هنادي

القصة بقلمي اني #zainab_alnajar🙈 اريد رأيكم بالبداية حتى اكمل وشنو توقعاتكم

- صح النور باباتي سويت كيكة تعال بالحديقة اصيح ماما
- اي بابا اجيت .. عاشت ايدج بابا اليوم متحمسه شنو السالفة
- بابا عندي طلب حبيبي
- مو اگول هالدلال مو خالي وكيك وترتيب هههههه اذا تريدين تطلعين ترى ما اگدر گولي لأخوج حسن
- لا لا بس اريد اتعين والله مليت بابا وعندي افكار هواية بلكي تشوفلي واسطة من معارفك
- ولو اني رافض فكرة الواسطة بس مايخالف اشوف عمج ابو خالد الله كريم

هنادي
من بغداد البنت الوحيدة بعائلتها عمرها 27 متخرجة من كلية الاداب قسم لغه عربية وعدها ثلاث اخوان اثنين منهم اكبر منها ومتزوجين وگاعدين كل واحد بيت .. ابوها اشترى ارض كبيرة وبنا عليها بيت الهم والاخوته كل واحد بيت يصيرون قريبين عليه اخوها الكبير علي ظابط بالشرطة رتبته رائد وزوجته بنت خالتهم ندى وكلش صديقات هي وهنادي وعنده اطفال اثنين ولد وبنيه واخوها الثاني احمد محامي وتزوج قبل فترة بنت كان يحبها من الكلية اسمها هالة وبعد ماعنده اطفال واخوها الاصغر منها حسن يداوم كلية صيدله مرحلة رابعة
هنادي مثلها مثل كل الخريجين تخرجت وگاعده بدون تعيين بالبيت .. تحب اللغة العربية بشكل كبير وتحب القراءة وتكتب شعر وخواطر بس محد يقراهم غيرها
ابوها انسان مثالي هو مهندس متقاعد وامها ربه بيت دائمًا كان والدها مثلها الاعلى وامها برغم حنونه بس تعليمها على گدها ماكانت تفهمها لهنادي والدها اقرب عليها برغم هي تهابه وتحسبله الف حساب .. اخوانه يحبوها كلش ومثل اي بنيه بالكلية صارحوها هواية رفضت الفكرة كانت دائماً تفكر بعقلها من يصارحها شخص حتى وان كان هدفه شريف ويريد يتقدملها هل ممكن اهلها يقبلون بي !! ماتريد تورط نفسها وقست على روحها بمواقف كثيرة ان تميل لشخص بعدين تفكر بأهلها وان كانوا يحبوها بس مستحيل يقبلون بشخص اجاها عن طريق علاقة حب وهاي طبيعة مجتمعنه فعلاً لو شگد تطور .. هي مو ضعيفة شخصية بس ممكن مهابه وحفضت سمعه اهلها
هنادي تشوفوها ملامحها عادية طويلة تقريب 170 وجسمها مليان شوية يعني انوثة واضحة.. حنطاوية على بياض وجها صافي وعيونها عسلية فاتح وعدها شامة بخدها مرحة وجادة بنفس الوقت تحب التواصل واغلب اقاربهم ومعارفهم يحبوها دائمًا مبتسمة .. تقدمولها هواية وبين رفضها ورفض اهلها واسباب مختلفة قسمتها بالزواج بعدها ما صارت
رأيكم حتى اكمل 🙈