#مرور 3 سنوات
ليوما عيد ميلاد ملاك لي كملات 18 عام ....الجرح ديال فقدان نوح برا شوية و تناساو سبحان الله لي عطانا نعمة النسيان باش نقدرو نكملو حياتنا
3 سنين مرت بحال البرق لا جديد فيها من غير اسلام لي تبدل و غير ساد على راسو مقابل قرايتو لا غير ...هدرتو مع جوج ناس ملاك و اياد من غيرهم ماكاينش
التجهيزات ل حفلة ملاك على قدم و ساق بالاخص عارضة على صحابها لي تايقراو معاها ف مدرسة التسيير هي و ريتاج لي ختارو نفس الشعبة ..اما اسلام ف مشا يقرا ف كازا و دار ادارة الاعمال
اياد لي عندو السنة التالتة طب حتى هو ف كازا
ملاك؛ ناااري يا ريتاج عتقي مخلوعة
ريتاج؛ مالك ايدخل بيك ليوما شي واحد راه غير عيد ميلاد و صافي
ملاك؛ تفوووو على خرية مال مك باردة ...شوفي واش جيت زوينة
ريتاج؛ لي باستها : حبيبتي غزالة ..يشوفك ليوما حسام يعواج
ملاتك: ديري بوق و سمعيها لكلشي ..ازمرة كن كان اسلام تايسمع
ريتاج:وااااباز نتي مصاحبة مع الدري و ناكرة
ملاك: اه وخا مانكرش و يجي يفرشخني ياختي ما صدقت ولا شوية مزيان و لا تايجمع معانا
ريتاج: وايييه عقلت مني كان تايهدر معاك غير نتي وهاداك الجحموم ديال اياد
ملاك : يسمع مك قلتي الجحموم وتشوفي اش يدير لك
ريتاج: دار ليه ...حسام ايجي معاه معاد ولا لا ؟
ملاك؛ مممم معااااد و انا نعيق
ريتاج؛ مالكي اختي غيى نتي لي تحابي خليتي حتا انا نجرب حضي
ملاك: انا بغيت كن سمعك حبيبو مروان وتشوف اش يدير لك
ريتاج: ايوا الحمد الله لي طاطا ريهام كتتفهم وقالت لهم الحفلة شبااااابية لااأاا للشياب....اصلا خاص تكون الفرصة باش تعيشي نتي و حسام اللحضة ..ماتعرفي ليوووما تكون first kiss
ملاك جاات تجري سدات ليها فمها : و نتي سدي درقوووشك تفوووو على برهوشة واش ناوية تخرجي عليا
مع هي شاداها دخل اسلام لي زيان وولا شهوة منو طلع حاجب ونزل لاخر؛ مالكم
نلاك؛ ها لا والو غير كنا تانلعبو
اسلام: مممم ريتاج تكلمي ل ماماك راه التحت بغاتك
ريتاج شافت ف ملاك و كاتقلي ليهة السم ب حجبانها وخرجت . ..قرب اسلام لملاك لي خافت لا يكون سمعهم فاش كانو تايهدرو على حسام
اسلام: شفتك تاترعدي ياكما مخبية عليا شي حاجة
ملاك؛ لالا و الله مامخبية والو عليك
اسلام؛ و مانعرف واله ونحصل على مك شي حجاة نهبط لك من كازا نفرشخك و نرجع
ملاك: هيهيهي لا لا مامخبية وللو
اسلام طلع ملاك و هبطها لي لابسة كسيوة فوق الركبة مفخفخة ف بلو مارين بلا سميطات وصدرها عامر بالحجر لبستت معاها سباط اغجونتي و دايرة اكسسوارات ف نفس اللون و كملاتها بتاج رقيوق دايراها على راسها مع مشيطة اغريقية بيناتها بحال الااميرة
اسلام: ماقصيراش هاد الكسوة شوية
ملاك: واااا لا ا اسلام ماتبداش تاني راه عيد ميلادي زعما
اسلام؛ سبقتيها لبيا زعما . ولكن عنداك نلقاك مدسرة عليك البراهش ديال مدرستك ..انا قلت ل ماما بلاش ماعرفت علاش متبعاك ف هاد الهبل ظيالك
ملاك: اوووووف بدينا تاني ..عرفتي شنو خلي هاد النهار يدووووز مزيان بلا نكير بلا خصام و غدا ارا ماتعاير
اسلام: وخا ا لالة ..كبرتي البرهوشة و ليتي تهزي و تحطي ..شد يدها باسها ؛ ولكن اتبقاي ديما ملاكي الصغير ..حل بواطة و جبد منها سنيسلة ديال الدهب اللبيض فيها حرف I و M علقها ليها ف عنقها
شافت راسها ف المراي و غجبتها : واوا زوينة شكرا بزاف وعنقاتو
اسلام: هاد ي عمرك تحيديها من عنقك فهمتي عمرك يوقع لي بغا يوقع
ملاك؛ جامي نحيدها ..
اسلام: نهبطو
ملاك:اه نهبطو ..بلاتي نقاد ماكياجي
اسلام: جرها زيدي براكة وليتي بحال الطعريجة ..غير بلاتي ليوما روبو و غدا ايبدا الحساب
ملاك: صافي صافي بلاش ..غير يلاه نهبطو
هبطات ملاك لي شادة ف يد اسلام نازلين مع الدروج والانظار كلها عليهم ..وصلو للحفل لي كان اكتر من راءع ..حاولات ريهام تدير كل الاشياء لي كاتبغي بنتها باش تدوز عيد ميلادها 18 على احسن مايرام وتحاول تغير ليها الجو ديال الكابة لي كان معمر الدار من بعد موت نوح
وصل اسلام ملاك للطبلة لي فيه صحاباتها لي سلمو عليها و تنناو ليها عيد ميلاد سعيد وعطاوها كادواتها ..حست ملاك بنفس سخونة تاضرب ف عنقها ..عرفات شكون غير من ريحتو ..دارت بشوية هزات عينها ف الشاب لي موراها لقاتو حسام لي تايقرا معاها و ف نفس الوقت تايبغيو بعضياتهم...شاف فيها حسام بنضرة كادوب مع ابتسامة جانبية: عيد ميلاد سعيد حبيبتي
ملاك بحشمة؛ ميرسي
حسام: يخلي لي الزين لي تايحشم..جبد من جيبو بواط و عطاها ليها : عللش محنتي راسك
حسام: حتى حاجة ماتغلى على حبيبتي . حليها نشوف واش كادو ايعجبك
ملاك لي حلاتها و كانت عبارة عن سنسلة فيها قلب وسط قلب شكلها زوين و راقي خداها من عندها حسام و دورها باش يركبها ليها بغا يحيد سنسلة لي ف عنقها لي مركبة لها اسلام
ملاك: شدت ف السنسلة: لا لا احسام ماتحيظهاش ..راه ديال اسلام
دورها عندو وهو باين عليه العصب: يعتي انا ما قابلاش ليا كادويا
ملاك: لا والله ماهاكاك غير اسلام لي واعدتو عمري نحيدها
حسام: بزااااف هاد الخرا ..دابا اسلام مخليه ليه سنسلتو وانا لا
ملاك: بلا ما تعصب ا حسام بلا مانخلقو مشكل على والو
حسام: صافي صافي املاك خليك مع خوك ..انا غادي
ملاك:شداتو من يدو وهو يوقف اسلام لي مخنزر : مالك ياكما كاين باس
ملاك: طلقت من حسام لي شاف فيها و زاد خرج ..وبقات ملاك واحلة مع اسلام لي مازال كايتسنا ردها
ملاك بتقفقيفة: ها ..ما.كاين...
عتقتها ريتاج لي جات تجري جرتها من يدها : يلاهي باش نطفيو الشمعة
مشاو مجموعين و ملاك وقفت الوسط و عينيها تايقلبو على حسام تمناتو يكون معاها فاش تطفي الشمع ولكن ماكانش بصح دارها قد فمو و مشا وخلاها ف اهم نهار عندها .طفات الشمع وهي الغصة ف قلبها ..فرقو الحلوة وكل واحد هز طبسيلو .
ملاك لي مشات جلست مع صحاباتها تاتحاول تضحك و تعمر وقتها باش ماتحسش ب حسام لي مشا
اما اسلام ف جالس مع اياد فوق الفوطوي هاز طبسيلو تاياكل و عينو على ملاك ..اما اياد ف ماداق ماكلاه حدو شاد كانيط ديال مونادة خاويها و داير فيها الشراب ..مقابل ريتاج لي واقفة مع البنات تاتشطح وتاتضحك .حتى جات عندها بنت خبرتها شي حاجة ف ودنها خلاتها و مشات ..اما ريتاج ف استادنت من البنات وتوجهت للجردة مورا الفيلا ..اياد لي شاف البلان من الاول ..حط كانيطة و قاد قميجتو ومشا فين مشات ريتاج ..اسلام لي فهمو بلا مايهدر خلاه على خاطرو طول عمرهم وهما تايفهمو بعضياتهم ...الدورة لي دار مالقاش ملاك ف بلاصتها مشا سول عليها البنات لي غير شافوه و ا يميقو ويعوجو ف الهدرة ..عرف منهم انها طلعات لبيتها..مشا لعندها بغا يعرف مالها اشنو قلبها كانت ناشطة و بخير حتى تقلبت ...
وصل لبيتها دق ولكن حتى واحد ماجاوبو و دخل .مع هو دخل هي خرجت من الحمام ..طالقة شعرها و ماسحة الماكياج ولابسة غير دو بياس ف الاخضر ملكي لي بانت فيهم غزالة مع بشرتها البيضة
أنت تقرأ
🚫🚫 في قلبي انثى دكالية 2 🚫 متوقفة 🚫
Romanceجزء 2 للقصة ، أحداث جديدة 💖 نتمنى تعجبكم ، ماشي انا الكاتبة للكاتبة : سعاد (أم زياد) 🚫🚫 متوقفة 🚫🚫
