ملاك لي معنقة ريتاج لي لقاتها حالتها بالبكا وزيد عليها فمها لي كلو مجروح نوضاتها بزز دوشت ليها و لبساتها بيجامة تكاتها فوق الناموسية و جات حداها من بعد حتى هي مالبسات بيجامة بالشورط ف ساتان ..بقات كاتملس عبى شعرها و كاتفكر ف هادشي لي وقع ناكانش على اياد يدير هاكا و خا يوقع لي وقع ..قادات ريتاج و غطاتها ..وقفت هي كاتمشي و تجي وبالها مامهنيهاش كيفاش تجرا اياد يدير هاكا وهما بربعة بحال الخوت ..يمكن ظراري تايزعفو عليهم ولكن عمر شي واحد ماقدر يدير هادشي لي دار اياد . طلات من الشرجم بان لها اياد جالس للتحت من ديما وهي كاتختارمو بحكم هو الكبير ولكن هدشي لي دار ل ريتاج ناغاديش يغفر ليه عند ملاك بالاخص شافت حالة ريتاج كيف كانت ...
شدات الباب بشوية باش ماتفيقهاش ونزلات مع الدروج متوجهة لعند اياد لي بقا جالس بلاصتو مغمض عينيه حتى حس ب ملاك لي واقفة قدامو مربعة يديها و كاتهزز برجليها نافخة ريشها ..شافها و جلس : جاية تجمعي معايا ولا مصيفطاك لاخرة ديري فيها محامية و دافعي على حقها
ملاك: بحالا علمك الله ...اش هاديك الحالة ظرتي لها واش عندك شي عقل ولالا
اياد؛ ملاك بربي ماقاد على كترة الهدرة راسي ايتفرقع قلبي عليا ساعة بخرا
ملاك: نتا راسك ايطرطق وهي اش تقوول . طحتي من عيني بزاف ا ايااد
اياد وقف؛ طحت من عينيك مالهم دروج ...سيري طلعي تنعسي حسن مانبرد ليك عضامك هاد الليل
ملاك: ياكما تصحابني انسكت على هاداكشي لي وقع بلاتي تجي ماما والله حتى نحط لها كلشي وهاديك الساعة نشوف هاد التنقاز ديالك
اياد زير لها على دراعها : راه هدرتك ماكاتخلعنيش حتى دابا لبغيتي تعيطي لمك وتقو لها لها ماعنديش مشكل ..راه ماكانتهددش ابنت نوح
ملاك: صابرة وخا مزير لها على يدها : انا عارفاك كاتبغي ريتاج ولكن تأكد عمرها تكون لك ولو تنطبق السما مع الارض حيت هي كاتكرهك
اياد لي زاد تعصب وزير عليها كثر : مزيان مني لعبتي على المكشوووف ..ريتاج اتكون ليا يا بالخاطر يا بزز. دفعها حتى كانت اطيح ؛ ودابا طلعي تقودي من قدامي حسن مانكمل بيك لي بديت راكم بديتو كاتصعرو ديلمي ..
خنزرت فيه من الفوق حتى للتحت و طلعات لبيتها كاترجف وخا كانت كاتبين راسها قوية قدام اياد..دخلت غسلات وجها و دراعها لي كان على شوية ايهرسها منو ..ومشات نعسات حدا ريتاج
صبح الصباح وصبحات الهيلالة حيت العائلة كلها جات و ولادهم مهم الصداع عطاه الله
ريهام: الضاوية ااا ضاوية
الخدامة جات كاتجري: نعام الالة
ريهام: فين هما البنات
خد: الصباح الالة جيت مع 6 الصباح لقيت سي اياد ناعس برا فيقتو و طلع لبيتو جمعت روينةديال الحفلة وطلعت طليت على البنات لقيتهم ناعسين ف البيت حظا بعضياتهم و سي اسلام راه ناعس ف بيتو
ريهام: اه اه سولتك سوال عطيتيني تقرير ههه..سيري وجدي الفطور و حطيع ف الجردة
مشات الخدامة دير لي قالتلها و توجهات لبيت اسلام حلات عليه الريدو: فيييييق اداك المعكاز
اسلام تخبي تحت المسند: وااااخليوني نعس ااااااو
ريهام: جلست خداه تاتحك ليه ف شعرو : فيق احبيبي تفطر راه 10 هادي و كلشي العائلة كاينة التحت
اسلام: وااااخا انا فايق غير سيري وعاود جر عليه ليزار
ريهام: واااااافيق والله مانتحرك حتى نشوفك دخلتي للدوش
اسلام: وااااااع واناري يا الواليدة نتي يزاف هاااا انا نايض ..
وقف وهو مشعكك خاسر سروالو ديال السيرفيط طايح عليه و مالابس والو من الفوق تايبان زويون ..باس ل ريهام على راسها ؛ صباح الخير الواليدة
ريهام: صباح النور احبيبي يلاه دوش ونزل بينما فيقت ختك
خرجات ريهام من بيتو وهو دخل يدوش عندو غير هاد النهار يدوزو معاهم و غدا ايرجع ل كازا على قبل قرايتو
مشات ريهام لعند البنات لي جروها و خشاوها وصطهم نعسوها معاهم شوية عاد فاقو بزز حتى بدات تقرص فيهم عاد ناضو ...دوشو و تافقو البنات مايبينو والو و يتعاملو عادي ولكن معاملتهم مع اياد اتبدل
لبسو البات عليهم وتقادو و نزلو للتحت لقاو العائلة كلها مجموعة ماشاء الله غير هوما يعمرو عرس ...من بعد السلام جلست ملاك حدا أمين (هو ولد نبيل و عائشة لي حضرات ليه ريهام للسبوع مني كانت حاملة ب ملاك و كانت مزوجة ب ينيس ) ؛ مخاصمة معاك مااتهدرش معايا
امين : انا ماهدرتش نتي لي هدرتي ..وزايدون انا لي خاصني نتخاصم معاك ماشي نتي
ملاك: و علاش بالسلامة ياك عرضت عليك لعيد ميلادي وماجيتيش
امين : نفطرو بعدا ونهدرو ..حيت هاكا ماانفهمك ماتغهميني..عندك شي حاجة؟
ملاك: لا عندي غير حصة وحدة انمشيو نحضرو ليها انا و ريتاج وانخرجو
امين: اوكي انوصلكم و نمشي نقضي واحد الغرض ونرجع ليكم
فهاد الاتناء هبط اسلام مسكسف على الحالة و معاه اياد لي وعا من الشراب ..ضرب على ريتاج لي غير شافتو و هبطت وجها على طبسيلها ..اما ملاك ف خنزرت فيه و كملت هدرتها مع امين ..كل واحد جلس بلاصتو و بداو يفطرو و فنفس الوقت كيتبادلو اطراف الحديت مع بعضياتهم على الحفلة ديال البارح كيفاش كانت . اياد و اسلام حتى واحد ماهدر ولا نطق ب شي كلمة اياد عينو على ريتاج لي جلس مقابل معاها ..اما اسلام ف مقابل ملاك لي من الصباح وهي كاتهدر مع امين و مامسوقة ل حتى واحد ..
امين وقف؛ بالصحة فطوركم يلاه نمشيو ؟ شاف جهة ملاك
ملاك: وي يلاه انطلع نجيب غير صاكي
ريهام: فين غاديين ابنتي؟
ملاك؛ عندنا حصة وايوصلنا امين
سارة: ايوا مزيان ..بعدا مانخافش مني يكون معاكم امين هو اللي بعقلو ف هاد لعائلة
سلمى (اخت امين ف عمرها 16 عام تموت و تحماق على اسلام)؛ لا ا طاطا حتى اسلام و اياد بعقلهم
اسلام فللتت منو ضحكة: وي وي بالاخص اياد عندو عقل يوزن بلد ههههه
ملاك: هزات كادواتها لي جابوهم ليها العايلة وتوجهت لعندهم باستهم كلهم : شكرا لكم يا احلى عائلة بالكون ..ريتاج انا انطلع نحط هادشي و نجيب سيكانا ونهبط
ريتاج: اوك مابيل
غير طلعت ملاك و سلت اسلام بالريط من حداهم تبعها لبيتها
اما اياد ف عيا ما يشوف ف ريتاج ووااااالو واش هزات فيه العين
سمير: اياد ماناويش تمشي لكازا راك واقلة مخلي قرايتك
اياد:غدا الواليد انمشي انا و اسلام ان شاء الله
مريم: والى مشيتي دير عقلك و مرة مرة دوز لعند خالك سفيان راه حتى ريهام الصغيورة ديما كاتسول فيك بالاخص مني سكنا هنا و تفرقت مع ختك ماريا (باش ماتخربقوش سفيان هو خو مريم ليكان مزعوط ف ريهام و مني تزوج ولد بنت وسماها ريهام )
اياد: ان شاء الله الواليدة
امين: ريتاج يلاه نخرجو حتى تبعنا ملاك
وقفات : يلاه بسلامة عليكم
امين: بلا ماتسناونا الغدا انتغداو على برا
اياد: واقلة خاصك تغدا مع العائلة بحكم مجموعين زعما
مروان؛ بصح اامين ضربو دويرة وجيو نتغداو مجموعين
امين: اووكي ماعندي مشكل شوف غير مع البرنسيسسة ديال بنتك و الاميررة ملاك
ريتاج: هههه اسيدي لكان غير عليا انا ماعندي مشكل وحتى ملاك كانضن نفس الشي
امين: وعليه ..يلاه نتلقاو ف الغدا الله يعاونكم
خرج امين يلاه اتبعو ريتاج وهي تعيط لها سارة تبعها للداخل ..عنقات بنتها : مم توخشت هاد الريحة انا
سارة: احياانا عليك البوحاطية ..اجي مالك نتي ف فمك
ريتاج: ها والو اماما غير الصهد دار ليا هاكا ..يلاه انا مشيت كايتسناوني ..سلتت من مها مشات تجري تخشات ف لوطو ديال امين لور و شدت على قلبها بالخوف انها تفرش قدام ماماها ..
اياد راكب ف لوطو ديالو موراهم و مغضض ماعارفش علاش معصب غير مع راسو
اما ملاك لي مازال حاصلة مع اسلام الفوق ؛ وحيد خليني ندوز
اسلام: مابغيتش ...اجي نتي حالك ماعاجبنييش
ملاك: غيى جاب لك الله
اسلام؛ جاب ليا الله ممم..لبارح حسام ليوما امين و غدا شكون ها
ملاك: ايوا اش ادير ختك لي مبوكصة و عاطية للعين ..شوية وتهنا مني حيت لي بحالي دغيا كايتزوجو ههه
اسلام ندمها مني ضحكت معاه بهاد الطريقة ..شدها من دراعها : نتي ما عند جد بوك زواج هنا جلوووووسك مع مك ف دار واليديك...
ملاك: راه غير ضحكت معاك اويلي نتا مالك شعلتي فيا ..واضلا يلاه عندي 18 عام اش قربني ل شي زواج
اسلام: انا قلت لي عندي ..الله يعميها لك ..باينة ليا توحشتي اسلام الخايب
ملاك تلاحت عليه عنقاتو وباستو ف حنكو: لا لا بقا اسلام الزوين البوكوص لي مخلي البنات طايحت فيه ..عاودات ليه بوسة اخرى ف حنكو: يلاه ا حبيبي انا مشيت
نزلات ملاك من حداه وهو بقا مبنج بلاصتو جلس فوق الناموسية و تاينتف ف شعرو يرجعو لوور تايمس حنكو و يديه لي باقا فيهم ريحتها .حس براسو ايحمااااق بدا تايضرب ف راسو بيديه و تايغوت ؛ وراااااااااهاااااا ختك دخلها لمخك ا اسلام ..
أنت تقرأ
🚫🚫 في قلبي انثى دكالية 2 🚫 متوقفة 🚫
Romanceجزء 2 للقصة ، أحداث جديدة 💖 نتمنى تعجبكم ، ماشي انا الكاتبة للكاتبة : سعاد (أم زياد) 🚫🚫 متوقفة 🚫🚫
