The Empire Series 5: Vanna Lei Shrewd

Chapter 24: More Clouded

"What do you wanna know?" tanong ni Vanna nang makaupo ang kaibigan.

"What's with you and agent Rain?" diretsong tanong ng kaibigan sa kanya.

"What's with us?" she asked nonchalantly.

"May tension. I felt it. Sino siya sa buhay mo? Ex mo na iniyakan mo tapos pinabalik ni boss para makaganti sa 'yo?"

Napakunot-noo siya sa pinagsasabi ng kaibigan. Natawa siya ng mahina.

"He's my twin brother. May ginawa lang siyang hindi ko nagustuhan kaya naiinis ako," aniya. Kunot-noong tumitig sa kanya ang kaibigan at inarok ang katotohanan sa sinabi niya.

"Weh?" taas-kilay pa nitong sambit. Nailing na lang siya bago pinaandar ang sasakyan. Wala ba talaga silang gahiblang resemblance ni Von Liam?

"We're five siblings. 'Yong triplets saka kami ni Von Liam," sambit niya.

"Seryoso? 'Di kayo magkamukha," komento naman nito.

"Let's not talk about him," pagtatapos niya sa pagtatanong ng kaibigan. Nakuha naman agad yata nito na seryoso siya kaya hindi na ito muling nagsalita pa.

"Saan kita ihahatid?" tanong niya matapos ang ilang minutong katahimikan.

"I actually want to tell you something kaya kita sinundan," tugon naman nito. Wala rin naman siyang pupuntahan kaya kinabig muna niya ang manibela at ipinasok sa parking area ng isang coffee shop.

Cristina didn't talk until their orders arrived. They both ordered large milktea and a pan of Swedish cheese stuffed bread each. Gano'n sila kalakas kumain kahit na 'di masyadong kalakihan ang katawan nila pareho. They both have high metabolism.

"Ano 'yong sasabihin mo?" tanong niya bago nito umpisahang kumain.

"Ano ba'ng uunahin kong sabihin?" natatawa nitong sambit. Nagkibit-balikat naman siya.

"Si boss kasi mukhang galit 'di lang sa 'yo pati sa akin kaya yata tayo dine-demote," natatawa nitong saad. She actually felt demoted, too, for being a spare tire in Rain's team.

"What made you say so?" tanong na lamang niya. Nagi-guilty rin siya na nadamay ang kaibigan dahil sa kanya.

Huminga naman ito ng malalim bago tumitig sa kanya.

"Kasi noong gabi na huhulihin namin si Mr. Lee, noong tinutudyo kita na namimiss mo si singkit?" She bit her lower lip before continuing.

"Hindi talaga ikaw ang tinutudyo ko, si Boss. Kasama kasi namin siya noong kausap kita," kuwento nito. Her forehead creased. She didn't know that. Paano nga naman niya malalaman, naka-concentrate siya ng mga panahong iyon kay Clyde. She inhaled deeply remembering Clyde's face while sleeping.

"Joke ko lang naman kasi iyon pero mukhang na-badtrip talaga siya tapos narinig pa namin na nandoon pala si Clyde sa party," dugtong ng kaibigan.

Her mic and speakers were on during that time. Malamang ay narinig ng mga ito nang ipakilala ng daddy niya ang maglolo.

"Worst, narinig pa niya noong tinanong ng Daddy mo na, what's with the Lee?" pagpapatuloy nito. Napalunok siya at inalala ang eksenang iyon. She could even imagine Cloud's jaw clenching.

"So parang pati Daddy mo napansin ang malagkit na tinginan ninyo ni Clyde?" natatawa nitong dagdag. Kahit nag-alala ay may himig panunudyo pa rin sa tinig nito. Cristina will always be Cristina.

"Bakit mo naman nasabing nagalit siya dahil doon?" tanong niya rito.

"Bigla kasing umalis. Akala nga namin pinuntahan ka niya," tugon ng kaibigan. Napailing siya. She tried to remember everything that happened that night.