#قلوب_ مشوهه 7
منير: غصبت شجون ترجع هددتها أبيت خالتها دزيتلها صور تحركات رامي كتلها راح اموته اذا مرجعتيلي خلال اسبوع رجعت فهمتها من حبي وعشقي هيجي سويت اليوم حفله زواجنا بعد شهر من مخططات ومعانات لحد ماخليتها تعشكني مثلت عليها دور العاشق الهيمان نتحمل أيام واخلص منج ومن عائلتج .بالنسبه لسندس وخالد بعدتهم عن طريقي دزيته لأحد دول العربيه مندوب عني بأحد شركات رأسمالها من أسرائيل اني ووعد شركاء وياهم ادنى حركه من خالد يتعلق بالرجلين ومحد يعرف غيرنا حضرت نفسي جانيت ووعد ويايه خطوة خطوة .سالت وعد حضرت بطاقات السفر راح ابقى يومين بلندن وبعدها اخذ جانيت واسافر لجزر المالديف اسبوع استجمام وانت تبقى تحرس شجون بلندن وبعدما ارجع نلتقي بالمحامي علمود اجراءات نقل الملكيه لأن يحتاج وقت.
شجون : جنت كاعده بمركز التجميل 👸💇ويا مروة وميار واختي ابتسام وحبيبه قلبي ناديه جنت اركص واغني ويا ميار اغنيه هيفاء وهبي (
حبيبي قلبي ما صدق لقاك ..
دلوقتى حاسة بأمااان
ان شاء الله اعيش عمرى كله معاه..
عمرى ما هبعد مهما كاااان
الواحدة من الدنيا تتمنى ايه
غير حد ترتاح معاااااه ..
يبقى حبيبها شايلها فى عينيه
ويحلى معني الحياااااه
فرحانة الليلة انا فرحانة ) شفت هبه متصورتها تجي بعد اللي صار لان اخواني مراح يحضرون حفلتي باركتلي وراحت ميهمني اهم شي حبيبي منير .بعد مارجعت لبيت خالتي وفهمتهم اللي سووها بيا اخواني رامي راد يروحلهم مخليته بعد تهديدات منير رجعت بعدها بأسبوع يوميه يجيب ورد وهدايا وكلمات غزل واشعار مكتوبه اشوفها بماعون اكلي مجان ينطيني مجال وظل ابويه يلح عليه اخذ منير حتى لما يموت يرتاح صرت احب ابويه اهوايه لان جان مدللني ويطلعني وياه بكل مكان يكول بكل فخر بنتي الصغيره او بنت فرحه سامحته على كلشي حتى ابتسام جانت تكول متصورت منير يتعلق هيجي بيج كل اللي بالبيت يحجون حب وعشك منير اليه حتى اخواته مرات يغارون اما ابو منير ماكو مثله حنين وطيب اكثر واحد فرحان بزواجنا لأن منير راح يستقر.سالوني وين تروحون شهر عسل كتلهم ماعرف منير ميكولي مفاجأه شفت نفسي كلش طالعه حلوه وبسيطه مكياج طبيعي من اختيار منير الفستان والمركز وقاعه العرس خالتي خابرتني باركتلي جانت بالقاعه كالت تخبل عرسج راح يطلع اسطوري .
ناديه : جنت واكفه اعدل طرحه شجون وعيوني موكفت من البجي واخيرا راح ترتاح الله جازاها بواحد مثل منير رومانسي ويحبها اهوايه وهي كلش فرحانه اني اتزوجت قبلها بأسبوعين منير تكفل بمصاريف عرسي هديه شجون اليه.
شجون :ناديه كالت ابويه ورامي راح يدخلون يباركون الج اول مادخلو متحملت ركضت ابوس ايد وراس ابو رامي وحضنت رامي شكرته كالي الحمدالله شفتج انتي وناديه ابيتكم جان جايبلي قرأن وكلاده ذهب كال ولو شي بسيط سكته كتله انته مو بس زوج خالتي انته ابويه اللي رباني وهاي احلى هديه نزعت سيت الالماس ولبست الكلاده رامي كال اي شي يصير بيج خابر يني لأخر الدنيا اوصلج ودعتهم بدموع ابتسام طلبت من العاملات يرتبون مكياجي لان من البجي صرت باندا .
منير : جنت بالقاعه انتظر شجون وصلها ابوها وسلمها بأيدي كالي هاي اغلى جوهرة من ممتلكاتي سلمتها بيدك لان تستحقها خليها بعيونك ردت اضحك واكوله راح اسويها أرخص جوهرة باوعت على وعد جان يضحك ضحكت وياه جاوبتها متحتاج توصيه هي بعقلي وبعيني خلصت الحفله ورحنا للفندق لحد الان مباوعت بوجهها ماعرف شلون طالعه جانت ايدها بيدي ترجف بكلبي كلت هاي الغشيمه شعبالها ميت عليها كتلها حبيبتي بدلي خلي ننام ورانا سفر .
