صار العصر واجتها ست انتصار .. _ شوفي هنادي اني وسطني كرار يريد رأيج حتى يتقدملج _ هاي شتگولين معقوله كرار _ اي والله الولد معجب بيج وبصراحة مايتعيب وهو هالواحد لأمه والدي متوفي واخواته متزوجات وشكله حلو و عنده راتب وعائلته سمعتهم طيبة بعد شتريدين _ انتي فاجئتيني بصراحة صح منتبها على نظراته بس ماتصورت اعجاب لان اني اكبر منه بسنتين هو اكيد خوش ولد ومايعيب بس .. ماتعرف هنادي ليش بلحضتها اجه عمار على بالها _ بس هو ما اهتم للعمر المفروض انتي هم ماتهتمين _ والله بالعكس العمر يهمني .. يمكن تكوليلي شيء خطأ بس الافكار تختلف بين شخص وشخص يمكن انتي تشوفي شيء عادي بس اني اريد انسان يعلمني مو اعلمه وشئ ثاني اني حاسه ست ورود معجبه بكرار _ حتى اذا معجبه بي هو رادج انتي لاتفكرين بغيرج وفكري بنفسج وانتي جاي تكبرين ابتسمت هنادي _ يعني من تعديت ال 25 كبرت بنظره الناس _ لا حبيبتي مو قصدي اجرحج بس .. فكري بالموضوع _ ان شاءالله افكر باجر الصبح اگولج قراري ولاتگوليها لست ورود حتى لاتنقهر واني بعدني ما ماخذه قراري وراحت ست انتصار وخلت هنادي بدوامه تفكيرها .. صح الولد مايتعيب بس مو الشخصية الي تحلم بيها. .. تريد انسان مثقف .. يمكن تگولون شدعواها هنادي بس لازم يكون التفكير عميق واكبر مثال الها امها وابوها من وهمه اطفال تصير مشاكل بيناتهم وكبرت وعرفت الاختلاف الثقافي بعمرها امها مافهمته لوالدها .. برغم كرار خريج كلية بس مو هو الشخصية الي بالها هذا مو،معنى هي تنتقص من شخصيته وفعلا هو خوش ولد تتذكر قبل فترة صار نقاش على موضوع بالمدرسة كرار ماعرف يحجي كلمة . زين خلي نگول هذا مو مبرر بس تعرف زميلتها تحبه وراح تكسر گلبها وهنادي مستحيل تأذي بشر حتى لو على حساب نفسها .. وبوسط كل هذا صورة عمار گدامها وصوته من صاحها بأسمها اه هايهية اخذت قراري خلاص...
اخذت تلفونها وبدأت تكتب عدها مدونه وتكتب خواطرها ومرات تكتب بدفتر ( الى متى صمتك يا هذا.. تربكني نظراتك تبعثرني .. هل حقاً اريدك ان تنطق !! لا لا ان كانت نظراتك تفعل بي كل هذا فكيف بكلماتك ) اخذت قرارها وثاني يوم الصبح اجوي عليها بالسياره عمار وست انتصار ورود _ ها هنوده شگلتي فكرتي زين ؟ _ اي فكرت هواية بصراحة ما اگدر فكرة اصغر مني مامتقبلتها وماريد اكسر گلب ورود اتمنى يشوف لأحسن مني وبعمره ليش يأخذ اكبر .. طبعاً يحجون بصوت ناصي حتى لا تسمع وجانت اكو عيون منتبها عليهم عيون عمار يعرف بشنو ديحجون وخايف من قرارها _ ترى الفرق مو،هوايه وعلى العموم هذا قرارج حبيبتي وان شاءالله ماتندمين بعدين _ گوليله لا يزعل مني وهذا الشيء مايأثر على تواصلنه وخليها الشغله بيني وبينج حتى هو هم ماينجرح _ ماشي عيني على راحتج ست انتصار بلغت كرار بقرارها كلش انقهر وحتى حسته حقد عليها عمار بس راد يعرف شنو قرارها واخذ كرار طلعوا يتمشون وسأله وجان طاير لان رفضت بهذا اليوم تقريب الساعة 10 اتصل ابوها الهنادي عليها وكان يبجي _ بابا حبيبي شبيك بس فهمني .. صدگ بابا گولي الصدگ خوما مات وهنادي منهارة وتبجي وتعيط .. تجمعوا المدرسين _ استاذ عمار الله يخليك وديني للمستشفى اخويه حسن بالكليه وصاير انفجار ومتصوب .. واذا ماتگدر اخذ تكسي راح عمار على المدير استأذنوا وطلعوا والطريق كله تبجي طبعاً فتحلها الباب الاماميه صعدت يمه .. وكل شوية تتصل على واحد من اخوتها تخاف يكذبون عليها واخوها مات وصلوا للمستشفى ونزلت تركض نزل عمار وراها وشافت اخوتها وامها وابوها كلهم يبجون خايفه يكولولها مات بس طمنها اخوها علي گالها هو بالعمليات شضيه بطنه عمار سلم عليهم كلهم يعرفهم اولاد منطقة وحدة .. شويه وطلع الدكتور گالهم سوينه لعلينه وننتظر كم ساعة يعدي مرحله الخطر بقى الكل يدعون ويبجون الى ان طمنهم الدكتور هو بخير ويحتاج راحة رجعوا للبيت وبقى اخوها احمد وياه دخلوا يرتاحون وهنادي اجتي تنام تعبانه وراسها يأذيها من گد ما بجت اجتي دور على تلفونها ماكو لا بالجنطه ولا بأي مكان يارب بس لا ضاع بي كومه صورها .. بس هي مراحت مكان معقولة بالمستشفى لا يارب نزلت اخذت تلفون والدها وتتصل على جهازها يدگ ومحد يرفعه عمار كان بالحديقة ويدخن وماجايي نوم ويسترجع كلشي صار اليوم شلون جان فرحان من رفضت كرار وشلون اخذها وياه بالسيارة وشگد اذته دموعها .. سمع صوت تلفون بس مو تلفونه غير رنه بقى يتبع الصوت طلع بسيارته عرفه تلفون هنادي فتح الخط وجاوبها _ السلام عليكم بدون زحمه هذا تلفوني منو انت رجاءا ممكن ترجعليا _ اهلا ست هنادي .. لا تخافين اني عمار .. الضاهر من كنتي تتصلين بي وگع وكنتي مستعجله _ شكراً استاذ طمنتني .. باجر ادز واحد من اخواني عليه لان ما اگدر اداوم تعرف الوضع وان شاءالله اتصل بالمدير _ لاتهتمين اني اگوله والتلفون اني اجيبه الج شلون صار حسن _ شكراً والله خجلانه منك هواية اكلفك .. الحمدلله حسن تجاوز الخطر سمعت صوت مرأة تصيحة .. استاذ اخذ راحتك تصبح على خير وسدته ياترى منو هاي يجوز امه او اخته .. يلا المهم طمنت التلفون يمه واهم شيء مسويتله قفل ماتعرف هو انتبه بدون قصد على القفل من كانت تتصل بأهلها
عمار اخذه الفضول يستكشف تلفونها حاول يمنع نفسه وهاي خصوصية بس غلبه گلبه الي يريد يعرف اي شيء عن هاي الانسانة فتح مدونتها وشاف الخواطر تعجب من كمية الحنية البين سطورها وتوقف عد اخير مدونه كتبتها ياترى تقصده هي حاسه بي !! بدأ يشوف صورها تجرأ وسمح النفسه وشافها بدون حجاب شعرها كاري سرح واسود ونازل على عيونها .. عدها ضحكه تسحر وعجبته اناقتها كانت صور بحفله بنطرون وتنوره قصيرة وهي طويلة .. ولك عمار شدتسوي استغفرك ياربي هاي امانه عندي ترك الصور وراح يشوف ذوقها بالاغاني تحب الاغاني الهادئة الراقية وشاف عدد كتب هواية بتلفونها واكو كتب قاريهن هو .. كلشي بتلفونها ممتع يتمنى مايرجعة بس شلون اخير شيء كره نفسه اقتحم خصوصيتها قرر يغلقة وقبلها سجل رقمها عنده لان لهاي اللحظه ماعدها رقمه واخذ صورها خلاها بتلفونه بس اختارها بالحجاب .. وغلق التلفون وشگد حاول ينام ماگدر وعقلة يسترجع كلشي وشراح يسوي ملكت قلبه وعقله هالبنيه
رأيكم فديتكم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
