#هنادي
الجزء الثامن
#zainab_alnajar
كله منها الطويلة
حبها سابي گلبي
وهاد حيله
كله منها ام عيون الكحيله
اسير بهواها ومابيدي حيله
فديت الطول وفديت عيونها
يوم واحد ما اعيش بدونها
جانت طالع كلش حلوه بفستان بيجي واحمر والي محليها ضحكتها لأن من گلبها
وصلتها الرساله وهو گاعد گبالها يباوع عليها بغرفه المدرسين وهي تقرأ و تبتسم وتذكرت قبل ايام من سمعت كلمة احبج منه لأول مرة
احبج هنادي .. احبج وبس والله ماعندي غيرها .. ولا رايد مقابيلها شئ منج
تدرين شنو انتي عندي !! انتي مثل نجمة بالسما اريد اوصلها وخايف .. هنادي احبج مو مثل كل المحبين .. حبي هواية مختلف .. باوعيلي اريد اشوف عيونج .. اريد اسمع صوتج .. تدرين شگد احبهن .. عيونج دنيتي كلها واموت من اشوف بيهن عتب .. وصوتج صار دواي حتى اگدر اغفى بالليل .. هنوده احس هذا حلم .. معقوله حجيت الي بگلبي اني !! .. فدوه احجي حتى اصدك
_ عمار
_ عيونه
_ احبك
_ يا روح عمار انتي .. يا اجمل نسمه مرت بحياتي ..
*****
الابتسامة مزينه وجهم اثنينهم محد يعرف سببها غيرهم .. هنادي الي جانت رافضه فكره الحب .. حب عمار ملئ گلبها وروحها .. وعمار لحد هاي اللحظة ماحاجيلها شي عن حياته .. غير ابوه شهيد بحرب ايران ويعشق والدته متعلق بيها كلش عنده 4 اخوان واخت وحده وهو اكبرهم ولحد الآن ماتعرف شيريد من حبه هذا وهي تخجل تسأله .. صح همه بمنطقة وحدة بس فرعهم بعيد يعني اخوانها يعرفوا بس كعلاقة نساء امها ماتعرف عائلته .. بقى يومية يوصلها اخير وحده ويسرق هذه اللحظات من الدنيا يريد يشوفها ويحاجيها لان ما يتصل عليها بالتلفون على گد الرسائل ويسمع كم كلمة اوكسجين حتى يرتاح ويروح برغم هي ما مانعته من الاتصال بس هو ما يتأخر ومرات تگول هيج احسن ماتريد تسوي شي من وره اهلها وتحس بذنب .. فرحانين بحبهم واثنينهم يحسون نفسهم مراهقين من جديد ..
_ الو
_ حبيبتي هنوده افتحي الشباك
_ شبيك عمار ههههه حلمان الساعة وحده بالليل
_ بس افتحيها
_ اوك صار
_ هاا شفتي
_ اي .. هذا الگمر جمعنه وحسيت عيونك گدامي
_ هذا الي يخليني احبج يوميه اكثر .. تفهمين شكو بگلبي بدون ما احجي ونفس كلامج جنت اريد اگوله.. اشتاقيتلج هنادي ومن شفت الگمر ردت تشوفي .. هسه احنه اثنينه هناك يمه المس خدج وشعرج الناعم .. اخذج بحضني اضمج حيييييل واشم ريحتج اتمنى افتح صدري واخبيج هناك محد يشوفج غيري .. لاتنزلين عيونج ابقى شوفي گمرنه خلي جامعنه هاي اللحضات
_ شمدريك نزلت عيني
_ ما اعرف .. تصدگين اذا گلتلج حسيت .. مجنون مو
_ خجلني كلامك واني احسك مقابيلي وتحاجيني ماگدرت الا انزل عيوني
_ ابقي باوعيلي هناك حبيبي هنادي بعمري محبيت هيج ..
_ عمار .. تحضني بس بأحلامك ترى مستحيل اقبل بالواقع .. اني اخاف رب العالمين وهذا الشيء اذا صار خطأ
_ واني مستحيل اسوي شي يغضب رب العالمين وااذيج بي .. ان شاءالله اخذج بحضني بالحلال .. بس اريد طلب منج
_ اممم گول
_ لا تتخلين عني ولا تكرهيني بيوم
_ ليش تگول هيج عمار .. احس مخبي شي عني
_ راح تعرفين كلشي .. لازم اروح
سمعت صوته يمه گالت اكيد هاي والدته
_ اخذ راحتك تصبح على خير
_ احبج
_ 🙈🙈 احبك عمار
_ يا بعد گلب عمار وروحه
