ما ذنبي أن كنت تعشقها ؟

أول أخطائي

كان الماثل أمامي هو مصطفى جائني وفي عيونه الف حكاية.........

إيثار :
شبيك مصطفى ليش هيج حالتك وشلون جيت هنا   ،،  أكو شي وكع كلبي أحجي.......

مصطفى :
إيثار  ،،  سامحيني  ،،  سامحيني......

ذهبنا أنا ومصطفى إلى مكان بعيد عن الفندق الذي كنا فيه انا ومرتضى  ،،  فقد طلب مصطفى الإبتعاد عن الناس لكي يتحدث معي في موضوع مهم  ،،

في بداية الأمر رفضت لكنني أستسلمت بعد ما رأيت عليه من تعب وألم  ،،  وفي قرارة نفسي كنت انا أتوق لأعرف ما جاء به وما الذي يريد التحدث به معي........

يا ليتني في ذلك اليوم لم أذهب معه ولم أتحدث إليه ولم أسمع  ،،   فكان ذلك اليوم هو أول أرتكاب خطأ في حياتي مع مصطفى........

مصطفى :
إيثار  ،، اني احبج من كان عمرج 5 سنوات وحبج يكبر يوم عن يوم  ،،  وكنت أخاف عليج حتى من نفسي....... وكان الكل يعرف بهذا الشي إلا إنت  ،،  وقررت وية جدي وخالج محمود أبوية أزوجج بعد دخولج الجامعة وبأول سنة ألج........ أكون اني بيها متخرج من الكلية ومشتغل بالشركة ومثبت نفسي وعارف بكل الشغل مال العائلة.......

بس صار شي غير حياتي قبل حياتج....... اجتي فاتن وكانت تعرفني ومخططة لكل شي وللأسف اني وكعت بشباكها بكل سهولة وغباء.......

نسيت حب حياتي ونسيت البنوتة إلي كنت أحلم بيها كل يوم........ وإلي كنت أخطط لحياتي وأكافح حتى أعيشها أميرة مثل ما عاشت ببيت جدها......

أعترف اني غلطت بحقج وأنخدعت بسهولة وحطمتج وكسرتج بس يا إيثار وداعت حبج....... شي واحد بقيت واثق منه حبج بكلبي ما أنشلع حتى بوجود فاتن
تتذكرين بحفلة ريما شلون كسرتج وما خليتج تلبسين فستانج وتغيرين شكلج..... صدكيني مو حتى أضوجج وأعاقبج وأكرهج بيه...... لا لأنه بداخلي حركتي الغيرة..... وشبت نار جهنم بكلبي من شفتج بذاك الجمال وأنشل عقلي واني أفكر منو راح يباوع عليج وحيشوفج........

جمالج وكلبج وكل شيء بيج ملكي آلية وبس.... بيها حسيت بحبي ألج وتخيلت لو تزوجت فاتن وطلكتج وتزوجتي غيري...... وتخيلت غيري يحضنج ويلزمج ويكولج حبيبتي وتكونين زوجته ألة مجرد ما فكرت تخبلت وصحيت على نفسي.......