#قلوب_ مشوهه 3
منير: متحملت الخبر راسا رجعت اريد اشوف بنت فرحه شلون صايرة تشبه امها لو لا وضع اولاد ناصر شلون بعد القنبلة الموقوته واني شسوي بيهم شلون راح احصل على اسهم شركه كلها واطلعهم حافيين من كلشي اريد اجردهم مراح ارحمهم وصلت كالعادة بالليل كلهم نايمين كعدت بالصاله ردت اشرب مي سمعت صوت بالمطبخ شفت وحدة داخله بالثلاجه تباوع على الاكل وتطلع سويت حمحمه فزت ماتت من الخوف فتحت الاضويه كالت ياحرامي لاتقترب راح اموتك لاعبالك اني ضعيفة تحجي ومغمضه عرفت هاي شجون لان خداماتنا ارتب منها حسب ماسمعت من حجي مروة عليها شكلها وستايلها صفر كتلها اني منير لاتخافين باوعتلي مصدومه فاتحه حلكها كالت انت اللي بالصورة بداخلي اكول ياصورة سويت نفسي ادري اتقربت مني صافحتني حظنتها وبستها برقه من خدودها شفتها مستحيه كالتلي تصدك طلعت احسن من خالد وفارس رحبو بيا من بعيد سألتها شتسوين كالت مماكله تمن جوعانه اريد اكل كتلها اخذي راحتج اكلي سألتني اذا جوعان اكول وياها بنفسي اكول اللي يشوف وجههج يصوم شهر لا شكرا خالتي العزيزة ماريد كعدت وياها سألتها على حياتها اريد اخذ معلومات منها حتى اوكعها بشباكي الغبيه عبالها اني ابن اختها ماخذه راحتها ويايه وهذا المطلوب اخر شي كتلها اني رايح باجر الصبح لمزرعتي تجين ويايه رحبت بالفكرة بدون تفكير وافقت كتلها بعد 4 ساعات حظري نفسج نروح ودعتها وصعدت لجناحي .
شجون:من بعد مااكلنا رحت للصالة وياهم كعدت طلبو جاي واني طلبت ببسي ابتسام عارضت كالت مو زين راح يخرب جسمج مهتميتلها ابو رامي كال خلوها براحتها طلبت اكثر من كلاص شفت صورة شاب على الحايط يخبل منو هذا الصاك ياربي يطلع واحد من كرايبهم سألت مروة جاوبتني من ورا خشمها اخويه منير بنفسي كلت عمى بعينج انشالله كل هالجمال ويطلع اخوج ياقرده يعني طلع محرم صدك ماعندي بخت اني جمالي مال اخذ هيجي واحد استغفر الله ولج شجون حرام ابن اختج هذا صعدت بعد ماصدعتني ابتسام بتوصيات وطلباتها شسوي وشلون اتصرف كتلها اي بس مناوية اسمع كلامها ههههه خابرت خالتي وناديه حجيت وياهم كلهم حجيت لناديه كل التفاصيل حتى منير شوقتها تشوفه كتلها بس يرجع ادزلج صورته حتى تعرفين انتي شلون تورطي ويا برهوم وجه التاير مكدرت انام من الجوع نزلت على المطبخ كلت اكيد نايمين فتحت الثلاجه ارتب من دولابي ههه كلشي بيه جبت صينيه ترستها اكل خليتها على الميز سمعت حمحمه خفت حرامي واني بالمطبخ اكيد راح يغتصبني واني لابسة دشداشه حمره خرب وين راح تفكيري من الخوف غمضت سمعت صوت مادري نغمه كال اني منير فتحت عيني وياريتني مغمضه كيمر قشطه شنو هالمخلوق بقلاوة ظليت صافنه عليه حسيت على نفسي اتقدم مني صافحته باسني يمه بوساته تدوخ استغفرالله شجون عيب حرام ابن اختج هذا بقينا نسولف كلش ارتاحيتله احسن من قروده خالد وفارس حتى مكلفو يسلمون عليه وجه الجوب يشبهون عكارب امهم خلي يولون يمكن فريت مخه من سوالفي كالي راح يروح لمزرعته بحياتي مشايفه مزرعه قبلت اروح وياه.
