ما ذنبي أن كنت تعشقها ؟

ندم

لكل بداية نهاية .............

ايثار :
سيد مصطفى وين الكاه بلا زحمة .........

الاستعلامات :
تفضلي ست ايثار استاذ مصطفى تلكيه بمكتبه هسة

...........................................

مصطفى :
انتِ شجابج هنا ؟؟؟!!!!!

فاتن :
اجيت اشاركك فرحتنا ،،،،،،..............شفت شلون اني فرقت بينهم والحمدلله معتز وايثار مستحيل يرجعون لبعض ...

مصطفى :
اكيد دتحلمين .... ليش مو رجعوا انتِ غبية،،،؟؟؟

فاتن :
رجعوا حبر على ورق .... اصلاً انكسر كولشي بينهم بعد ما شافت ايثار الي شافته مستحيل حتصدك انه معتز المسكين ...... هههههه خطية متدري اصلاً هو طول الوكت يضرب بيه ويطردني واني الي مجلبة بيه .....اصلاً الموقف الي شافته عبارة عن لعبة وبس
اصلاً ايثار وحدة غبية .... من قبل اخذتك الك وما عرفت شلون تحتويك مع العلم انت من البداية تحبها بجنون بس انت جان بيك مجال تجي وياية وتتقشمر وهي ما تعرف شلون ما تخليك تشوف غيرها .....

ورجعت اخذت معتز منها ..... مع العلم معتز روحة بيها ومستحيل يشوف غيرها وماكو مجال انه ينخدع لو تنكلب الدنيا ...هاي غير الثقة العمياء الي ثاق بيها لايثار ....وهي ما تسوة ...... ورجعت بكل سهولة اخذته منها بغباءها لانه ما تعرف حب معتز الها شكبرة ..... وما تستاهلة ......

وجاء صوت من وراءهم ..........

ايثار : بدموع يملؤها الحزن والأسى
صح كلامج اني ما استاهل حب معتز لانه صدكت عيوني وكذبته اله   ..... بس انتَ اخر شخص بالكون كنت اتوقعه يخدعني مصطفى

بعد ما عاقبك الله بالمرض وبعدك تخطط ويه هالتافهة حتى تخرب حياتي ما كفاك عشت عذاب وجحيم من وراك قبل وحولت حياتي لتعاسة واني احبك وكنت دائماً اتمنى تجاوبني على سؤالي واني انتظرك ترجع من حضنها اذا انت تحبها اني شنو ذنبي تزوجتني وعذبتني .....،،،،،
كل هذا ما كفاك من لكيت حياتي والي تعلقت بيه روحي وبديت استعيد  حياتي الي حطمتها انت......
بفضل حبه اليه والي ورسملي الحياة بلون ثاني ........ رجعت بكل وقاحتك ترجعلي حياة الجحيم ليش ...... شسويتلك اني حتى استاهل منك كل هذا ..... ليش

اما انتِ ....... فاتن اتفه انسانه عرفتها بحياتي ومستحيل اصدك بيوم من الايام انتِ تكونين اختي .... اخلاقج الي ورثتيها عن امج الله يرحمها مستحيل ما تكون لاعبة من ورة ظهر ابوية وخاينته وخلتج بنته تصيرين مو بعيدة عنكم ...... بس تدرين اني اشفق وانقهر على وحدة مثلج انتِ وحدة مريضة صدكيني ....... مستحيل العاقل يسوي الشي الي انتِ تسويه ..... انتِ وحده عاهرة ومثل ما مصطفى لكة جزاة ربه ..... يجي يوم وتلكين ربج يجازيج على كل شي سويتيه .......