نزلت ريهام تجري و تعتر ف جلايلها ماقادة على صدمات خرين مازال موت راجلها ماتقبللتهاش ..وصلت لوسط الفيلا لقات ملاك شادة اسلام و كاتبكي و تغوت باش يعاونوها رغم ان اياد شادو ولكن غلبهم حيت الحقد عماه و عينيه مفيكسيين ف ايلينا لي جاية مقادة تقول ماجاياش للموت..ريهام هبطات قدامهم: اوليدي لعن الشيطان راه مك . .مازال ما ماجوبهاش وهي تشوف يدو لي هاز فيها جنوي ناوي يغيز ل ايلينا لي واقفة ..ريهام ضربت حناكها : اوييييلي ا سلام باغي تولي قتال
اسلام بالغوات و البكا؛ بربي حتى نقتلل ديلمهاااااا....تايدفع ف ملاك و اياد لي شادينو: وقودو طلقو مني ..شاف ف ايلينا بحقد وهز الجنوي ؛ شفتي هدا والله حتى ندوزو لمك على عنقك غي يطلقوني عليك
ايلينا: واش مصطي باغي تقتل ماماك على قبل ناس ماكاتعرفهمش
اسلام: كانعرفهم ..و هما عائلتي وهداك لي قتلتيه با وانا انتبعك ليه
ايلينا ببرود؛ هاداك ماشي باك فهمها .كان مدمدم و لعبت عليه العشرة
اسلام غي سمعها قالت هاكاك على باه وهو يدفعهم حتى طيح ملاك ف الارض و غادي ل ايلينا ناوي لها على خزيت
اما اسلام ف وصل حدا مو لي كاتشوف فيه ببرود و ماظارهاش خاطرها على مادارات لولدها: ااووو ولدي كبر و غادي يولي قتال بحال مو 😉
اسلام: نتي ماشي ام مي هي ريهام
ايلينا : بالغوات ؛ انااااا هي مك هاديك ناعندك بيها علاقة
اسلام شد الجنوي بحالا باغي يخشيه فيها والكل واقف مصدوم حتى حد ماقدر يقرب كايتسناو الجريمة لي تقدر توقع ف اي لحظة ..حتى حس اسلام بيدين ملوين ليه على رجليه نزل عينو و كانت ريهام مسكينة لي كاتبوس ليه ف رجليه تبكي و طلب فيه؛ عافاك اوليدي الله يرحم باك لي مازال قبرو مانشفش . ماتزيدوش تشويوني كتر ما انا مشوية
مسكينة بدات تبوس ليه فرجليه هو ماستحملش نزل لعندها عنقها و باس لها يديها و راسها : صافي صافي سكتي ماتبكيش ماندير والو...خنزر ف ايلينا : ولكن ب شرط ماعمرني نشوف كمارتها
ف هاد الاتناء دخلو الرجال لي مشاات ريتاج (بنت سارة و مروان باش تحفظو سميات الشباب) عندهم للخزانة باش يجيو يعتقو ..
لقاو ريهام طايحة للارض و اسلام معنقها ..جا مروان شد اسلام و عطا الجنوي ل ريتاج تديه للكوزينة وهو بقا جالس حداهم ف الارض كلشي فاشل ..اما نبيل ف توجه لايلينا وجمع معاها بجوج تمرميقات حتى شافت النجوم: نهار نلقاك حاطة رجلك فهاد الدار نقطعهم لك
بلاه اتخرج وهو يوقفها صوت اسلام لي وقف : ايلينا
هي دارت فرحانة عند بالها ايمشي معاها : قرب حداها وهدر بصوت هامس ماتايسمعو حد من غيرهم بجوج: مازال الايام بيناتنا وديري ف بالك موتك ايكون على يدي ...يلاه برااااا
خرجت ايلينا و كلام ولدها تايتعاود ليها ف راسها و نضرات الحقد لي ماليين عينيه ..
ريهام لي جابو ليها الما شد مروان خوها بدا يشربها و العائلة مجموعة عليهم اما العزاية ف رجعو يجلسو ف الصالة ؛هئ هئ عيت ا مروان ..ولدي كان ايضيع مني
مروان؛ ربي لطف و صافي ..حنا فاش جات عندناا ريتاج تغوت وطيح الارض فمها بياض بالخلعة بزز باش فهمنا كلامها
اياد لي سمع هاد الهدرة دور عينو بانت ليه ريتاج طالعة هي و ملاك لي متكية عليها حيت مني دفعها اسلام توعتت ف رجلها ..خلاهم حتى غبرو وطلع تبعهم
أنت تقرأ
🚫🚫 في قلبي انثى دكالية 2 🚫 متوقفة 🚫
Romanceجزء 2 للقصة ، أحداث جديدة 💖 نتمنى تعجبكم ، ماشي انا الكاتبة للكاتبة : سعاد (أم زياد) 🚫🚫 متوقفة 🚫🚫
