ف الطابلة لي اياد جبد كارو اخر تايتكيف ومعصب
اسلام: غير بشوية عليك شي نهار ايطرطق لك شي عرق
اياد : ما ايطرطق حتى ندوز على مها شي نهار
اسلام: نتا يدك سابقاك الف مرة تانقولك ماتبقاش غير توصل و ضرب
اياد: راه سر والديها دبيحة. .دابا قوليا اشنو هو البلان ديال المشية ل كازا
اسلام: انطبخها ف راسي مزيان ونقولك ..حيت بصراحة ماقادش نمشي و نخلي مورايا ملاك وعارف هداك الحمار ف المدرسة معاهم
اياد: اهاه و ريتاج ؟
اسلام: ريتاج سير خطبها و هنينا من صداعكم راك باين احنيني طاااايح
اياد: عمرني خبيت عليك ا اسلام انا عارف راسي طااااايح و من زمان ولكن الزواج مانقدرش عليه دابا مازال تابعتي بزاف . وزيد عليها هي شوف واش كاتفكر فيا وحاسة بيا و لا ضارباها ف التسعين و عايشة الحياة مع سي معاد
اياد: شفتي نتا عندك الدعوة ساااااااهلةخلي حريرتي انا ..اامهم غير قربها منك ماشي فينما تلاقيتو تعلم لها وجها بتمرميقة
اياد؛ راه نضربها و مانخلي لي يضربها...غير قاد ليا المشية ديال كازا والله حتى نتهلا فيها ماكاين غير الحب و الغرام
اسلام: ههه وماتوليش عنيبه تاني هههه..
سكت اياد بقا تايشوف ف اسلام ونطق : كاين شي جديد ولا والو بخصوص ماماك؟؟؟؟
اسلام هاد الموضوع تابخليه يفقد اعصابو : ماااااااشي ماماااااا ..انا مازال تانقلب عليها وموصي ناس ف مريكان نهار يلقاوها يعلموني و نطلع عندها 😡😡
اياد؛ لنفترض لقيتيها ..اشنو ناوي دير معاها
اسلام سرح بشوفتو بعيد و عينيه ماليين حقد و غضب و انتقام .نار الانتقام باينة ف عينيه واش جا مايطفيها ..هدر بصوت بحال حفيف الافعى مبين سمو : لي انديرو فيها مانعاودو ليها خليني نلقاها بعدا ونفرجك
رجعو البنات بلايصهم بعد نوبة الضحك لي فاجات عليهم شوية و خلاتهم ينساو همهم ..توجهو للطابلة لي لقاو الجو مكهرب فيها حيت وجه اسلام ما تايبشرش بالخيى و هدا هو حالو ظيما فينما يتجبد موضوع مو لي مابقا يحمل فيها الشعرة و مازال فكرة الانتقام منها ف مخو واش جا ما يحيدها ....جاب السيرفور الغدا حطو لهم و مشا ..الطبسيل ظيال اسلام ماتقاسش مني تحط واصلا اسلام فين هو الكسدة كاينة و العقل عالم بيه الله تايحاول اياد يخرجو من لحالة لي دخل فيها و لكن صافي صوووورة ديال نهار جات مو و خبراتهم بالهبر الصدمة لي على اترو مات نوح لي معتابرو لحد الساعة باه و معتبر ريهام ماماه رغم انه عارف الحقيقة انها ماشي مو ..ولكن متقبلها و فضل يبقى يعيط ل ريهام ماما حيت قريبة ليه و قريب لها هي براسها كاتحمد الله وتشكرو ان اسلام ف حياتها و معمر كتافها و سندها رغم وجود ينيس و ياسين الا انهم مازالين صغار ..عمر ريهام تنسى خير اسلام مني مات نوح و بقات ملاك مريضة موراها ...ؤيهام ماعندها الخاطر هاديك الساعة لحد باش طبطب عليه و تواسيه هي خاص لي يكون بيها و يساندها حتى تجاوز الازمة .. بقا اسلاام مسكين ما بين مو و ختو كيف الدجاجة المدبوح راسها من هنا ل هنا يصبر هادي و يرجع لعند لخرى..مني ولات ريهام شوية و امنات بلي ربي بغاه و داه ضربت الفقدة ف راسها وفولادها ..لقات ملاك ولات وخدة اخرى تبدلات كليا ودخلات ف اكتئاب وخوف من اهنا ضيع شي واحد من عائلتها ..كان السند ليها هو اسلام لي براسة كان خاص لي يساندو بسبب الصدمة.. لدرجة وصلت ب ملاك انها تشد اسلام من يدو و تنعسو حداها باش ماتبقاش بوحدها ..تفكر اسلام هاد شي و راسو تايتفتل مابين انتقامو من مو و مشاكلو الشخصية لي دخلات فيها البلية و زيد عليها ملاك لي كل مرة خارجة ليه بمصيبة و مشاعرو المرونة ا تجاها...ماوعا الا على يد ملاك محطوطة على يدو لي كانت فوق الطبلة ..شاف فيها و هدرات معاه بصوت حنين و عيون كاطمنو انها معاه ..عرفات سرحانو ليه علاقة بمو ..هاد الموضوع هو اللي تايخرج اسلام عن وعيو و تايخليه يغيب وهو جالس.. ملاك لي عز عليها و هو هاكا بالاخص انو اونفاص معاها ..هما قربو يكملو غداهم وهو مازال حتى ماقاسو ولا يمكن ماحسش واش سرباي حطو ..هزات يدها وحطاتها عليه و هدرات: اسلام كل راك ماحطيتيش الدغمة ف فمك
اسلام لي حس بيدها الباردة على يدو السخونة لب مني تايتعصب تايولي دمو يفور ..حس بلمستها الحنينة و برقة صوتها لي دخل نيشان ل قلبو تايطمنو انها جامي تخليه ..رد ليها الابتسامة وهدر؛ انا ااناكل . ودار شاف ف اياد وضحك ليه بمعنى انني بخير ..
كملو غداهم ف صمت تاااام كايتسمع غير صوت للمضيغ و تقرقيب ..مشا اياد يخلص و خرجو هما سبقوه ..بقات ريتاج موراهم جاية كاتعرج و اسلام سبقهم حل لوطو ووقف مسند يديه عليها وحاني راسو ..حتى حس بيدين صغيورين عنقوه من لور ..عرفها ملاك غير من ريحتها دار عندها بزز حيت مازال مزيرة عليه جابها بزز قدامو وزادت عنقاتو وتخشات فيه ..هو ماهدرش وهي ماهدراتش هز يدو ودارها مورا ضهرها وزاد عنقها وحاط لحيتو على راسها ومغمض عينيه وتايهدر ف خاطرو : اااااخ ياملاك قربك مني ايسطيتي شي نهار انا عارفك مافنيتك والو ومتعودة هاكا تعنقييني فاش تانكون مقلق ..ولكن دابا الوضع تبدل كانحس بلمستك بحال العافية كاتشعل و تزند فيا من الداخل ..تنهد وقا ل : الله يدير تاويل الخير .
اياد لي يلاه خرج تم جاي ولقا ريتاج واقفة تاتشوف فيهم مابغاتش تقطع لحظة مابين اخت و اختو
اياد بصوت حنين ؛ مالك واقفه هنا ياكما تاضرك شي خاجة
ريتاج : شافت فيه و رجعات شافت قدامها؛ لا
اياد بترردد :ريتاج سمحي ليا ماكنتش ناوي نضربك
ريتاج ؛ هههه شفتي هاد الهدرة سير كولها
اياد بالزربة تقلب كي الزمان : شفتي على هاد اللسان لعوج عندك شي نهار انقتلك 😡😡..زيدي زيدي قدامي ..اللهم طولك ياروح ..
زادت هي بالشوية عليها حيت كاتعرج وهو موراها..تايشوف ف فورمتها لي مقادة و هداك الشعر لي تايضرب ل نص ف ضهرها و كيفاش كاتمشي بالشوية وبزز منها حيت الاخ عاطبها ..ماعرف علاش هيجاتو هاكاك..رغم انها ماتادير والو باش تير انتباهو..ماحس برجليه حتى وصل موراها بلاماتحس مابقا تايفرقهم غير الخطوة لي كاتخطي ريتاج ف لحظة لوا عليها من كرشها وزير عليها حتى ولات لاصقة ف صدرو .ورجليها مهزوزين من الارض وكاتغوت : واطلقني اطيحني
اياد بهمس حدا عنقها : ششش مانطيحكش ..راك موعتة ف رجلك .
وصلها لحدا اللوطو ركبها لور و ركبت حداها ملاك لي طلقات من اسلام و باسها ف راسها ..ركب اياد يسوق و اسلام حداه وشدو الطريق ..حتى قربو يوصلو عاد هدر اسلام: نتمنى الهدرة لي قلت طبق الا سولوكوم عندكم سطاج انا انقاد الامور اوكي
حتى وحدة ف لبنات ماجاوباتو فضلو يلتزمو الصمت حتى يشوفو اخرة هاد شي فين اتوصل
أنت تقرأ
🚫🚫 في قلبي انثى دكالية 2 🚫 متوقفة 🚫
Romanceجزء 2 للقصة ، أحداث جديدة 💖 نتمنى تعجبكم ، ماشي انا الكاتبة للكاتبة : سعاد (أم زياد) 🚫🚫 متوقفة 🚫🚫
