# قلوب_ مشوهه 16
شجون : ارتب غراضي بغرفه منير ويا الخدامات بعدني ممتقبلته كزوج بس ابتسام كالتلي لو صدك تستحين شويه من نفسج مجان تقبلين كل واحد ينام بطابق يجي يمج يمتى ميرغب بيج عيب انتي ناسيه بنت منو وهسة صارت عندج علاقات والناس تعرفج ترضيها يحجون عليج بيناتهم راح يكولون هاي المطلقه زوجها مرجعها حتى يسكت الناس وميريدها هو ينام بمكان وهي بمكان وغيرها من السوالف مراح تتحمليها متكولين نحب بعض هذا حبكم وشلون فارس يمشي وراج ويقبل باللي سويتي ماعندج اهل ماعندج اخوان لو منير افندي يستنكف من عدنا وشايفج سهله مرة يطلقج مرة يتزوجج جاوبتها كافي اختي كفيتي وفيتي اني احبه وهو نفس الشي خلونا نرتاح شويه اني هسة اعذر تصرفات منير من وراكم شفتي بدل ماتنصحينه وتكونين ام اله بس تحجين عليه وانتي عايشه بيته وتتصرفين ملكه بفلوسه وبناتج كل وحده شكل عايشه حتى المي لازم الخدامه تنطيهم بيدهم بس باقي تشربهم لو جنتي أمه لمنير مجنتي تسالين أبنج ليش هيجي لو عليكم بالصافي وهو يطبه مرض معجبها الكلام عافتني وطلعت .خابرت ناديه
ناديه : بعدني مصدومه ورا ماحجيت ويا شجون وعرفت راجعه يم منير متزوجين بفرنسا جنت متأكده هي بعدها تحبه بس متصورت تتزوجه شكول لأهلي اذا عرفو ورامي خابصنه يريد يخطب مروة كتلها شجون احجي وياهم شوفي يقبلون حتى نتقدم كالتلي فتحي موضوعي ويا خالتي ماريدها تسمع مني اخاف تزعل انتي مهديلي الطريق.مكلت شي لاحد كلت خلي موضوع رامي يخلص يالله اكوللهم.
منير : من بعد ماحجيت لشجون حياتي بالماضي ارتاحيت لان شلت الحواجز بيناتنا بس احتفظت بطريقه عملي ماريدها تعرف اشجنت اشتغل مراح تفهمني وراح نرجع لنقطه البدايه.جنت كاعد بالشركه خلصت الاجتماعات رجعت فلوس وممتلكات أخوانها حتى وعد وجانيت رجعولهم البيوت اعرف مو مهم عدهم المادة اني الأهم طبو عليه كالو حجزنا برحله باجر راح نسافر حضر نفسك جاوبتهم ياسفر اني عريس جديد مراح اسافر مرتي متقبل وعد ضحك كال سبحان المغير الاحوال مو جنت تسافر قبل من مكان لمكان ليش هسة لازك بيها جانيت جاوبت كل ممنوع مرغوب عزيزي وعد هسة شجون تبيع ثكل براس منير ومنير ممتعود على هيجي شي فلازك بيها اهوايه حاولو اروح وياهم مقبلت .رجعت للبيت دخلت للمكتب سمعت حركه فتحت الاضويه محد يدخل للمكتب غيري باوعت صدك الباب جان مفتوح بحركه سريعه فتحت البردات شفت شجون وبيدها اوراق كتلها عفيه عليج تستغفليني وبعدين ياعديمه الفهم اللي بيدج ميفيدج رجعيها لمكانها شتريدين منها جاوبتني وهي متوترة كالت اريد اعرف شغلك بأوروبا شنو ليش خايف اكشفك اني ياشجون ماخاف من أحد أخاف عليج علمود هاي لاتسأليني خليج بشغلج وبيه جريتها طلعت من المكتب كالت اريد أحجي وياك رحنا لجناحي همست باذنها مشتاقلج كالت بعدين سالتها شكو حجتلي اللي صاير بينها وبين ابتسام جاوبتها عادي هي هيجي لاتزعلين منها كالتلي أذا صدك تحبني رامي يريد يتقدم لأختك اريد موافقتك حتى أكوللهم يجون عصبت منها كتلها شجون مو معناته احبج وسويتلج اهوايه اشياء حتى أرضيج لاتخلين اختي بكفه حبج كلتلج كلشي من البدايه لاتستغفليني صايره تتصرفين وماخذه راحتج ديربالج ترى اني منير.
