🚫🚫 في قلبي انثى دكالية 2 🚫 متوقفة 🚫

22

من بعد ما حصلهم اسلام لي ولات النفس تاطلع و تهبط بزز ماكرهش يصطح و حده علا الخرا و لكن ماباااااغيش الشوهه و يزيد يكمل عليها لاخر لي سكرااااان ماجايب للدنيا خبار..... جارهم معاه و هما تايشوفو ف بعضياتهم. بنص عين ماقادينش يهدرو ولا يتكلمو غبر قصوحيه الوجه لي جايباهم و جرأه ملاك لي ما بغاتش ريتاج تصيد... اسلام تاينهج حس بالطريق من عندهم للطبله حتا وقف..
هز ياسين راسو وصفر: اوووور غبرتي غبرتي و جبتي جوج ف دقه... والللووووووز اصاحبي 😍😍
اسلام خنزر فيه: خوااااتاتي القلاوي جمع كرك
البنات تصدمو شافو فيه زعما خسر الهدره قدامهم: دفعهم جلسهم ف القنت معزولين وجلس حداهم تايهزز ف رجلو والكاس ف فمو.. اما ياسين مابقاش نزل عينيه عليهم وخا صحايبتو حداه نكرها
اما ريتاج غير دورت عينيخا علا اللي ف الطبله وهي تصدم من اياد لي شاد وحده قدامو مامسوقش ل شكون جا ولا مشا خدام علا ولادو....ريتاج صدمتها ما انقولش قويه لانها كانت متوقعه اتلقا ه ف شي وضع ماشي هو هاداك وخا الطريق كلها وهي تادعي. باش ماتشوفش شي حاجه لي تمرضها ف صحتها حيت بصح بدا اياد تايعشش ليها ف الدماغ... بداو تصرفاتو معاها تتيعجبوها.. بدات كاتعرف علاش تتصرف معاها هاكا.. خلاها بتصرفاتو تحس بيه و بانه حتا هو باغيها كان عاطيها امل ولكن حست بينه تهرس ف هاد اللحضه...
اسلام لي مني جلس وهو مقابل ريتاج كيفاش كاتشوف ف اياد و كيفاش الدمعه محجره ف عينها ليكسيبري جلسهم. تماك باش تشوفو.. لان بكتره الصعره لي فيه الحاجه بي خلاتو يبرد انه يشريها ل اياد مع ريتاج حيت من الصباح وهو يقوليه نوض ولاخر نييييباااااالا... مني شافها وصلات للطوب وومكن ف اي لحضه تنوض تنتف هاديك خيتي... بالاخص مني شاف ملاك نايضه ناويه علا خزيييييت غير ريتاج لي شداتها من يدها ضاغطه عليها بحالا كاتاخد من عندها القوه. اسلام وقف ووقفو معاه البنات لي عقدو غوباشتهم خنزرين خاصهم غير معامن...
اسلام شافرف ياسين وهدر: خرج ليا اياد لبرا انا سابقك
هز لوطو ديال اياد لي فوق الطبله وتلفونو و زاااد داير البنات قدامو و هو لور...
اما ريتاج غير ضرب فيها الهوا ديال برا و بداو دموعها ينزلو شلالو...مشا اسلام لوطو ركب من بعدما خوا عليه قرعه الما...ركبت ريتاج لور يلا اتخشا حداها ملاك: اجي حدايا
ماعاودتهاش معاه سدت الباب ووبقاو يتسناو ف ياسين لي جايب اياد يتخروع و يغني ويلوح ف رجليه... ركبو ياسين لي ولا يلهت لور وهد ر مع مع اسلام: سوق غير بالشويه.. تهلا و شاف ف البنات :جيبهم معاك المره الجايه نتعرفو كتر 😉😉
زاد ياسين وخلا العافيه شاعله ف قلب اسلام لي زاد كفر مني سمع هاديك الهدره..كسيرا والصمت من الاطراف بتلاته من غير اياد لي مزهي الدعوه حتا تهد وعيا حط كتفو علا ريتاج لي ماكرهاتش تشير بيه من اللوطو..غمض عينيه ونعس
ملاك القران كامله لي حافضه قراتو ف الطريق عارفه هاد الهدوء موراه شي تفرقيعه ديال داعيش بالاخص كلشي ايحي فوق راسها عارفينها هي الزعيمه وماكاتخافش عكس ريتاج.. كاتشوف بنص عين ف اسلام لي مركز مع السوقان بالاهص انه سكران وخا شاد ف راسو هو بداتو كايتمنا يوثلو علا خير للدار باش هاديك الساعه يفدي دقتو و شوهتو قدام صحابو... اما ريتاج مني حط عليها اياد راسو وهي كاتفكر و دموعها ماعداوش من النزول كاتحس براسها تشمتات و بقا فيها الحال انها حلات المجال فين تفكر فيه.... بعد مده وصلو للدار طلعو البنات هما اللولات و تبعهم اسلام لي متكي عليه اياد بزز باش فاق ليه و قدر يتحرك معاه شويه حتا يوصلو...
ملاك اول حاجه دارتها دخلات للطواليط طلقت البوله لي شداتها بالخلعه.. مشات للبيت لقات ريتاج كاتجمع ف حوايجها
ملاك؛ اويلي اش تاديري اصاحبتي
ريتاج: انمشي فحالي و تقولي واش نزيد ساعه هنا... مخنوووقه ا ملاك و بلا ما تحبسيني راه لا ماخرجتش انتسطا
ملاك عنقتها: شششش ماديريش هاد الحاله. ف راسك حمدي الله ربي فضحو لك قبل ما تكون بيناتكم شي حاجه.. ودابا عاااافاك حطي حوايجك خلي هاد الليله دوز علا خير.. راه لا مشا حتا لا شافك اسلام باغا تمشي والله حتا يدوز علينا
ريتاج: ملاك حسي بيا راه...
ملاك عبنيها دمعو؛ وانتي لي حسي بيا الله يرحم باك.. هانتي هزي بيجامتك و دهلي للطواليط بدلي تما راه ف اي لحضه يقدر يدخل لاخر
ريتاج: ما انخليكش معاه نتي مشيتي ل تما ب سبابي لاكان باغي يغوت علا شي حد يغوت عليا انا نتي مادرتي والو
ملاك؛ عافاك ا ريتاج....مازال ماكملاتش هدرتها حتا دخل اسلام عندهم وجهو ماكايتفسرش. ماتعرفيه معصب و لا هادي واش باغي يضرب و لا غير يهدر و يفهم علاش مشاو.. شاف ف ريتاج لي مزيره علا يد ملاك زعما ما انخليكش
دوز ب شوفه خفيفه علا ملاك لي بانت له الدم تخطف من وجها ولات بيضا. بكتره الخلعه الدموع بداو يتجمعو ف عينيها... هدر بصوت هادي: باتي هاد الليله ف بيت اياد
البنات بقاو تتيشوفو ف بعضياتهم حتا قفزهم. بغوته: هدرررررررت. ا ريتاج ولا لا
ريتاج بصوت مقطع: ا سل ام.. خليني اخويا مع ملاك
غمض عينيه و تنهد مشا ل جهتهوم فرق يديهم لي مشدودين منهم بلا ما يهدر ما يتكلم دفع ريتاج ل برا و سد الباب بالساروت.... خلا ريتاج تادق و تغوت باش يحل لها ولكن شكون داها فيها ماتسوقش لغوتها اللي مخلط بالدموع... شوفتو و سمعو مركز ف البنت لي قدامو .. لي ماعارفش هي شكون واش ختو ولا حبيبتو.. باي صفه كانت كاتشعل فيه العافيه مني تايتفكر فاش دخلو للكلوب و كايتفكر كلام حسام كلام ياسين شوفات الدراري فيها.. حركاتها العفويه اللي كاتخلي اي واحد يبغيها.. تشيطينها لي تايشريها ليها...كلشي فيها تايسطيه... فات مرحله العشق والهيام فات هادشي كامل. ولا مهوووووس بيها.... حاجه وحده لي واقفه ف وجهو هي ريهام عارف صدمتها اتكون قويه لا مشات حتا لعرفات. ولدها لي سهرات معاه الليالي تايبغي بنتها لي كانت كاتنعس ف حضنو و تخبا عندو و تخلي ليه حقها من ااشكلاط باش تعطيه ليه... هادشي كامل. فكر فيه و خمم فيه وهو وااااااقف قدام ملاك لي مني سد الباب ماتحركات ما تزعزعات واقفه بلاصتها بحال الصنم خافت دير شي حركه و تقلب عليها ولا تخرجو من سهوتو لي داتو بسباب عشقو ليها..
شاف فيها شووفه حاده و خطا جيهتها