Trapped (Book 1)

Kabanata 39

Kabanata 39: You are

"You heard it right, guys. She's still in love with Blaze!"

Sa sobrang gulat ko ay hindi ko nagawang ibuka ang bibig ko para dipensahan ang sarili ko. Gusto kong itama ang kasinungalingan nya ngunit natutop ako sa kinauupuan ko. Wala akong nagawa kundi ang tumulala kay Ryde na nakatalikod sa akin. Nagpupunas ito ng kanyang buhok, masyadong mabigat ang kilos niya.

"Ikaw, ah? Akala ko naka-move on ka na,"

"Hindi naman na nakakagulat ang ibinalita mo. Matagal na siyang in-love kay Blaze."

"Akala ko pa naman kung ano. Dati pa naman patay na patay si Chelsea kay Blaze."

Naiingayan ako sa kanila... Nabibingi ako. Gusto kong takpan ang tainga ko. Ramdam kong hinawakan ni Jean ang aking balikat. May ibinulong siya ngunit hindi ko gaanong narinig iyon.

Huminto sa pagpunas si Ryde sa kanyang buhok ngunit nanatili siyang nakatalikod sa akin. Itinapon niya sa malayo ang towel na ginamit niya at bumagsak 'yon sa tubig. Nagsimula itong maglakad palayo.

"Oh? Ano ng nangyayari rito?" Tanong ng kararating lang na si Blaze. May dala itong tray na may cookies.

Tumayo si Jean. Hinawakan ko ang braso niya ng aktong susugod siya kay Paula. "Liar! Itchy bitchy ugly witch!" Sinubukan niyang kumawala sa pagkakahawak ko ngunit hindi ko siya hinayaan.

"What?" Natatawang sabi ni Paula. "Tama naman ako, 'di ba? Mahal pa rin ni Chelsea si Blaze! Narinig kong isinigaw niya 'yon kagabi!"

Nakita kong umawang ang bibig ni Blaze. Kinuha ng iba ang tray na hawak niya at inumpisahan ng kainin ang pagkain do'n. Kumunot ang niya habang nakatingin sa akin.

"Pagkauwi mo sa inyo, ipa-check up mo 'yang tainga mo, ah?" Nakangising sabi sa kanya ni Jean. "O kaya 'yang utak mo na lang. Baka naalog dahil sa kakalangoy mo."

Umawang ang bibig ni Paula para sana magbato pa ng salita ngunit natigilan din ito nang dumating ang isang prof. Mabilis na humiwalay sa amin ang iba na nagkunwaring hindi kami kasama.

"Umahon na kayo riyan! Magbanlaw na kayo. Nakahanda na ang hapunan." Pagpapaalala nito. Mabilis na nasiahunan ang lahat. Napatingin sa amin ang prof namin kaya mabilis kong iniiwas ang tingin ko. "Pumasok na kayo." Ang huling sinabi niya bago kami tinalikuran at nauna na roon.

Sumunod na sa kanya ang iba.

"Is it true?" Nagulat ako sa tanong ni Jude.

"Where's Ryde?" Tanong naman ni Blaze sa kanya.

Nagkibit-balikat lang si Jude. "Baka naglalabas ng sama ng loob? Sakit? Andyan lang 'yon." Mahina itong tumawa.

Napatingin ako kay Paula. Nahuli ko siyang nakatingin sa akin bago ako tinalikuran at sumunod na rin sa iba.

Hindi ako nakatiis. Binitawan ko ang pagkakawak ng kamay ko sa braso ni Jean at nag-umpisang sundan kung saan pumunta si Ryde. Narinig kong tinawag ni Jean ang pangalan ko ngunit hindi ko na 'yon pinansin.

Nagsisimula na ring dumilim.

Gusto kong linisin ang pangalan ko sa kanya. Gusto kong malaman niya ang mga dapat ay alam niya. Wala akong pakialam kung ano man ang isipin niya dahil ang mahalaga ngayon ay maging totoo ako sa sarili ko.

Huminto ako para luminga-linga sa paligid. Papunta na ito sa likod ng resort kung saan hindi na gaanong naabutan ng liwanag. Nag-umpisa na ring tumaas ang mga damo na kanina ay maliit lang.

"Ryde!" Sinubukan kong isigaw ang pangalan nya at umasang may sasagot ngunit wala. Naglakad pa ako ng konti. "Leibniz!"

Muntik na akong madapa dahil hindi ko napansin ang maliit na batong nakausli sa daan. Ngumiwi ako dahil baka mapunta na ako sa pinaka dulo ay hindi ko pa rin siya makita. Imposible naman na pumasok na siya sa loob.