هنادي

اعتراف

#هنادي
الجزء السابع
#zainab_alnajar

شراره حب من عينيك تأسرني
سيدي
يا امير قلبي
وسلطان روحي
قربني اليك خبئني بأعماق قلبك
تشبث بي ولا تتركني
فَ بك احيا وبدونك مماتي

بدأ العد التنازلي لنهاية السنة الدراسية وما بقى الا ايام قليلة للأمتحانات
كرار و ورود نخطبوا وجانوا فرحانين ومثل طيور الحب .. ورود تغيرت وصارت تحب هنادي بعد ماعرفت موقفها .. وهنادي فراشة وطايرة بين زملائها وطلابها الكل يحبها ويحترمها حتى المدير ..
اقترحوا يطلعون سفرة بعد الدوام بمناسبة خطوبة زملائهم وياخذون الغداء لمرسى الاعظمية جان الجو حلو وكل وحدة سوت طبخة هنادي ورود وست انتصار .. تغدوا وتشاقوا وضحكوا وجابوا كيكه الكرار ورود وسوولهم حفلة .. هنادي هذا اول يوم يشوفها عمار لابسه بنطرون وتيشيرت .. هي مو ماتلبس بنطرون بس دائما تگول لكل مكان لبس وهي بالدوام وياها مراهقين كانت نبها لكل شي وهم ملابسها جانت حلوه مستره مايگدر يبعد نظره عنها .. الله شگد حلو طولج هنوده .. يحاجي گلبه ويجر حسرات .. يتمنى يأخذ ايدها ويفتر وياها يمشون ويگعدون ويلعبون... يريد يشحن بطاريه روحه بشوفتها .. يريد كل حركة تنطبع بعيونه ومن يغمض يشوفها
راح الكل يتمشون وطبعا هنادي وعمار وياهم .. اتفقوا يصعدون بلعبة وهم واگفين ينتظرون دورهم كانوا واگفين واحد قريب على الثاني شبيك ايدها بأيده بكل قوته ياخذ جرعة مسكن منها بدون محد ينتبه .. وهي هم التزمت الهدوء مارادت تسوي حركه تخلي احد ينتبه عليها ورادت تتمتع بأحساس اخذها للسما تريد تبقى هناك وماكو شي من الواقع غير رجفه اجسادهم
صار دورهم وتفرقوا غصب عنهم .. صار وقت الغروب جان لازم يرجعون لبيوتهم وهي هم اهلها اتصلوا بيها بس رادت تشوف الشمس وهي تغرب طلبت يتاخرون شويه .. واگفه قريب المي وتشوف الشمس تغرب
_ تحبين الغروب لو الشروق اكثر .. عمار تقرب يسألها
_ احب الغروب
_ ليش
_ احب هدوء الليل بعده ..
_ تحبين الليل ؟ .. تسهرين .. ؟
_ احب الليل واحب السهر .. احس كلشي ساكت .. ويسمعني
_ رقيقة هوايه هنادي .. احب الليل مثلج وهسه صرت احبه اكثر .. انتظر يجي الليل واخذ اوكسجيني من صوت بعمري ماسامع مثله
هنادي باوعت عليه هو نصه راسه وگالها
_ يلا نروح .. تأخر الوقت
لا يا عمار خيبت ضني .. انتظرتك تحجي .. الاحساس مايكفي لوحده .. لازم اسمعها
_ اي صح استاذ تفضل خلي نروح ومشت قبله راحت ويه ست انتصار لسيارته و ورود صارت تروح وتجي ويه كرار
******
وصلها للبيت وهي تباوع على الشارع مو مثل كل يوم يسرقون نظرات بالمرايه ونزلت دخلت للبيت بسرعة بدون حتى ماتسلم عليه .. حست يلعب بمشاعرها واحساسها .. لشوكت يبقى ساكت .. يجوز احساسها خطأ .. كان هذا يوم خميس .. رادت تريح بالها .. غلقت تلفونها ماتريد لا رساله ولا اتصال تزيد مشاعرها اتجاها
عمار راح ينجن يتصل وهنادي ماكو .. حس بيها مقهورة منه .. وتأنيب الضمير ياكل بروحه .. مرت الجمعة وهذا السبت وهو مثل طفل وضايع من امه .. حتى على الفايبر واتس آب ماكو .. اخير شي دخل لصفحتها على الفيس .. شاف منشور جديد عدها قبل ساعة ..
صمتك يؤلمني سيدي .. اما تعبت منه ؟
أخاب ضني !! .. ام انا من اخطأ الاحساس
أ لعنه انت تلاحقني .. ؟!!
كيف تكون لعنة وانا على عينيك ابدا وانتهي ..
دمعه عيونه لهلحد هو مأذيها .. رقيقة وما تتحمل .. يتمنى يگولها مو بأيدي .. يتمنى يبوح الي بگلبه.. مو بس انتِ تعبتني مني اني تعبت من نفسي هنوده
دزلها طلب صداقة .. وكتبلها رسالة على الماسنجر.. ماكو رد .. شأسوي يااارب
العصر راح قرب بيتهم بس يريد يشم هواها راد يدگ الباب بأي حجه بس معقوله تفتحله هي .. وصل يم بابهم واخوها حسن جان واگف سلم عليه وحسن گله تعال نشرب چاي بالحديقة ودخل بس يريد يكون قريب منها .. دخل حسن يجيب الجاي وهو عيونه على غرفتها فوگ
هي شافت الرسالة على الماسنجر وماجاوبت التفكير تعبها .. چانت بغرفتها وسمعت صوت بالحديقة .. يارب هاي شنو تخبلت صرت اتخيل صوته .. فتحت البرده .. صارت عينها بعين عمار بسرعة سدتها .. ماجانت غلطانه هذا صوته .. اي يجوز اجه يشوف حسن كافي تخيلات ما معقوله جاي علمودي ..
انتظر شوية عمار ضن من شافته تجي تسلم ويكحل عينه بشوفتها .. بس هنادي ما اجتي
الي ماتعرفوا هنادي هواية قويه من تصمم على شيء.. وهالمرة رادت تستعمل قوتها وتتحمل
******
ذبيت ثوب الغرور وجيتك بطرگ الاشواق
دخيلك حبيبي فراگك شلع گلبي

اشتاقيت للحلوه انا وشوگ الگلب فاض
وداير مداير دارهم لشوگي بنيت احواض
واگف براس الفرع وعيني على الدار
شعجب مابينت لا جتي منها اخبار ..

مو حلوه الحياة بدون محبوبي
عگب عينه الليالي هواية وحشه

كل هاي جانت رسائل بأوقات مختلفه الأخيرة بليله جيته لبيتهم شافتهم هنادي من فتحت تلفونها الصبح تروح للدوام .. دمعت عيونها وهي تقراهم .. ليش ماتحجي لعد وتخليني بشك وحيره... اجوي عليها بس گالت صباح الخير ساكته ومبين عليها السهر وتحاول ماتباوع على عمار ست انتصار گالتلهم اليوم ما ارجع وياكم عندي شغله مهمه واطلع من وكت... النوب هنادي ضلت حايره شلون ترجع لوحدها ويه عمار .. مر الوقت وهي متوترة طلبت من ورود ترجع وياها اعتذرت كالتلها راح يطلعون يشترون الاثاث لان مابقى على عرسهم هواية من تخلص الامتحانات بعد كم يوم
اخير شي جان مدرس وياهم بيته بقريه على طريق المدرسة سمعته يحجي ويه عمار يگول اليوم سيارتي عاطله بلكي توصلني وياك عاد ارتاحت شوية
وطلعوا يوصلون استاذ عدنان البيته .. الطريق جان ترابي شويه بعيد عن الشارع العام حلو كله مزارع وخضار وهوا نقي .. عزمهم يتغدون وعمار رفض علمود هنادي امانه عنده ويخاف تتأخر على اهلها .. وبعد ماعجبته المنطقة اجتي فكرة على خاطرة
_ تعالي گعدي يمي هنادي
_ خليني هنا مرتاحة
_ بس اني مو مرتاح .. بعدين شنو اني تكسي .. وابتسم وحاول يلطف الجو
_ لا العفو واذا دا اسوي زحمه عليك اگدر اشوف سيارة توصلني
عمار صار عصبي _ انتي شدتحجين .. منو گلج اخليج تروحين ويه غيري... ااااه تعالي گعدي يمي وخلصيني حتى نطلع
تحولت هنادي گعدت بصفه ساكته ماكو ولا كلمه وتباوع بره ماتريد تركز وياه .. فجأة وگفت السيارة
_ ليش وگفت خلي نروح نتأخر استاذ
_ الف مرة گلتلج گولي عمار .. جان عصبي نار .. برودها راح يخبله
عيونها دمعت بسرعة... _ ااااه هسه ليش تبجين تعالي نزلي نزل وفتحلها الباب
_ خلي نرجع للبيت الله يخليك انت ليش هيج تسوي بيه
_ هنادي ..رفع راسه للسمه.. اسف .. انزلي اريد احجي وياج لا تخافين مانتأخر
_ ماشي .. تفضل
جانت مزرعة حلوه ويمها نهر صغير و ماكو ناس .. جان اكو راعي بعيد عنهم
_ هنادي
_ امممممممم
_ اريد اشوف عيونج ليش تصدين عني
_ شتريد مني عمار.. ورفعت راسها وصارت عينها بعيونه
ساعتها راحت كل كلمه ونسوا اي حرف عيونهم تحجي الي بيهم .. اثنينهم عيونهم مدمعه بس عمار سيطر ومانزلت دموعة وهنادي خانتها ونزلت .. بس عمار نجن من شافهن ..
_ااااه هنادي .. ما استاهل دموعج
نصت راسها مايريد يشوف دموعها وخصوصاً لان عرف سببهن هو
عمار تجرأ خله ايده على خصرها والثانيه رفع راسها وخلاها على خدها ومسح دموعها حس برجفه جسمها وانفاسها قريبة منه بس هو اكثر منها عمار حس بنفسه شگد ضعيف وعاجز گدامها وما يعرف شلون دموعه نزلت مثلها .. هي شافت دموعه تفاجأت .. اول مرة تشوف رجال يبچي معقولة يبچي من ورايه .. مدت ايدها تمسح دموعة هو بلمستها النوب انتهى وزادت دموعة .. ماتعرف هي هاي دموع حسره عليها وحبها الملكة وهو عاجز گدامه
همس عمار.. _ هنادي
_ امممممممم
_ احبچ .. هنادي احبچ

رأيكم يهمني ..