه راح ابقى شهر اهناك حضرت كلشي رتبت غراضي وصيت سالي تنزلها رحت اتريك شفتهم كاعدين وهذا الحقير بس يحلو أكثر سلمت كعدت باوعتله بمكر غص باللقمه ضحكت عليه صاير ميتحمل نظراتي أله انداريت على ابو منير جان يسألني لوين راح أسافر جاوبته بعدين استأذن هو وابتسام بقينا وحدنا ويا ميار جنت أحجي وياها سمعت صوته الكريه كال عشنا وشفنا من لبس البالات والرخيص للماركات جاوبته برود مو للرخيص يلبسون رخيص هسة اني غير بفلوسي اشتري كلشي ومن ضمنها أشتريتك ومتعت نفسي بيك 😛 صار نار ضرب الميز وكسر الغراض راد يلزمني اني طلعت ركض أشرت للسايق يطلع بسرعه اكيد راح يموتني مادري شلون وصلت طيران للسياره وصلنا للبوابه مقفول الحارس كال أوامر بابا منير يمه غير هسة يجي عليه من حظي وصل فارس كتله خلي نمشي بسرعه سألني شبيج كتله من الفرحه اتخبلت مأريد ادخل أحد بلعبتي وياه وصلنا لباريس اتذكرت لما خطبني منير كلت اكيد مثل الافلام راح نسافر شهر العسل لفرنسا جنت أفكر برومانسيه وحالميه معرفت اني جنت مجرد وسيله للعبور رحنا للمطعم طلبت أكل جنت اشوف الكبلات شلون يتصرفون ويا بعض وين جان أحلامي وطموحاتي بس بالحب ورجال يحبني ويقدرني الله جازاني بواحد ميشبه البشر مريض نفسي أتذكرت قبل اسبوع اجه للبوتيك راد مني ملابس نوم لحبيبته بداخلي انقهرت كلش بس مبينت طلعتله كتلوك جان يختار افسخ شي ويكولي تعرفين ذوقي باللبس شلون جاوبته اي وحتى بالنسوان متحب المؤدبات نفسك تلعب منهم تدور على الرخيصات أمثال جانيت لأن وياك نفس الطينه جاوبني موتي من الغيره لأن فضلتها عليج جاوبته وليش أغار انت تنطيها مقابل متعتك بس اني أختلف مو مثلها اني انطيتك ثمن متعتي وياك سكته مكدر ينطق شي ذب الفلوس وطلع حتى من القهر مأخذ الغراض بالليل رجعت جانو يشربون الجاي كالعاده بعد العشا انطيت الكيس بايد خواته كتلهم وصلو هالأمانه لأخوكم جاوبتني ابتسام عوفي منير كافي انتي متوبين جاوبتها اني معليه بيه هو جان جاي يختار لبس لحبيبته بالبوتيك نساها جبتها للبيت ويايه ميار من الفضول فتحت الغراض ابوها اتعصب كال انطيني الكيس أخذها وراح😆
منير: وصلت بالليل لفرنسا مراح تفلتين مني شجون راح اوصلج بأي طريقه تلعبين على منو ابويه ذب كيس بوجهي كالي عندي بنات بالبيت اياني واياك تجيب وحدة رخيصه ترى هذا اخر انذار الك متستحي يعني الوم نفسي بتربيتك لو انته طينتك هيجي . اخ من شفايفج صدك جنتي بهالجمال واني مشايفج كلت لوعد وجانيت راح اسافر لفرنسا استغرب مني وعد أشبيك متغير عقلك كله يم شجون مو تخلصنا منها جاوبته مادري اريدها وانت تعرفني لما اريد شي اوصل اله كلش داخله مزاجي كالي وحضرتك مجنت شايفها وجوة أيدك هسه احلوت بعينك جاوبته هسه صايره كتله من الانوثه نار كالي منير دا أشك بعقلك ترى هي شجون نفسها بس المكياج لاعب دور ولاتنسى هاي بنت ناصر لايمكن تسامحك وترجعلك جاوبته بستهزاء يمكن اني اشك بعقلك وعد اني منير اذا مخليتها هي تجيني فلا اني منير بقه حجي وعد ابالي يعني هيه جانت هيجي اخ منج شجون هسه لو تشوفني شيصير بيها دخلت للفندق اللي ساكنين بيه هي وفارس رحت دكيت باب غرفتها فتحت الباب وهي مباوعت منو انطتني ظهرها وأدردم فارس متت من الجوع عيني صارلي ساعه منتظرتك سديت الباب ورايه دخلت للصاله اندارت كلبها وكف من الصدمه ترجف وتكول هذا انت جاوبتها مشتاقلج شجونتي .
ناديه : جنت احجي ويا شجون ذرة عقل مباقي براسها تريد تلعب على منير كلش خايفه الله يستر اهوايه أحاول وياها تعوفه بحاله متقتنع تكول ذبح بنتي وخرب حياتي وحياة عائلتي ماكدر انسى واسامح لا اني ولا أهلي راضيين على عيشتها وياه بنفس البيت هي معانده بحجه البوتيك قريب عليها بس اني اعرف هي بعدها تحبه بس تنكر كلما اخابرها احجي عليها تسد التليفون بوجهي وترجع بعد دقايق تخابرني تكولي زوجه برهوم صيري عاقله وألا جهالج أعضهم عض واني أضحك جهالي شجون صايرتلهم مصاص دماء بس تشوفهم تعض بيهم عدهم فوبيا اسمه شجون صرت أخوفهم بيها واكوللها هيجي كلت لجهالي تكولي ليش متخوفيهم ببرهوم نزعي وشوفيهم صدك متستحي .
: شجون : جنت تعبانه من السفر كلت لفارس يجيب العشى ويجي لغرفتي نتعشى سويه ماكدر اروح للمطعم تعبانه فتحت الباب ضليت احجي عليه ليش اتأخرت امشي واحجي ميجاوبني انداريت شفت الكابوس منير غمضت عيني وفتحتها كلت يمكن دا اتخيل رمشت اكثر من مرتين كالي شبيج مرتي ممصدكه اني وياج بنفس المكان لو بنفس الغرفه والسرير ثالثنا خفت يسويلي شي سئلته شجابك اهنا امشي أطلع برا ليش تلاحكني من مكان لمكان كافي اطلع من حياتي كعد وخله رجل على رجل ببرود قاتل يكول عاجبتني اريدج الليله شفتي أتعنيت وجيتج لأخر الدنيا فرحي شجون صرت أشتهيج تفلت عليه كتله واني ماريدك ياخي متحس ماعندك دم كالي اني باقي اهنا وياج وصبري طويل خله ايده على ركبتي عبالي راح يخنكني محسيت بنفسي بعده .
منير : بعد اللي دار بيني وبين شجون عرفت مراح تجي بسهوله كلت خلي العب لعبه وياها خليت ايدي على ركبتها لزمت عضلتها غابت عن الوعي شلتها على السرير نزعت ملابسها كتبت على المرايا بقلم الحمرة حبي انتي عذاب ليله سعيده راح ابقى للصبح اتذكر اللي صار .طلعت من يمها واني ممسوي بيها شي غير 💋 خابرت جماعتي كتلهم اريد تحركات رامي وابوه خلال يوم او يومين تخطفوهم .
شجون : سمعت صوت الباب يدك كوه فتحت عيوني وتليفوني يدك من ناحيه ثانيه اخ ركبتي راسي شنو هالالم مديت ايدي فتحت الخط فارس يصيح انتي وينج ليش متجاوبين صارلي ساعه كتله نايمه هسة اكوم سديت تليفون باوعت عزا ليش مصلخه اني اتذكرت البارحه ومنير لطمت على وجهي لفيت نفسي باوعت على المرايه قريت المكتوب راسا ركضت للحمام رجعت متحملت فكره اللي صار راح اموت نفسي مستحيل ياحقير عبالك اني امك لو جانيت ياربي موتني ولا العار جنت ابجي والطم سمعت تليفوني جان فارس سئلني شبيه صوتج كتله ماكدر اطلع خليني ارتاح راسي يأذيني .الكاتبه justme
