بقات كاتبكي حتا بكات معاها ريتاج لي قربت لها و عنقتها هاداك الغدا رجع زبل ف زبل.. حتا حاجه ماكلاوها مازال.. اياد هز راسو ووقف تخشا ف بيتو حاول يتفاداهم وخلاوهم بجوج البنات باش وحده تفش قلبها علا الاخرى...
ريتاج: شششش ملاك صافي حتا حاجه ماتستاهل
ملاك: هئ هئ مشا صافي عمري باقي نشوفو
ريتاج: واغير فهميني بعدا راه مافهمتش علاش كاتهدري
ملاك: جلسات و كاتشوف. ف ريتاج شعرها مخربق ووجها عامر دموع: صااافي مشاااااا اسلام مشا بح ما بقاش عندي خويا خسرتوووو..انا مانسواش هئ هئ حماااره انا فرطت فيه دافعه كبييييير وانا محتاجه له ف حياتي كتر ماهو محتاج ليا..
ريتاج: كاتحاول تكالميها حيت شافتها تزيرت و رجعت لها نفس الحاله مني مات نوح: هانتي كالم توا ايكون غير خرج وايرجع... بردي ولا هانتي سيري تكاي مني يجي نفيقك
ملاك: بعصبيه: ماتعامليييييينييش بحال المسطييين بلاما تفلاي عليا هو ما ايرجعش.. صافي كن راه مشا عند ماماه... ضربت وجها بيديها :ناااري و تسيق ليا ماما اني بسبابي مشا تقتلني هئ هئ... تفوووووو عليك ا اسلام كانكرهك.. بدات ضرب ف وجها وتبكي: كان يقوليا ما ايمشيش كان تايقولي ديما ف جنبك... بابا خلاني. ودابا اسلام حتا هو خلاني.. كلهم تايخونوني هئ هئ مني ماقدينش يوفيو بالوعد ديالهم لاش يوااااعدووني... شافت بغل وحقد عينيها كحالو نضرتها خلعات ريتاج لي جالسه مصدومه ماعارفه مادير:😡 كلهم شماااايت.. كلهم قلال الرجوووله
قاطعها صوت مدعدع موراها :نوضي تكعدي البيت....
دارت عندو مصدومه :😳😨 وقففت كاتجري وتلاحت عليه كانت اطيحو حيت ماشادش ف راسو جاب الله كالاه اياد من لور.. تعنق و تبوس فيه تقول ماشي هي لي كانت كاتعاير وتغوت. تشد يديه وتبوسهم:مامشيتيش 😍 ماقدرتيش يااااك
اسلام ماقادش يهدر اصلا واقف غير بزز اما هو راه فاشل باغي غير يرجع لبيتو يتلاح :ملاك باراكه مامشيت فين ها انا حداك... يلاه براكه من تهرنين ودخلي لبيتك خليني نمشي نعس
ملاك بعينين دامعين: لا لا انمشي معاك 😭😭 اتهرب تاني تخليني نعس وتمشي.. ماسوقيش نعس حدايا
جراتو للبيت بلا ما تسنا جوابو و حتا هو معارضش اصلا ممحوط والشراب داير خدمتو.. فيها خير مني جراتو لبيتهم و ماشي لبيتو حيت حالتو مافيها مايتشاف... وصلات نعساتو فوق الناموسيه عرفاتو شارب و مابغاتش تحكر. تلاحت حداه وخطت راسها علا صدرو مره مره تهز يدو تبوسها وترجع تبوسو ف حنكو وشاده عليه ت شيرت ديالو بيديها خايفاه يهرب...
اما هو كل لمسه منها كايحس بالعافيه شاعله فيه كل بوسه باغي يعاودها لها مدوبله ماكرهش يقلب مها ديك الساعه ويطلع فوقها.. بقا يتنفس بالزربه وتايعاود هدرتها ف راسو (نيييت راني ماطلعتش راجل وليت شماته اما نوري مك هاد التملاس بشحال مقيوم عليا)
اما عند ريتاج لي مني شافت اسلام ضربت واحد التخنزيره ف اياد و دارت لطبله كاتجمع فيها و ترضخ
اياد: بالشويه علا طباسل كنتي جايبهم من دار باك
ريتاج ماجاوباتوش و كملت شغلها دخلت للكوزينه حطت هادكشي رجعت مسحت الطبلله.. دارت هادشي و سي اياد متكي علا حيط الصالون مربع يديه و معاكس رجليه تايشوف فيها كيفاش كاتحرك. رجعات للكوزينه جابت رولو باش تشطب الزربيه.. تكات علا ركابيها وعطات بهداك الخير ل اياد لي واقف كل ماكاتحرك كاتحرك ترمتها حيت لابسه بيجامه حد الركبه وتحت منها غير سترينغ.. حس بالحال بدا يسخن عليه حتا وقف حداها وهي متكيه.. تايشوف ف رجلاتها الغوز و زايداهم بالصباغه ف البيج جاوها فنين وهادوك السويقات بيضين..
اياد بهدوء: مخاصمه معايا
ريتاج دارت عندو حيت مانتبهاتش لين مني وقف حداها... وقفات وشافت فيه :كاتهدر معاااايا؟؟؟
وزادت كملات طريقها للكوزينه.. بدات ترجع ف الماكله للتلاجه.. وتحط الماعن ف لافابو باش تغسلهم...اما اياد بقا مسمر بلاصتو تبنج مافاهمش اش وقع ليه راه لابقات معاه ايغتصبها مافيهاش... دخل عندها لكوزينه لقاها كا تغسل ف الماعن.. جا موراها ملاصق معاها: دابا مالكي مقلقه وهازا قنانفك للسما
ريتاج رضخت الشبكه الماعن وضارت عندو مع كان ملاسق معاهادفعاتو بيديها شوويه: مقلقه حيت نتا واحد الكداب مامنكش جوووج.. حيت النفاق تايجري ف دمك. واش انا تنسولك علا اسلام كاتقولي خارج
اياد ؛ونني اصلا لاش تسولي علا اسلام
ريتاج: واش مسطي ف مخك.. واقله راه ولد خالي و عزيز عليا و كاتهمني مصلحتو.. زايدون انا كان بامكاني نخرج نقلب عليه مي غير لقيتك قدامي عصبه ماتفاكش
اياد :زيدي عيري زيدي..نتي راه حرام تخلي ديلمو بنادم مكالمي
ريتاج:سير تخرا نتا اطرطق ابوخدك...سير اخويا مني فيك هاد الفهامه كامله لقا غير حل ل صاحبك وهو تايطيح وينوض ماعرفناه مالو
اياد وهو مغزز: سيري دخلي ليه ف.كرو عارفيه مالو
ريتاج :يخ علا اسلوب تقول ماوالدكش عمي سمير و طاطا مريم نيفو طااااايح
...انا كي بقا فيا غير اسلام ملاقي معك.. كن كنتي صاحبو د بصح كون خليتيه يخرج يتنفس يبدل ساعه بخرا ماشي ساد عليه ف بيت بحال بيبي
اياد زاد صعر عليها وغوت: والق*** السيد شاعل ابوحدو و كان باغي يخرج ل شي بار اللهم نجيب ليه البار هنا.. دخلتو لبيتو و سديت عليه خليتو يشرب علا خاطرو.. حسن مانصدقو ف شي مشكل ونبداو نقلبو عليه ف البيران ولا نفكوه ف الكوميساريات
ريتاج: شدت حناكها وييييلي اسلام تايشرب... ناري ما نحطهاش فيه
اياد: مممم واش تحطي فيه
ريتاج: ممم هو ولد الناس و درويش.. اما ننا نحط فيك العجب ماشي غير ااشراب
خنزر فيها وقرب منها مزيان
..وحاوط خصرها بيديه وهي مصدومه زاد زير عليها كتر وباسها ف عنقها حتا تبورشت وتايهدر ب شويه: اييييه احبيبه واشنو تاندير مازال..
هز يدو و دوزها علا يدها طالع معاها حتا وصل لتحت ودنها وزير علا عنقها وجرها عندو باسها. ففمها حتا تقطع فيها النفس تايبوس و يعض ماباغيش يتفرق معاها شي حاجه كاتجرو رغم انها هي تدفعو بيديها و مامتجاوباش معاه نهائيا... وعا وبعد عليها: ايييه نوريك اشنو تاندير اخر.. ولكن الشي لاخر خاصو بيت النعاس 😉
غمزها. و زاد.. خلاها هي جلسات ف الارض كاتبكي بصمت وكاضرب علا فمها هو االي ديما جايبها ليها
اما اياد فدخل البيت تايمشي و يجي ايطرطق مستحيييييل يبقا يشوفها النهار و ماطال هكا حداه وماقاد يدير والو... دخل دوش بالما بارد و تلاح علا ناموسيتو يبرد شويا اما هي كملات بالزربه جميع الكوزينه... كانت ادخل تكا ف البيت تفكرات اسلام تما و رجعات تكات ف الصالون.. بقات تبكي وتندم راسها علاش خلاتو يقرب منها وعلاش وخا كانت تدفعو كان عاجبها الحال... بقات هاكاك حتا بداو عينيها يتلصقو وداها النعاس
أنت تقرأ
🚫🚫 في قلبي انثى دكالية 2 🚫 متوقفة 🚫
Romanceجزء 2 للقصة ، أحداث جديدة 💖 نتمنى تعجبكم ، ماشي انا الكاتبة للكاتبة : سعاد (أم زياد) 🚫🚫 متوقفة 🚫🚫
