🚫🚫 في قلبي انثى دكالية 2 🚫 متوقفة 🚫

14

من بعد ما.خبرو الدراري هاد القصه المفبركه لي بازربه غمقو بيها علا ريها خرجو كل واحد لبيتو وهما بجوج راسمين ابتسامه علل وجهم من ناحيه اياد لي فرحان بحب طفولتو اتكون معاه 15 يوم و قدام عينو.. وخا خايف عليها منو خايف ما يسيطرش علا راسو معاها ولا يصدق ضاربها... كايحماق علبها من الصغر و قيسو ف عينو ما تقيصو ف ريتاج ولكن هادشي معترف بيه بينو و بين راسو ما باغيش مشاعرو يوصلو ليها باش ما طاعش عليه كراد و تولي حاسبه ف راسها و تقول ندير لي ن دير و مايقد يدير ليا والو حيت تا يبغيني لدلك زطم علا مشاعرو حتا يخليها تبغيه و تولي تحماق عليه عاد هاديك الساعه  يعتارف ليها.. غمض اياد عينيه و كايتمنا نن الله تقاد امورهم و يشوفو ف هاد المشيه اش مخبي ليهم..
امااسلام لي تلاح فوق ناموسيتو  تا يخمم كيفاش ب سباب ملاك ولا الكدوب يجيه ساهل كايحس براسو ا ينفجر ضايخ و تالف و مشاعرو و قلبو و عقلو كلشي خدام ما عارف راسو واش تايبغيها ولا معجب بيها و لاغير مشاعر اخوه..شاف ف راسو كبر قبل الوقت هاز هموووم الدنيا و زادو هم مشاعرو لي ندم علا النهار لي شافها فيه ف حفله عيد ميلادها ب دو بياس ف الاخضر الملكي.. ضرب علا راسو: تفوووووو حتا من اللون باقي عاقل عليه.... ناض. تايجر رجليه و دخل للدوش طلق علبه الما بارد و  راسو عااااامر من موضوع ايلينا لموضوع ملاك و زيد عليه الهدره لي قال حسام انه شابع فيها كلشي خدااااام.. كمل دوشو و جبد كارو تكيف وتلاح علا كرشو ينعس..
اما ريهام غير خرجو من عندها الدراري سيفطت مساج ل ساره تجي عندها.. وجات تجري حلات الباب
ريهام :تقولي يا رب السلامه كنتب واقفه حدا الباب
ساره: وراه مليت خوك ناعس وانا جالسه حداه كيف طايره بقر
ريهام :جلسي جلسي و نني كترت فيك الهدره... شوفي بغيتك تعاوني علا واحد الموضوع نوصلوه لمروان
سارة بنضره شك :مممممم هي جايين فيك الخطاب
ريهام ضربتها بمخده :زمل علا والديك نتي الضمير غير لي بغا يهدر معاك
ساره: ويلي ياختي مالكي باقا تحمقي و سيد الرجال تديه
ربهام بعيون دامعه: سيد الرجال عندي ماااات و دفنت قلبي معاه.. شافت فيها و نزلت دمعه من عينها: من مور نوح عمر شي ولد المره يحلم بيا.. وحتا راجل من غيرو ما يحلا ليا
ساره شافت امها فتحات جروح عمرها تشفا و بغات تبادل الموضوع:الله يرحمو...ايوا قولي ليا اش بغيتي
ريهام :مسحت عينيها و تنهداات: بناتنا ضربو بمجلس تاديبي 15
ساره :شدت حناكها.. اويلي علا بنت الكلبه اش دارت هادبك النعجه عندي ا دريويشه نقول ما تنوضش الدجاجه علا بيضتها....اما حتا الزرموميه ديال ملاك دير العجب
ريهام :زيدي اختي زيدي راك باقا ما قلتي ف بنتي والو...اوا الله يخليها سلعه... عائله وحده زرموميه ماتالفاش شابهه لعمتها
ساره: راااه انوض لمك نتي... ايصدقو ضاربيني انا وياك بمجلس تاديبي ههههههه
ريهام:يااااااااااااابروده قلبك اختي..انا كانخمم كيفاش توصليها لمروان ونتي كاتكركري
ساره وقفت وباست ل ريهام ل راسها :خلي مروان عليا انا انتفاهم معاه... باي. النعجه هههه
خرجات وخلات ربهام تاضحك عمر علاقتهم خسرات بالعكس كتر من الخواتات ولي ضرت هادي ضر الاخرا
اما ساره ف دخلت للبيت بشويه عند بالها اتلقا مروان مازال ناعس حتا لقاتو لابس كومبليه وتايقاد ف الكرافاط... عنقاتو من اللور:حبيبي خارج
مروان :دورها قدامو، :وي بيبي غادي ل رباط انا و سمير كاين واحد المؤتمر و نسيييتو. حتا عيط ليا
ساره:ممم هي دابا نتا مزروب.. كنت باغا نهدر معاك
مروان:الا كان الموضوع يستنا حتا نجي خليه اصلا الا تعطلت 2 جوغ وانا هنا
ساره: ممممم اوكي
مروان ؛مالك من الصباح ونتي مممم مممم
ساره:صراحه هاد المؤتخرات كاااعما كانتفايل بيهم.. مانعرف تبقا حادي ليا  هادي طويله هادي قصيره لاخره غليضه ولاخره رقيقه
مروان:هههههه هبيييله... زير عليها وباس بوسه حتا قطع فيها النفس :وااااش لي عند هاد الشهده يقلب علا الزبل.. خليمي نمشي راه سمير تايصوني حسن مانعود مسرح مك هنا ندير لك شي ماتش
ساره:ضربتو ف كتفو... شششش دابا يسمعك شي واحد
مروان: باسها فل راسها: يلاه اعمري انا مشيت و قولي ل بنتك تنقص شويه من الخروج و تديها ف قرايتها
ساره بضحكه صفره: هيهيهي كن هاني طريق السلامة.. مواااح
غير خرج مروان من هنا مشات تجري عند ريهام.. ساعه لقاتها ناعسه تخشات حداها و نعسووو بحال ايام زمان
كل واحد ف بيتو مليييوووووح ناعس.. الهدوء كاين بالاخص لبنات من بعد قتله العصا لي خداو كيف دخلو لبيتهم تلاحو بحوايجهم باغين غير يحطو الراس و يرتاحو.. وصلت وقيته الكوتي و بدا الغاشي يدور ف الفيلا و بدات الحركه فاقت ريهام ولقات حداها ساره مخشيه فيها بزز باش فيقتها و خبراتها بلا مروان ماشي للرباط و ماعلمنوش.. من الاحسن تمشي ريتاج حتا يجي و ساره تخبرو بلا عندهم سطاج.. نزلو التحت و جلسو مجمعين تايتسناو الكوتي يوجد مجمعين غير العيالات... حتا هبط  خاسر مع نعس العشيه.. هدر اسلام بصوت مدعدع: فين هي ملاك
سلمي:مانعرفليها هاديك.كل نهار مخشيه ف بيت
اسلام ؛: ماجاوبهاش.شاف ف ريهام، الواليده قولي للضاويه توجد معاه شي جوج كيسان قهوه كحله
ريهام: وخا اوليدي
بلا ما.يهدر مشا تايجر. رجليه وهو كاره راسو.. مشا بلا ما يدق حل الباب علا البنات ناعسات حدا بعضياتهم ماجايبين للدنيا خبار.. تلاح وسط منهم حتا غوتات ريتاج حيت وعتها ف الرجل لي ضربها فيها اياد
ريتاج فايقه جافله و كاتبكي،:حرام عليك هئ هئ وعتييني..عرات علا ساقها لي زراق ليها بركله اياد
اسلام:شافها بنص عين.. غير ضريبة صغيوره ماتزيديش فيه
ملاك لي فايقه كاتحك ف شعرها: تفووو تريكه القنب. ما.تخليو لي ينعس
اما اسلام.ما  بقا جاوب حتا وحده بقا مشبح فوق الناموسيه مغمض عينيه.. حتا ناضت ريتاج خدات بيجامه ودخلت للدوش تغسل حالتها و تبدل...... بقات ملاك معاه حتا قررات تهدر :اسلام اش قلتي لماما
اسلام جاوبها وهو مغمض عينيه: قلت. لها لي خاصو ينقال
ملاك:يعني قلتي لها علالي وقع و علا ح..سام؟؟؟
اسلام:دار فيها ضحكة استهزاء :ماتخافيش ما رخيصاش عليا مي نصيفطها للروضه بسباب بنتها ل قليله الترابي
ملاك والغصه شداها :والله ما وقعت شي حاجه راه غير كدب..
اسلام:هز يدو حبسها من الهدره :مهم مك ما فخبارها ما يتعاود حنا قلنا ليها ضربوكم بمجلس تاديبي حيت ضاربتو مع شي بنت ولكن العائله ف خبارها عندكم سطاج حيت نتوما.مم بين الاوائل ههههه
ناض وقف و شاف فيها :هاد الهدره قوليها ل ريتاج ماشي نهبطو و تبداو دخلو و تخرجو ف الهدره..
خرج مشا عند اياد لي لقاه تايبدل و حتا هو خااااسر بالبيان.. تفووووو كانكره نعاس العشيه
اسلام :زيدني عليك ماحاملش راسي.. نزل التحت راه قلت لهم يوجدو لينا قهوه نصحصحو بيها
اياد: مزيان..راسي ايتفرقع تقول فحالا شارب.. بقا عليا امتا نمشي لكازا
اسلام :مممم باغي تمشي ل كازا ولا حيت غاديا معاك ريتاج
اياد: هههه بجووج نلقا بعدا فيمن نبر د اعصابي
اسلام :واااا*** ولي شويا تزير راسك راك خليتي الدريه كلها معطوبه من رجلها
اياد :وايلي موعته بزاف؟؟
اسلام:رااااه ساقها كلو زرق لي قاسها فيه تغوت
اياد:بتخنزيره: ونتا اش داك. تشوف ليها ساقها. ولا فخدها
اسلام. بتخنزيره :مالي شفت ط***** وا جمع كرك الخرا
اياد: خرج تقود حسن ما نخسر مع ز*** لي قالها لك
اسلام: زاد حدا الباب و طلقها بضحكه: حااااااالتك. صعيبه اولد العبد