ما ذنبي أن كنت تعشقها ؟

زواج

بعد الحفلة ،،،   الكل كان مندهشاً مما سمعوه ،،،،

رجع الكل   ،،،   وهو يفكر بطلب معتز للزواج بأيثار   ،،،،،  ما بين حيراناً ومتعجباً ومتسائلاً...........

مسرة : على الهاتف
مرتضى لحد الان ما أجة   ،،،   هذا صدوك يحجي   ،،،  ؟؟؟

مرتضى:
ليش مسرة شكو بيها ،،، ايثار بيها عيب لو معتز بيه عيب ،، شنو الغريب بالموضوع   ،،  اصلاً بالعكس من زمان كنت اتمنى معتز هو الي ياخذ ايثار   ،،  لانهُ رجال من صدوك وشخصية  ،  ويُعتمدْ عليه   ،،  وايثار بنية رقيقة وواعية وحبابة ومتستاهل واحد مثل مصطفى وسبحان الله تحقق الي كان ببالي ،،،،

مسرة :
مو هذا قصدي حبيبي   ،،   اني اقصد مستحيل كان يخطر ببالي معتز ينظر لايثار بنظرة زواج وارتباط وهي كانت مرتبطة بصديقة   ،،   يعني .....

مرتضى :
قبل لا تكملين جملتج حبيبتي   ،،  ايثار ما غلطت من كانت مرتبطة بمصطفى  ،، الكل كان يعرف انه مخطوبين يعني امام الكل مو بالسر ومن ورة اهلة وديري بالج تجيبين طاري ايثار بالموزين   افتهمتيني حبيبتي لو اعيد ؟؟؟!!!!!!

مسرة :
هاي شبيك   ،، لعلمك قبل ما تكون كرايبك هي صديقتي واختي  ،،  اني مدا اقصد ايثار بكلامي   ،  اقصد معتز الي محد يعرف بشنو يفكر وشنو قرر وع العموم اسفة ع الاتصال باي