Trapped (Book 1)

Kabanata 30

Kabanata 30: Stay Away

Ibinuhos ko ang buong atensyon ko sa pag-review. Masyadong maraming requirements ang tinatapos namin as a graduating student. Halos hindi na rin kami nakakakain ni Jean sa tamang oras pero hindi naman namin hinahayaan na lumipas ang isang araw na gutom kami.

"Oh? Ba't 'di ka naka-uniform?" Tanong sa akin ni Kuya Led pagkalabas ko ng kwarto.

Nakaupo ito sa sofa habang nakapatong naman sa kanyang hita ang kanyang laptop. Ngumiwi ako nang makita na naman ang suot nya.

"Mag-short ka nga kuya!"

Kumunot ang noo nya bago tumingin sa kanyang suot. "It's a boxer short. What's wrong? Lagi namang ganito ang suot ko pag nasa bahay, ah?" Naguguluhang sinabi nya.

Pumunta ako sa lagayan ng sapatos at kinuha ang converse shoes ko bago tumabi kay Kuya Led.

"Baka biglang may dumating tapos nakaganyan ka lang," sabi ko habang nagsisintas ng sapatos.

"Edi swerte sila," Mahina syang tumawa. Muli kong narinig ang pagtunog ng keyboard ng kanyang laptop dahil sa bigat ng pagpindot nya do'n.

"Hindi ka ata papasok?"

Sumandal ako sa sofa at tumingin sa kanyang laptop. Mabilis na iniwas ko rin ang tingin ko do'n nang makita ang mga nakakahilong numero.

"Pupuntahan namin ngayon ang magiging venue namin for Recollection."

Ngayon kasi naka-sched ang appointment namin sa may-ari ng isang resort sa Baguio. Pupunta kami ngayon kasama ang ibang representative ng ibang course.

"Wow! Masaya 'yan!"

"I know."

Napatingin ako sa pinto nung bigla itong bumukas. Pumasok si Jean na nakasimpleng kulay buting blouse na tinernohan ng ripped jeans.

"Hi!" Masaya nyang bati bago napunta kay Kuya Led ang kanyang tingin. Nakita kong natigilan ito.

Mabilis na tumayo si Kuya at halos tumakbo papasok sa kanyang kwarto. Namula ang mukha ni Jean. Sabi ko na nga ba at mangyayari ito.

"You should have knocked first!" Sigaw ni Kuya Led sa loob ng kwarto nya.

Aawang pa lang sana ang bibig ni Jean para sumagot ay umiling na ako sa kanya. Baka humaba na naman ang usapan. Kanina pa kasi nagte-text si Quin kung nasan na kami.

"Why would I knock? Comfort room ba itong salas nyo?" Pabulong na tanong sa akin ni Jean.

Kinuha ko ang pouch ko na nakapatong sa table.

"Hindi lang naman sa comfort room kailangang kumatok, Jean." Hinila ko na sya palabas.

Sinarado ko ang gate bago kami naglakad ni Jean. Sasakay na lang siguro kami ng taxi para makarating sa school.

Napatingin ako kay Jean nang humigpit ang pagkakakapit nya sa braso ko.

"Ayos ka lang?"

Namula ang mukha nito, "B-Ba't parang ang liit?" Mas lalong namula ang kanyang mukha sa tanong na 'yon.

"Maliit ang alin?" Naguguluhang tanong ko.

Mabilis na umiling ito. Pinakawalan nya ang braso ko. Umiling ito at mahinang tinapik ang kanyang pisngi.

"Don't judge a boxer short without seeing what's inside." Dinig kong bulong nya sa sarili nya. "Bulges can be deceiving."

Hindi ko na lang sya pinansin. Tumigil kami sa gilid ng kalsada at naghintay ng Taxi na masasakyan.