🚫🚫 في قلبي انثى دكالية 2 🚫 متوقفة 🚫

17

من بعذما دخلو البنات تلاح اسلام فوق السداري لي ف الصالو مرجع شعرو لور و تنهد تنهيده خارجه من الاعماق.. رجع اياد و هو هاز ف يدو جوج بيرات مد ليه وحده وتلاح حداه ف الصالون تايشرب.. شعل التلفازه دار فلم و نقص الصوت  وهدر: اتهدر ولا اتبقا صاقل هاكا
اسلام: مافيا مانهدر دابا اصلا ماعندي مانقول
اياد: براحتك
سكتو مده حتا نطق اسلام: قودتها ياك
اياد.. قودتيها و سكتي راك فرطتيها
ولكن علاش درتي هادشي كامل
اسلام: انا شاعل وهي جا فيها البلان ساعاتو لله وصافي...
اياد:ضرب ليه ف كتفو :دابا كلشي يتصلح.. نوض نتعشاو..
اسلام وهو واقف وهاز معاه قرعتو: ماعندو مين يدوز غير بالصحه باغي نعس..بونوي
مشا يجر رجليه للبيتو تلاح فوق الناموسيه و مفيكسي ااشوفه ف السقف راسو مشغول... من بعد ما برد عرف راسو اش دار ولكن تايقولك.سخونيه الراس تترجع بالبروده... بقا هاكاك حتا نعس..
اما اياد مني خلاه اسلام ف الصالون بقا تماك حتا نعس ماحسش براسو مع العيا...
#صباح_جديد

فاقت ملاك هي الاولا.. شافت ريتاج حداها ناعسه معنكشه قادتها بلاصتها غطاتها و ناضت هي جبدت فوطه من شانطتها هزت بيجامه و خرجت الحمام لي ف الدار حيت بيت مافيهش حمام. دخلت خدات دوش بالما بارد باش تصحصح.. رغم ان الصباح بكري يلاه شي 7 ولكن حاسه بذاتها سخونه.. نشفت و لبست بيجامه خفيفه ف البيض وفيها نونوس بالاحمر واصله للركبه.. خشات صنداله ف رجليها وخرجات كاتنشف ف شعرها بالفوطه حتا تلاقات مع اسلا خارج من بيتو تاينشف شعرو و حجبانو عاقدهم.. شاف  فيها ونطق: صباح الخير..
كملات طريقها بلا ما تجاوبو كانه ماكاينش... دخلت لبيتها  ورجعت تلاحت حدا ريتاج.. فيها الجوع ولكن ماباغاش تخرج باش ماتلاقاش معاه..
اسلام لي ماتسرطتش ليه القمعه ولكن ماعندو ما يدير هو اللي بدا خصو يتحمل ما يصرا له... توجه للكوزينه دار القهو ه تعصر  باش يفيق شويه ويصحصح... داز علا الصالون لقا اياد جابد عليه.. ركلو برجلو حتا جابو قافز و بدا تايعرعر بهداك صوت.. شراب و النعاس تحلفي عليه دعدوع تايهدر :واااالق**** قلت ما تبقاش تركل كي حمار تفووووو مفيقني جافل
اسلام:هههع صلح فمك بعدا راه ماشي بوحدنا
اياد:بالغوات: سير تقود متا وهاد القحبه لي جايب معاك
تلاح عليه اسلام يسد له فمو بالفوطه لي كان تايمسح بها: سد سد كابينتك تفووووو كاتفيق مبوق... راه ملاك و ريتاج نتا كاتعرعر..قحبه ما قحبه... تفوووووووو الخرا... خليهم نيت يعرفونا كانجيبو اادريات
اياد لي تقاد بلاصتو بحالا بدا يوعا: ومالنا انحيبو الدراري ولا انزيد لك و تزيد ليا
اسلام؛ تفوووووو علا صباح معاكم... يلعن ديلمي انا لي بارك.معاك..
زاد تاينكر يلبس حوايجو باش يمشيو يقراو.. تقادو وتانتكو تحلف عليهم ولاد ديورهم وينعسو مع 8 ليل... شربو قهوه كحله و خرجو مادازوش جهه اادريات بمره بغاو يخليوهم علا راحتهم
وصلو قدام ليكول ديال اسلام (اداره اعمال( ونطق اياد: راه ما.انبقاش خدام معاك شيفور سير جيب مشقوفتك من عند المعلم
اسلام: جيبها نتا.. ياك.نت لي فرعتيها وسير جيبها... خرج و رضخ عليه الباب.. حتا وصل حدا الباب و دار له fuck
ضحكو مع بعضياتهم   واياد زاد لفاك)كليه الطب).. وهو تايضحك علا صاحبو و عشيرو وخا يضاربو مايدوزوش بعضياتهم  .. الفم تايضحك والعقل مشغول ب ريتاج ولكن حط رجلو ف لافاك.حيد عليه جميع الافكار وركز ف قرايتو لي تايحماق عليها
عند ملاك لي مني تلاقات .مع اسلام رجعات بلاصتها جبدات عليه.. باقو البنات مخشيين ف بعضياتهم حتا فاقت ريتاج هي الاولا كاتكسل و دارت لعند ملاك تبوس فيها باش تفيقها.. جرت عليها المانطه وكاتهدر بصوت مغنغن: واااا بعدي مني بغيت لك الجربه خليني نعس
ريتاج: وااانووضي 11 هادي
ملاك نايضه خاسره: واااا الخرا بعدي مني او مانغمضوش ف خاطرنا
ريتاج: انوض ندوش نلقاك فقتيرواا نخوي علا مك الما
خرجت ريتاج بعدما خدات حوايجها والفوطه.. خلات ملاك تعاير موراها... ناضت جمعات شعرها وتوجهات لبيت اياد غسلت وجها ف الحمام تما و مشات للكوزينه توجد الفظور.. من بعدما سالات ريتاج جات للكوزينه باست ملاك ف حنكها :يخليلي الحب موجده ليا الفطور
رجعات لها البوسه: بالصحه حبيتي اجي نفطرو باش نشوفو اش انوجدو للغدا لهادوك الجغوله
ريتاج:ممممم قولي ل خوك اسلام. و ديري ليا السبه باياد
ملاك حطت اادغمه لي كانت هازه: ماشي خويا ماسمعتيهش اش قال
ريتاج :شوفي يمكن كان معصب اسلام ما يدوزكش و خا يوقع لي يوقع
ملاك:دازني ا ريتاج ماسمعتيهش قدام العلام قاليا انا ماشي خوك ولكن انا لي بنت القحبه دايره فيه راسي يعوم بحرو
ريتاج :احياااااااني عليك اشويطينه عارفاك كاتقولي هاد الهدره من فوق قلبك تامانكونش نعرفك.. علا شكون كانت نسلت ف ليل و تمشي تنعس حداه.... ماتخسريش علاقتك ب خوك ف لحضه كان فيها معصب
ملاك: اوووووف سكتي سكتي وحلتي ليا الدغمه يا ربي السلامه... انا هاد 15 يوم انوزها بلي عطا الله حتا نرجع بحالي
ريتاج: ياختي بغينا نخرجو نفوجو شويا علا 15 يوم نبقاو جالسين مقابلين الحيوط
ملاك:وي نفوجو و نسقيو عويناتنا و نشوفو التيتيز
ريتاج: ماكاتووووووبيش.. ياك علا قبل  حسام كليتي قتله العصا... اجي بعدا ما بقاش سول
ملاك:راه فارع ليا كري بالمسجات مي مابقاش عاجبني طلع ليا ف راسي
ريتاج: عارفاك عشاقه ملاله ف طبيعتك بداااااالة هعهههه
ملاك:قلبيها شعب و هنيني.... ماعرفت اش انديرو الغدا
ريتاج: ماديري والو الله يخلف علا خالتك عايشه راه مصيفطه القفه عامره اسخني وحطي
ملاك: اه نسيييت والله لا هناتنا.... نوضي غسلي الماعن وجي عندي نديرو شي فلم
داكشي لي كان  جلسو ف الصاله شدو فيلم تايتفرجو و يتعاودو.. حتا سمعو الباب تحل ودخلو الحترفه غير شافوهم البنات و ناضو وقفو باش يدخلو لبيتهم. هو اللحظه  اياد  وسط الصاله و ربع يديه:اشنو زعما اداجائت الشياطين ذهبت الملائكه
شافت فيه ملاك: لا اخويا اياد نتوما الملائكه و حنا الشياطين
زادت وخلاتهم دخلت لببتها و رضخت الباب..
اسلام بقا مصمر ماهزتش عينها فيه وخا تايشوف فيها و هي واااااالو واش داتها فيه كانهزهو لي ماكاينش.. ماعبراتووووش بمره.. حس بنفسو ضاقت عليه ماقدرش يصبر لمعامالتها معاه... هو اللي اختار البعد ولكن تايشوف راسو بوحدو لي تايتحرق بنار الفراق...
اما ريتاج لي كيف كاتخطي خطوه تايجي قدامها اياد حتا عصبها: 😤😤😤 اوووف ا اياد بلا ماتعصبني خليني ندووز
اياد:اووو واخيرا سمعنا صوتك...مالك ماراضياش تجلسي معانا ولا كيفاش
ريتاج: مافيا لي يتصادع معاك ولا مع غيرك باغا نمشي نتكا
اياد بهدوء ولكن بجديه: راه واقله ساكنين في دار وحده ماشي كرايه كل واحد شاد بيت... راحنا عائله.. يمكن بنادم تايجعر عليكم مةي كاتعصبوه ولكن نتوما ماكاتعدروش
ريتاج:دارت يدها علا خصرها وطلعت البيجامه لي كانت لابسه حد الركبه وخنزرت::ااااااه نتوما كاتعدرو.. ولا نتوما خاصكم تامرو وحنا نقبلو... دخلتو ف يومين رونتو لينا حياتنا... بداو الدموع تا يتحجرو ف عينيها: اااش درنا لكم هاااا.. اش درت لك انااااا. علاش كلمه جوج تمرمقني واش انا ماتلقا مادير تيعطيني للوجه..
اياد عزت عليه مني شافها هاكه قرب لها حتا حس بالنفس ديالها ف عنقو مع معصبه و مكابره ما باغاش تنزل الدمعه.. وهو مغمض عينيه  وتايسوط فوق راسها: نتي كاتعصبي ا ريتاج كن كنتي تسمعي الكلام ماكاينش لي يدور بساحتك... هز يدو و دوزها لها علا الضربه لي ف فمها تايقيصها بصبعانو بالشويه مستمتع يهاد الللحظه ماباغيهاش تسالي.. اما ريتاج لي مني سمعاتو قالها كاتعصبي جاوباتو: مماااالي ا خويا اش تاندير حتا نعصبك هااا نتا لي شاعل غير بوحدك باغي فيمن تخرج فقايصك
اياد لي كان مغمض عينو مستمتع ب رطوبه وجها و ريحتها لي كاتحمقو اول ما سمع كلمه خويا حل عينو و زير عليها ف الضربه بيدو و زاد تخنا ل حد ودنها: مني اتحيدي كلمه خويا من فمك و اتصلحي هاد الدرقوش ما انبقاش نحط عليك يدي...
دفعها حتا جات طايحه علا السداري... خنزر فيها و زاد تايهدر :حطي لينا مانحنجرو ونتي ديما منكداها علينا تفووووو
وقفات ريتاج بلاهلا يطريه ليها دخلات الكوزينه تحط وتنكر و دموعها نازلين ماعارفاش علاش تاكايتقلب عليها مشكلتها ماكاتقدش دير ولا توقف ف وجهو تايحدهم لها بالاخص حلات فيه عينيها و من نهارو مركب فيها الرعب

#فتيات_التفاااااعل_زيييرووو_ناقص_بزااااااف_لامابقاتش_عجباتكم_القصه_قولوها_نساليها_ونهنيو_ريوسنا_تحركو #نشطو_شويه_وزهاو_باشنكلمو_القصه_وتوقعااتكم_ضرووووري