#هنادي
الجزء11
#zainab_alnajar
_اگولج ماما .. اذا بابا تزوج عليج شتسوين
_ صارلج شگد ساكته وتالي حجيتي هالحجايه .. شبيج بالله هذا هم سؤال
_ اي دجاوبيني .. شتسوين
_ يوم واحد ما ابقى بالبيت لو اكو سبب اتحمل بس شو مدللته وعندي ولد وما شاء الله صحة عندي شيريد بعد
_ اي ماما الله يخليكم لنا
طلعت بالحديقة وندى يمها ..
_سمعتي هاي ماما الكبيرة واولادها كبار ماتتنازل عن زوجها شلون بنيه صغيرة ومامقصرة بشي تقبل .. يعني تخيلي علي يسويها ندى شنو شعورج..
_ يمه غير اموته واموتها ..
_ واني مستحيل ااذي بشر اخذ سعادتها على حساب سعادتي
_ القرار الج هنادي وانتي عاقله مراح تغلطين
...
..
كم من قلوب تعلقت بقلوب وكم من ارواح تسافر لتبحث عن توأمها .. ترتفع وتبعد كثيراً لتصحو على واقع اسمه النصيب وحقيقة اسمها القدر... لن تكفي الاحلام والامنيات ستبقى سجينه في اقفاص الصدور
غلقت دفتر خواطرها واخذت قرار راح تنفذه ..
_ بابا ممكن تگوله العمو ابو خالد ينقلني من هاي المدرسة او حتى اذا تنسيب
_ ليش بابا اعتقد مايصير لازم تبقين ثلاث سنوات
_ المدرسه بعيدة بالاطراف والطلاب ولد تعبت بابا .. اكيد يگدر ينقلني وگوله ادفع فلوس عادي اريد قبل لا يبدي الدوام مادام عطله صيفية
_ ماشي بابا اگوله
..
والدها بلغها ابو خالد يگول تروح تقدم تنسيب وهو راح يتصرف من يمه .. وراحت هي وحسن قدمت تنسيب .. هاي جانت اول خطوه تحتاجلها قوة وعزيمه.. المكان الي جمعهم بأحلى ذكريات .. كانت حزينة لان العطله اجتي وتحسبها شوكت تخلص . هسه هي راح تبتعد كرهت ضعفها وهي تشوفة گدامها
..
مفتقد حياتي ..
حياتي كل معنى مابيها
منو غيرك روحي يسليها ..
انت سلوتي وكل دنياي
وبس حزن فراگك وياي
قصتي ماتنحجي المن احجيها
ما مل عمار وهو يكتب كل ليلة ويراسلها حس بحياته شگد فارغة وهي مبتعده عنه .. جان يحس بيها .. يمكن تگولون جنون بس عمار جان يحس اذا هنادي تبكي.. واذا يخنگها النفس وصدق من كتب .. قصته ماتنحجي المن يحجيها .. يجوز هنادي تحجي الندى.. هو ماعنده غيرها يشكيلها منها عليها .. النهار يشغلهم .. بس الليل طويل وطعم الفراگ هوايه مر .. يصير عاجز وهو مشتاق منين يجيبها ويشبع شوف منها .. شگد حلم بحضنها .. جان متأكد حنين ودافي . حلم يخلي راسه على صدرها وينسى همومه .. وينسى هو وين وهو منو .. يريد يعاتبها ليش ما اجيتي من زمان لحياتي .. لو كان القدر مايريد يجمعنه ليش خلاج بطريقي
