هبط اياد وتلاقا مع اسلام مشاو جابو السخره و طلعو اسلام دخل لبيتو ماهدر مادوا حد..... اما اياد دخل يعاون ريتاج ف اكوزينه وجدات ماكله ملاك بوحدها طحنت لها الصوبا و صيبات لها الطيحال... اما اياد جالس تايوجد ف صوص طوماط باش يدير طاجين الكفته.... دخلت ريتاج وكلات ملاك من بعدما عطاتها دواها غطاتها وخرجت وهي الدمعه ف عينها علا ريتاج اللي حالتها دموعها ماحبسوش وخا ناعسه..... دخلات ولقات اياد تايغسل ف الماعن: غير خليهم انا انغسلهم نتا يدك ضاراك
اياد: خايفه عليا زعما
ريتاج: شافت فيه و عينيها مغرغرين: سمح ليا والله ماكان قصدي نضربك غير نتا نرفزتيني
اياد تصدم.ماكانش كايتوقعها اتطلب ااسماحه: ماشي مشكل حتا انا عيقت عليك ولكن خاصك تفهميني...
ريتاج :حبساتو: انا كنت باغا نطلب غير السماحه حيت غلطت.. ودابا خليني نغسل هادشي ونحط لكم تاكلو..
قرب لها اياد وشد يدها لي تايرجفو.: نتي ديما.كاتحبسيني ولكن ليوما اتسمعي عيييت ا ريناج وهادشي لي وقع مع ملاك و اسلام خلاني نفكر بزاف... انا كانبغييييك كانحماق عليييك وهاد الغيره والحكام غير حيت كانمرض مني تانشوف شي واحد تايدور بيك... هز يدو قاس حنكها و مسح دميعه نازله: والله ماتانكدب كانبغييييك
ريتاج وصوتها تايرجف: وهاديك.لي كنتي معها ف البار.. جالس تبوس فيها
اياد نزل لحنكها باسو وعضها حتا غوتت: مازال مانسيتش لك المشيه للكلوب
ريتاج :😭😭 اااه باش مانشوفش حقيقتك ونت كل نهار مع وحده وانا مبينه الوجه الخايب ديالك
اياد :حاوطها من خصرها: وراه حيت كانبغيك كانكون خايب معاك... وزايدون هادوك غير قحبات
ريتاح: ضرباتو لكتفو: صلح فمك
اياد باسها ف فمها بوسه خفيفه يخليلي المؤدب انا... ابتسمت ليه ماحست براسها حتا فمها ولا ف فمو و دخلو ف قبله طويله لي كاتبين بانها موافقه علا الكلام اللي قال مافاقو غير علا تنحنيحه اسلام لي لابس سيرفيت... ريتاج غير شافتو و عطات رجليها للريح
اسلام: طفيو طفيو علا هاداك الطاجين ريحه حراقو وصلات لراس الدرب
جر اسلام كرسي ف الكوزينه و جلس داير رجليه اما اياد مشا قابل الطاجين حتا سمع صوت: كاتبغيها؟
دار عندو: كانحماق عليها
اسلام بابتسامه: الله يخليكم ل بعضياتكم... ماديرش نفس غلطتي.... وقف شاف فيه: انا اندخل نعس بلا ما تفيقوني ناكل
زاد بلا ما يسمع رد اياد و دخل للبييتو تجبد فوق الناموسيه غمض عينيه ف محاوله للنوم.
ف مدينه الجديده وفالشركه ديال نوح تايتسمع صوت ريهام لي كاتغوت وواحو صوتو اقوى منها: راااااك مرييييض هاد الهدره نساها
دانيييل: ماتخلينيش نتاخد شي اجراء ندمك عليه سمعتي... ولدي يعرف ليوما شكون باه ولا بربي حتا نغبرو ماتعرفيه فيه زاد
ريهام كاترعد جلست ف الكرسي ودموعها بداو ينزلو: حرااااام عليييك حرام.. باغي تحرمني من. ولدي ماحشوماش عليك. واش حتا كبرتو وولا راجل باغي تديه ليا
دانييل مسح علا وجهو بعصبيه وجلس: شوفي اريهام انا. ما انبعدوش عليك راه ايبقا يجي يشوفك مهما كان نتي راك مو وانا ما انساش خيرك.... ماكنتش باغي نوصل لهاد الموتصل ولكن حتا نتي فهميني. خااااص اسلام يمشي معايا
ريهام: هئ هئ بغيت غبر نعرف كيفاش حتا عرفتيه ولدك وانا براسي مازلل ماصدقت هاد اللعبه ديالك يمكن كاتفلا عليا
دان: ماعندي لاش نتفلا عليك وقلتها و نعاودها مستعد ندير التحاليل باش تاكدي.. انا راه عارفو ولدي مني طاح ف كرش ايلينا
ريهام بصدمه: كيييفاش 😨😨 وعلاش حتا لدابا عاد بنتي وباغي تديه
دان: ريهام كترت الاسئله ماعندي ماندير بها عندي ضروفي لي خلاتني غابر و ضروف لي خلاتني نبان.... انعطيك سييييمانه ما انفوتهاش.. نهار السبت اتلقايني ف الفيلا وتكوني مخبره اسلام بموضوعي ولا انتصرف شي تصرف ما يعجبكش
خرج و خلا ريهام دايخه ماعارفه ماتسبق ولا تؤخر... كيفاش اتقوللها ليه وكيفاش هي اتقدر تفرق عليه و كاتفكر ف ملاك الا مشات حتا عرفات انه ايمشي عليها تقدر تحماق
وصل الليل وكل واحد شاد بيتو... ريتاج لي متكيه حدا ملاك لي غير ساهيه... و ريتاج مكونكطيه مع اياد لي تايطلب منها تجي عندو للبيت... انتبهت ليها ملاك كاضحك بينها و بين نفسها: اسبحان الله شفتك تاضحكي غي بوحدك
ريتاج: ها لا والو ماكاين والو
ملاك:😏 تي هدري راني كانعرفك كتر من راسك
ريتاج: بغيت نعود ليك و لكن خايفاك تقلقي مني
ملاك: غير هدري ما بقات حتا حاجه تقلقني ولا عندي كلشي بحال بحال
ريتاج: عنقتها: انا وواياد تصاحبنا قال ليا تايبغيني و حتا انا تانحس ب شي حاجه من جيهتو.. قلت نعطيو لراسنا فرصه
ملاك سككتت مده وباست لها راسها: مزيان الله يكمل بالخير... و دارت عطاتها بالضهر مغمضه عينيها و دموعها نازلين
ريتاج ما استحملتش تشوفها هاكاك.. قربت لها وتكات علا كتفها: مالك ا ملاك ما فرحتيش ليا؟؟ علاش اختي ا ش واقع؟!
ملاك كاتهدر وهي مغمضه عينيها: ماماليش غير عيانه خليني تعس و سيري كملي هدرتك مع اياد
ريتاج: حشومه عليك تقولي هاد الهدره
قاطعتها ملاك لي ناضت نفضت عليها الغطا ووقفت كاتهد ر و دموعها نازلين؛ انا اللي حشومه عليا ولا نتي هاااا... بين ليله ونهار بغيتي اياد مافكرتيش فيا انا....كاتمسح دموعها بنتره.... ياك بسبااااااابك مشيت للكلوب باش تشوفيه علا حقيقتو... وهانتي شفتيه و مع وحده...ودابا تصاحبتوووو عاااادي عندك... وفين انا من هاد الخرا كامل.... اش دا ديلمي لشي كلوب ولا زمر
ريتاج لي بدات تبكي حاولت تقرب لها: بعديييي مني ماتقربيييش ليااااااا.. كن مامشيتش كن راني باقا ب شرفي كن راه ما نتغتصبش من طرف خويا... كن راه مانوصلش انني نبغى نقتل راسي.... تفووووووو علا النهار لي جيت فيه للهنا....... نتوما تحابو و انا يطلع معايا القالب.... مني باااااااغاه كنتي تجلسي حتاااااا يشبع كوااااا ويجي عندك يكمل ليك..... قلت لك ماتقيسينيييييييييييش.... انا اللي بنت القحبه نايضه نجري ف ليالي نبين لك حقيقتو باش ماتبغيهش و تكرفسي
ف هاد الاتناء ذخل اسلام لي سمع غواتها شافتو وهزت ريحه ديال اياد فوق الكومود و شيرت عليه بيها كانت اتجيه ف الراس كن ماخواش عليها :!خررررج قوووووووود عليا
يلاه ايخطا جيهها وهو يشدو اياد من كتفو: غير خرج انا انهدر معاها
ملاك لي جلست للارض جامعه رجليها عندها وحاطه جبهتها فوق ركابيها: خرجووو كلكم عليا ما باغا حتا واحد 😭😭😭...كاتهدر بصوت مهموس: خرجووو بعدو مني خليوني بوحدي
... بقات هاكاك حتا حسات بيدين حاوطوها ماهزاتش راسها باش تعرف شكون حيت عارفاه غير من ريحتو ون الجهد باش تدفع ولا تغوت مابقاش عندها... ولا هي براسها محتاجه ل حضنو بالذات اكتر واحد وصلها لهاد المواصل باغا حضنو حيت كان هو الامان ديالها ف واحد الوقت... بقات بنفس وضعيتها من غير يدين اسلام لي معنقينها.. حاط راسو علا كتفها و دموعو هابطين.... بقاو مده وهما هاكاك حتا حس بيهاكاتحرك باش تهز راسها.. بعد عليها شويه خلاها علا خاطرها... هزات فيه وجها لي ولا حمر ولاصق عليه شعرها مع الدموع.. عينيها جغمه ديال الدم ووجهي ممحي من اي ملامح....شافت فيه بكل برود ووقفات... جلست فوق الناموسيه مسحت وجها بكمايمها..... اما هو بقا بلاصتو ماتحركش... كان متوقع دير شي حركه ولا رد فعل ولكن هاد البرود ديالها ماتايطمئنش......
اسلام وقف وجلس حداها: ملاك هدري غوتي ضربي حتا لوصلات بيك تقتليني باش ترتاحي ديريها
ملاك دورات فيه وجها و بشوفه كره و حقد: يكفي واحد من عائله نوح طلع قتال و لي هو ولدو مانكونوش كلنا قتاله.. نتا قتلتيني الله يجعل الخير والبركة
كلامها دخل بحال السم مع داتو.. هو براسو ماعارفش كيفاش يدير حتا يقاد معاها الامور... طلب السماحه ماعندو باش ينفع ولا يفيد. حيت لي راح عمرو ما يرجع...حس بلسانو تقال عليه.. ماعرف ما يقدم ما عرف ما يؤخر
اسلام: ملاك انا عارف لي درت ماشي ساهل باش تقبليه ولكن ماعرفتش اش كان واقع ليا عينيا تغمضو.. سمحي ليا بزااااف
ملاك ببرود وهي لداخل ديالهل تا يغلي: ههههههههه نسمح لك. . علا نتا هادشي لي درتي ديال السماحه... راك غتصبتيني اخوووويا..لنفترض اانا سمحت متوقع ما ما اتسمح لك. ولا كاااااع فتنا هادشي كامل هادا لي انتزوج بيه مني يعرف خويا سبابي حتا مابقيتش بنت ايسمح لك
اسلام مني سمعها جبدت حس الزواج وقف بلا ما يحس: كيفاش زواج.. و امتاااا. بدا تايمشي و يجي لا لالا... رجعها شدها. من دراعها ولو حاولت تنتر ليه ولكن كان قوا منها شاف فيها. بشوفات عامرين غضب تحول عكس اسلام ليكان دابا تايطلب السماحه: سمعيني جووووج كلمات دخليهم لمخك.. عمرك تحلمي بالزواااج.. صااافي نتي تبصمتي وليتي ديااالي. بغيتي نفهمها لك. مزياااان... انااااا تنبغيييك و ماااااشي خووووووك درتو فيا خير و ربيتوني لا اقل ولا اكتر.. نتي ديااااالي ماشي كبرتك علا يدي و يجي واحد يديك ... انا راه مابقا عند عدو ربي مانخسر... نحرق هاد الق****كااااامل واولهم نتيا. نذوز عليييك من لودن لودن و ندفنك و نقول ماتت علا انني نشوفك مع غيري. . دابا خرجت لي ف قلبي. انااااااا مااااااشي خووووووك.. ونتي مااااشي ختي.... انا كانبغييييك و نتي كاتبغييييييني بالخاطر بزز ماسوووقيش.. مهم كاتبغيني....
دفعها علا الناموسيه وخرج زدح الباب علا جهدو سمع الصداع ق بيت اياد ماتسوقش اصلا هاد الاعتراف لي حياتو كامله و هو هازوو ف قلبو. خواه ف جوج دقايق و لمن لللمعنيه بالامر... صافي وصل لمرحله لارجوع فيها... ماكاينش ما اخيب من الاغتصاب و راه دارو عاد ايحير ف الاعتراف....عرف علاقتهم خسرات ك خووووت.. لدلك خصو يربحها ك حبيبه بغاات ولا كرهت
أنت تقرأ
🚫🚫 في قلبي انثى دكالية 2 🚫 متوقفة 🚫
Lãng mạnجزء 2 للقصة ، أحداث جديدة 💖 نتمنى تعجبكم ، ماشي انا الكاتبة للكاتبة : سعاد (أم زياد) 🚫🚫 متوقفة 🚫🚫
