#هنادي
الجزء 13
#zainad_alnajar
الكل مشغول وضوضاء بيت عمار .. اليوم حفله مهر لينا وحسن .. لينا قبل شويه اجتي من الصالون طالعة اميرة بدلتها ذهبي ومكياجها وشعرها وكلشي بيها حلو .. رادت تغير الحذاء طلبت من هنادي تصعد وياها الغرفتها لان شافتها بعدها ما لابسه فستانها مشغوله بتزيين كوشه العرسان وتحضر التقديم ونست نفسها ..
هنادي لبست فستان ماروني طويل مفتوح من فوگ ومكياجها هالمره مو هادئ عيونها سوتها سموكي واحمر الشفايف لون احمر كرزي وسوت وشم مؤقت على رقبتها .. كلش حلوه طلعت .. بدأت الحفله وهي بعدها بغرفه لينا .. اجتي عليها سارة تصيحها
_ يالله هنادي اخوج اجه حتى تنزلين
_ اي هسه جايه
_ ان شاءالله على گصه لينا ينفتح نصيبج وتتزوجين
_ ومنو گلج نصيبي ماكو
_ لعد ليش ماتقبلين ياحضي مو تكبرين بعد ماتجيج قسمة وحتى خلفه هم بعد ما تصير عندج
_ اهاا شكراً للنصيحة ام ياسر راح افكر بيها ان شاءالله
راحت سارة وتركت هنادي دموعها تنزل .. شأحاجيها هسه .. ماحست الا الباب انفتحت ودخل عمار وقفلها واخذ المفتاح
_ عمار 😰 شتسوي هنا اطلع الله يخليك اخاف احد يجي .. وتمسح دموعها حتى لايشوفها .. مو گالت سارة طلعوا كلهم شرجعك .. انطيني المفتاح خلي اطلع اني ،، وادور على شيء تستر بي فستانها
_ لاتبجين اني اعلمها اليوم
_ منو هي وعن شنو تحجي
_ سمعت كلام سارة وياج .. نسيت هويتي رجعت اخذها بدون قصد سمعت كلشي
_ عمار صدگني اذا حاجيتها او اذيتها تنساني ساعتها من صدگ.. اني ما انقهرت منها اعرف بيها قله وعي ومن حجت يجوز بحسن نية
_ بس بكيتي من وراها .. حتى ماتلوميني
_ ما بكيت وينها دموعي ،، تمسح بعيونها ،، وابقى الومك وارجع اكولك هاي خطأك مو خطأها تحمل نتيجته
_ لشوكت اتحمل هنادي يعني تبقين حسرة بگلبي لما اموت
_ اسم الله.. ،، اندارت هنادي مارادته يشوف دموعها وماحست الا حضنها من وره ويشم بشعرها ورقبتها حست بلهفته بحضنه ايده قوية يريد يضمها حيل همس يم اذانها
_ اااه هنادي احبج .. ،،حس برجفه جسمها بين ايديه،، .. شگد حلوه طالعة حبيبتي ..
_ اني مو حبيبتك سارة حبيبتك
_ حتى الكلمة حرام عليه اگولها .. .. كل هذا همس قريب عليها .. دارها عليه ويباوع بعيونها وبهمس اميرة گلبي .. حبيبتي... وروحي وايده على خدها وبدأ يلمس شفايفها قربها عليه .. وسمعوا صوت الباب .. وياسر يصيح خاله هنادي يصيحوج .. دفعته العمار ساعتها حست بخطأها ..
_ عمار جنت تگول ما المسج الا بالحلال شنو معناه الي صار .. واني هم خطأت
_ هو وينه الحلال هنادي وينه والله مو بأيدي .. اااخ احبج هنادي ما امل منها ابد وابقى احبج لحد ماتحنين عليه ،،
_ انطيني المفتاح عمار .. ولا تبقى تنتظر
نطاها المفتاح شافت المنديل مالتها بجيبه ..
_ لاتستغربين اي وين ما اروح ويايه
_ راح اجيبلها السارة نفس العطر مالتي يومية احضنها الها هي تستاهلك مو اني .. واخذت المفتاح جان ياسر واكف ينتظرها بس ماشاف ابوه وياها عمره 6 سنوات باسته واخذته ونزلت وعيون عمار تابعها لما كمل الدرج .. رفعت راسها شافته وبحركه وحده بنفس الوقت مسحوا دموعهم
