ملاك لي شافت قدامها لقات اسلام لي واقف و مزير علة القبضة ظيال يدو ناوي على خزيت و اخرة هاد اللقاء ايسالي بتنويضة خايبة
ملاك لي حاولات تدخل بالاخص مني شافت حالتو : اسلام يلاه نمشيو
اسلام بلا مايشوف جيهتها و بقا مفيكسي الشوفة ف حسام وجاوبها: نتي اتمشي انا مازال انشو ف مع هاد خاينا
حسام تدخل: لا باغي شي حاجة جي ليها فاص
اسلام توجه لبه وتايكفد على قميجتو: نجيو لها فاص مالك اتخلعني
وصل حداه و عطاه بروسية للنيف حتى طوش ظمو حسام مارضاش ووقف عطاه كروشي ..ملاك لي حاولات تدخل تفارقهم ووالو كل واحد شاعل وباغي غير فينن يبرد اعصابو .ضربة فيا ضربة فيك ماحاسينش بالعصا لي تاياكلو الدم سخون و خاصو يبرد غير بالتفرشيخ ...جاو شي دراري فرقوهم بزز وكل واحد داوه ف جيه ولكن الكلام النابي و المعيور من تحت السمطة موجود من الطرفين بجوج
اسلام لي شادينو جوج الولاد وهو مازال صاعر : نهار نحصل عدو ربك تاضور بيها العصب ديال رجليك نحيدهم
حسام لي حتى هو تايترطا حيت شادينو الدراري : و بربي لا فرقتها ..صااااحبتي و تانبغيها .فوتنا غير نتا
اسلام: راه ختي يحرق طواسل ديلمك قالاك نفوتكم
حسام: وماكاين لي عارف عدو ربك قدي داير اللابق ديال ختي وانا عارفك اولد ديل الكلب علاش مطوي ..و ملاك ديالي شابع فيها حتى عيت
اسلام لي زاد طلع ليه الخرا مني سمع هاد الهدرة اللخرة لي قال حسام ..دار لعند ملاك لي مازال واقفة حداه و دموعها رسمو طريق على خدودها تاتحرك براسها بلا يعني هادشي لي قال خسام ما منو والو ..قرب ليها وهز يدو على حر جهدها و عطاها لها ختى حسات بالسخونية طلعت معاها ..عاودها تانية وبدا تايعرعر 😡😡: يا بنت القحبة حنا كانصيفطوك تقراي ولا تقحبتي ولكن ليوما نفريها مع مك هاد الضسارة نحيدها
حسام لي مني شافو صرفقها دفع اادراري و مشا ل جيهتو دفعو: ماعندطش الحق ضربها
اسلام ضربو بكروشي حتى طاخ اللارض و تكا عليه بالضرب : قلت لك هي ختي ..ولما ح*** مك على الهدرة لي قلتي عليها راه مانتسماش
حسام: وسير تقود ..وااافيق الخرا ..بعد من ملاك
ملاك بالبكا : براااااكة برااااااكة شوهتونا هئ هئ
وقف اسلام من على حسام وتوجه ليها جرها من يدها باتجاه اللوطو ..دار لعند حسام: مازال نتلاقا مع مك و نفدي فيك هادشي رد بالك من دقتي
ملاك لي دافعها من يدها ناوي ليها على خزيت دفعها دخلها ف لوطو لور لي جالس فيها اياد وجلس حداها اسلام لور : شاف ف اياد من المراية : تحرك بينا
اياد عطا لاسلام كلينيكس : مازال ماخرجات ريتاج
اسلام بالغوات: واش حنا انبقاو نتسناو فيها حتى للصباح ..دفع ملاك حتى ضربات على الزاجة : عيطي للخرية شوفيها فين
ملاك بالبكا ماجاوباتوش و هزات تلفونها من الصاك دوزات لها شحال من اييل ولكن ماتايصونيش يمكن طافي
ملاك: ماكاتجاوبش
اياد: ياك كاتقراو بجوج فين بقات هي
ملاك : ونتا ماالك سوقك
اسلام : جرها من شعرها ؛ جاوبي مقاد مال ديلمك عواجيتي حتى ف هدرتك
ملاك لي عرفات راسها لاجاوباتو ايصدق مفرشخها. فضلات تسكت وتخمم كيفاش تجيب ريتاج بالاخص انهم ماخلاوهاش تدخل تكلمها... قررات تتصل ب معاد وتهدر معاه بصيفتو بنت ..دوزات النمرة بالزربة تحت انضار اسلام . كيف سمعات الو جاوبات بالخف: الو سليمة قولي ل ريتاج تخرج عندي انا قدام الباب
قطعات بالزربة باش بلا ماتسمع رد معاد لها ..دارت سيلونص و لاختو ف الصاك
اسلام بقا تايشوووف فيها شاف البلان من الاول و عرفها معامن هدرات و لكن مابغاش يجبد الصداع بالاخص لا عرف اياد الموضوع ايكبر ..خنزر فيها تخنزيرة حتى طاح منها النص بمعنى لعبك عقت بيه غير جمعي الحساب .
ماهي الا دقايق حتى بانت ليهم ريتاج خارجة و لحضها الاسود ماخارجاش بوحدها معاها معاد لي جاي تايعكز برجلو ..وقف معاها حدا باب المدرسة سلم عليها بلابيز و دخل تحت طلبها باش ما يشوفهاش امين لي عند بالها جا مع ملاك لي اتصلات بيهم و ايكونو تايتسناوهم ف الدورة ...هاد البلان داز قدام الكل لي ف لوطو ملاك لي شدات وجها بيديها تقودات من كاع القنات ..
ريتاج لي يلاه ادور من الدورة وهي تسمع كلاكسوون طوووووووووط دورت وجها وهو يبان ليها اياد مخرج و تايشير لها و مبتاسم واحد الابتسامة جانبية ديال حتى تجي ...هزات راسها زعما كان شيءا لم يحدث .و كادعي ف قلبها ما يكون شافها حد ..وصلت حداهم بغات تجلس لور وهي تلقا اصلا ملاك وجها مطبعة فيه خماسية وحداها اسلام قاميجتو عامرة دم ووجهو مضروب عرفات لبلان ايكمل بيها ..حلات الباب حدا اياد و ركبات دارت الصمطة بصمت وكاتشوف قدامها ..بقا اياد شخال تايشوف فيها تنهد وكسيرا
كل من ملاك وريتاج ماكرهوش يهدرو مع بعضياتهم ولكن حتى وحدة ماقادرة تاخد المبادرة لدلك فضلو يصمتو... ملاك لي قرب اسلام ليها عصبها بالاخص انه داخل فيها و هو معصب كاتحس ب سنانو تاتيتغزو و يدو تايزير عليها ماكايلقا فاش يبرد غدايدو تايبدا يضرب ف الكوسان ولا تايزير على دراع ملاك لي مسكينة ايتقطع كاتالم ف صمت و كاتخليه يدير ما بغا . مجرد انها تهدر ايشير بيها من الشرجم ...هي اكتر وحدة عارفة عصبو وعاشت معاه مني طرا البلان ديال مو لدلك صابرة ليع حتى تفوتو هاد الحالة لي جاتو
اسلام لي حالتو كفس منهم كاملين و كلمة حسام كاترردد ف ودنو ديال انو شبع منها خلات تفكيرو يمشي بعيد ..يقدر تكون واقعات شي حاجة بيناتهم ...هاديك الساعة تفكيرو فيها ك اخت و شورفو و عرضو لي خاصو يحميه و يحافظ عليه و مسووليتو كرجل لهاد الاسرة تايحتم عليه يخمم ميات تخميمة و تخميمة ف هاد للموضوع ..ماخاصش شي وصمة عار او عيب تلطخ سمعتهم لي سنين و هما محافضين عليها ..ماباغيش شي واحد ينعت فيه بكلمة ختك سابت مني مات باك و مالقاتش لي يلجمها ويحكمها ..كلام الناس كتير و تايقتل ..وبنادم الا سمع غير شي حاجة وخا ماتكونش صح ايزيد عليها فيخرات و يخلي المجمر يزند ....ومن جهة مشاعرو المتضاربة لي ولا تايحس بيها من جهتها بغض النضر على انها اختو ..فكرة واحد مسها من غيرو قرب ليها ..عاش معاها ..ولو غير سلم عليها باليد كاتخليه يتجنن ..حب التملك عندو تحرك ..ملاك ديالو على قولنو ملاكي و ماكاينش لي ايحيدها ليه ..هي لي كانت كاتنعس ف حضنو من الصغر ..هي لي كانت كادلع عليه ..هي لي كانت طاتخرجها منو خلعة مني
كاتمرض ..هادش كلوووووو تايفكر فيه اسلام طول الطريق لي ماعارفينش اياد فين سايق بيهم غير مكون ومخرج يدو من الزاجة وسايق بيد ..خدم راديو و نقص الصوت كايتسمع مزيكا خفيفة تايدندن معاها حتى واحد ما تجرا يسولو فين غادي .
اما ريتاج لي صافي وصلات بيها للعضم و الف سوال ف دماغها .. مال ملاك ف وجها شكون ضربها . اش طرا ا..ش واقع ..واش شافوني ...واش اياد شافني مع معاد .
وعلاش خايفة منو ..ومالو مكالمي ...
حسات براسها اينفاجر بكترة هاد للاسئلة لي مااتلقاش ليها جوااب بمرة الا من طرفهم و هما كل واحد ساكت ..حطات راسها على الزاجة و غمضات عينيها ..
أنت تقرأ
🚫🚫 في قلبي انثى دكالية 2 🚫 متوقفة 🚫
Romansaجزء 2 للقصة ، أحداث جديدة 💖 نتمنى تعجبكم ، ماشي انا الكاتبة للكاتبة : سعاد (أم زياد) 🚫🚫 متوقفة 🚫🚫
