الفصل الثاني .......................... ...............خيانة
بيت الجد احمد :
معتز :
اترجاج ايثار اسمعيني ...
ايثار : وعيونها قد تورمت من البكاء
معتز احنة انتهينا وصلنا للنهاية كوة اجيت على نفسي وقبلت تحجي وياية على انفراد واني مو طايقة اباع بوجهك .... فرجاءاً اتمنى تكون هذهِ اخر زيارة الك واخر لقاء بيناتنا .... فضها عاد رفعت اوراقي للقاضي ورجاءاً هالمرة تحضر على الموعد حتى نتطلك كافي تعبت ارحمني يا بني ادم كافي .....
معتز :
وانتِ كل عقلج حطلك .....
ايثار : بصراخ
حرام عليك ارحمني .... كرهت كولشي بيك كرهتك اعتقني عاد وفضني روح لهذيج الحقيرة روحلها ....(وبدأت تضربُ صدرهُ بيديها وتصرخ)
اذا انت تحبها من الاول ليش تزوجتني لييييييش شنو ذنبي اني اذا انت تحبها ليش هيج ......
معتز : بصراخ
لج والله احبج وهذهِ الحقيرة كان ملعوب منها ..... ليش مدا تصدكين ؟؟؟؟؟ ليييييش
ايثار :
لك انت احقر انسان بالكون .... اني شفتكم بعيني شنو الملعوب ...؟؟؟ وهي اجتني واعترفت انهُ كنتو تلتقون من زمان وتحبون بعض..... ليش هيج تعذبني لييييش ما عندك رحم ..... ما تخاف الله
(بدأت تدفعهُ بقوة )
اطلع برةةةةةةةة
الخال محمود :
اطلع برة ابني وفض كولشي بينكم بالحسنى رجاءاً لا تخلينا نتخذ غير اجراء وياك افتهمت؟؟؟
أنت تقرأ
ما ذنبي أن كنت تعشقها ؟
General Fictionأمسكت قلمي ودونت آهاتي على سطور تلونت بحبر ممزوج بقطرات الدم التي سقطت من قلبي مسومة بدموع عيوني........... كل كلمة من دفتري ستقرؤوها ستكون لكم مجرد كلمات تعبر عن شخص مجروح لكنني في الحقيقة لست مجروحة.......... انا خططت تلك الكلمات بقطرات الدم ودم...
