🚫🚫 في قلبي انثى دكالية 2 🚫 متوقفة 🚫

26

ماعرف راسو كيفاش حتا وصل لقدام السبيطار ولا واش تايحلم ولا فايق.. راسو دايخ عليه ماعارف راسو مالو تتيشوف ف اياد تايجعر و يعرعر ولكن بحالا ماتايسمعش صوتو غير شفايفه لي كايتحركو.. قفز مني ضربو اياد لكتفو لي وخا هاكاك عز عليه مني شافو بهاد الحاله عرفو حتا هو داخل ف صدمه.. مازال ماعارفش اش واقع... نزلو من اللوطو ودخلو لسليطار مشا نيشان اياد للمستعجلات فين تايعرف الناس بحكم قرايتو..وانه تايدوز سطاج ف هاد السبيطار.. لدلك بلا ما يحتاجو يدخلوه ف سين و جيم... سالا الخياطه لي دارو ليه فيها 8 غرزات.. دار فاصمه وخرج عند اسلام لي جالس داير راسو وسط يديه ورتايدور راسو بلا فحالا بدا تايوعا علا اشنو دار.. مكتفي بتحريك راسو فحالا تايهدر مع شي واحد فيه للداخل.. كانه واحد ملبوس و تاينفي ليه اللي وقع.... جلس حداه اياد لي حط يدو علا كتفو وهدر بصوت هادي :اسلام صافا.... ماجاوبوش.... اسلام نوض نتحركو منهنا... وقف معاه بلا مقاومه.. تحركو للوطو ركبو و اياد لي ساق وخا موعت ف يدو ولكن حاله اسلام ماتسمحش ليه يسوق ولا يدير شي حاجه.. وصلو حدا البحر و نزلو كان الصباح بكري والدنيا خاااااااويه... برد خفييف تايجيب التبوريشه ولكن ف نفس الوقت تايرد الروح.... نزلو للرمله وجلسو... اياد ماحكرش عليه يهدر عارف مازال دايخ عارفو مازال ف حاله نكران لعاداك الشي لي دار رااااه ماشي سااااهله راااااه ختو.. اغتاصب ختوووو....كان تايسمع بهادوك لي تايغتاصبو خواتاتهم و يبدا يسب و يعاير و تايقول تفوووو علا قله القحباات... كان يمكن يهز اي وحده يشبع فيهاا كوا و يخلي ختووو...حتا صدق هو داير كتر من هادشي... غتصب ختووو لي كاتحماق عليه..غتاصب البنت لي كاتقوله بابا... غتاصب البنت لي كايبغي و يفديها بروووحو.. ولكنردابا روحو ماعندهاش باش تفييد.... ماحس براسو الا وهو حاط راسو علا فخد اياد و تكمش ف الرمله بحال الوليد الصغير لي تاضربو ماماه حيت دار القباحه و تايشد الركنه ويتجمع ويبدا يانب ف راسو.. هاكاك دار مع اياد لي لقاه بجنبو تلاح علا فخدو و عطا للحريه ل دموعو ينزلو بعدما تاكد بان هاداكشي لي دار ماشي حلم انمااااا واااقع....نزلو دموعو تايحرقو فيه وهو كاره راسو ماحس بنفسو حتا بدا يتنخصص وهو كايتفكر ايامهم مع بعض.  ايام ماكانت تجي بليل تخشا حداه حيت كاتخاف من الضلام... ايام ماكاتبغي تقطع شانطي كاتزير علا يديه حيت كاتخاف من الطريق.. كان هو ملجاها من الخوف.. كان هو الامان ليها من اي حاجه كاتخلعها... دابا ولا ف عينيها هو الخوف بذاتوو بقا اسلام هاكاك تايبكي و اياد ماهدرو ماكلمو خلاه علا راحتو... عارف تانيب الضمير بوجدو تيعدبو... بقاو مده هاكا حتا حس بيه اياد نعس.. حاول يفيقو بالشويه باش مايتخلعش.. حل عينيه لي حمارو  و جلس رجع شعرو اللور ووهدر بصوت محروق: انا ماشي راجل اياد.. خاصني الذبيحة
اياد:اسلام اخويا فهمني اش وقع مابغيتش نبزز عليك تهدر مي راه راسي ايطرطق
اسلام: هاداكشي لي ف بالك هو ليكاين... انااااا اغتصبت ملاااك
اياد لي كان كايمناه ينكر: ختك اصاااحبي ختك.. ياك القحبات غير مزلعات ف الكلوب.. المخيره فيهم دوز معاها ليلة
اسلام:خنزر فيه ب شوفه اول مره تبان علا وجهو. الشوفه ديال ممكن يقتل و مايهموش ف هاد لحضه... هدر وهو مكزز علا سنانو: ماااااااشي ختي... ملااااك ماشي ختي.. نتا عارف وهي عارفه انها ماشي ختي
اياد لي تايحاول يكالميه: ا سلام لعن الشيطان اش هاد الهدره من ديما هي ختك.. علاش دابا هاد الهدره
قاطعو اسلام بالغوات وصوتو فيه بحه ديال البكا: حيييييييت كاااااانبغييييها.. حيت كانحماااااق عليييها 😭😭😭 حييييييت هي كلشي عندي..... حيت هزيت الدقه ديال حبها ف قلبي بووووحدي.. حيت كانشوفها قدام عيني كاتكبر و كايهدرو علا نعار عرسها كانبغي نحماااق... حيترلاشاف فيها واحد غيري ندوز عليه من اللودن للودن...... عاود دار راسو بين رجليه وكمل بكاه
اياد لي تصدم ف صاحبو و رفيق دربو... عمرو شافو هاكا مازم.. حتا مني عرف راه نوح ماشي باه تمالك نفسه ولكن دابا صافي مسااااااالي... بقا يهز يهز ف قلبو حتا تفرققع... اياد ماتوقعش ان اسلام يبغي ملاك... بصح كلشي عارف انهم ماشي خوت شقيين ولكن علاقتهم كانت اكتر من الاخوه وكلشي حاسدهم عليها..
اياد لي راسو بصح ايتفرع: ماحيلتو لصاحبو لانه عارف. ب عذاب الحب... كان تايفكر مشكلتو عويثه مع ريتاج ولكن مني شاف حاله اسلام عرف انه قدااااامو لا شي... شكون ايتقبل هاد العلاقه حتا واحد ابتداءا من العائله من الناس من الجيران من المجتمع كلووووو.. ماكاينش لي ايقبل اخت تزوج واحد بمرتبه خوها والكل عارفهم خووووت شقيين من غير العائله لي تكتمت علا الوضع
اياد نطق بعد صمت: تنهد تنهيده كاتبين حالتو وانه يدو مربوطبن ماعندو باش يفيدو: دابا اش ناوي دير؟
اسلام: هز راسو فيه ووجهو دموع: انهز ملاك و نزيد ل شي قنت مايعرفني فيه حد.. مهم تكون معايا
اياد: ماشفتش راسك وليتي اناني.. ماشفتش حالتها هي كيف دايره...مافكرتيش ف مااااامااااك ريهام
اسلام مكزز علا سنانو: لاول مره ف حياتي انكون اناني و نعيش ل راسي مانتسوق.ل حد مهم ملاك تكون معايا.... وقف وهو حالتو محشكر... جر اياد من يدو.. نوض دابا نتحركو للدار
اياد: اسلام ما عندك ما اتمشي دير ف الدار.. خلي شويه الوقت لملاك تستوعب هادشي لي وقع
اسلام: كلشي باين اش اتستوعب... صافي غتاصبتها....انجمعو قلوعنا ونقودو  ل شي قنت ماعرفنا فيه حد
اياد: هانتا انمشيو وخليني نهدر معاها نعرف بعد اش بيها
اسلام لي تلاح عليه قجو: شششش عمرك تهدر معاها ولا تقيسها... هي ديالي ملكي... بوحدي نهدر ونقيسها ونسولها... لي قرب لها ندبحوووو مانحيرش ف اصل مو
اياد لي حاول يهدي الوضع حيت عرف اسلام ماشي ف حاله طبيعية. او فعلا عشقو ل ملاك تجاوز حب و هيام وولا هوس بيها...حب تملك ليه بوحدو...
شاف حتا عيا حرك راسو يمين و شمال و تبع اسلام لي زاد جهه لوطو... ركبو و توحهو للدار و هما ماعارفينش اش تايتسناااااهم تماك